လံာ်ဟိၤၡ့ 7:1 - Sgaw Karen Common Bible

¹ တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်ဟိၤၡ့ 7:1 Iomraidhean Croise

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 59:12

ယွၤဧၢ, ပတၢ်ကမၣ်ထီဒါနၤတဖၣ်အိၣ်ဝဲအါအါဂီၢ်ဂီၢ်လီၤ. ပတၢ်ဒဲးဘးတဖၣ်အုၣ်အသးထီဒါပှၤလီၤ. တၢ်သ့ၣ်တဖၣ်အံၤခဲလၢာ်ပသ့ၣ်ညါဂ့ၤဂ့ၤဘၣ်ဘၣ်လီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယၡါယၤ 59:14

တၢ်စံၣ်ညီၣ်တီဘၣ်တၢ်နီၣ်ထီၣ်ကွံာ်အီၤ, ဒီးတၢ်အလိၤအဘၣ် ဟဲသုးဘူးအသးတသ့ဘၣ်. တၢ်မ့ၢ်တၢ်တီအခီၣ်ဘၣ်တိၢ်လၢ ကမျၢၢ်တၢ်လီၢ်လီၤပျီ, ဒီးတၢ်တီတၢ်လိၤတထံၣ်န့ၢ်အလီၢ်ဖဲန့ၣ် ဘၣ်.

လံာ်ယံးရမံယၤ 51:9

ပှၤတခီဘီမုၢ်ဖိလၢ အအိၣ်ဆိးဖဲန့ၣ်တဖၣ် စံးဝဲဒၣ်, ‘ပကျဲးစၢးမၤစၢၤတ့ၢ်ကီၢ်ဘၤဘူၤလိၣ်, ဘၣ်ဆၣ်စဲၤခံကဲၣ်ဆိးလံ. မ်ပပာ်တီၢ်အီၤအခဲအံၤ, ဒီးက့ၤကဒါက့ၤဆူ ဟံၣ်တက့ၢ်. ကစၢ်ယွၤစံၣ်ညီၣ်လံ ကီၢ်ဘၤဘူၤလိၣ်လၢအဂံၢ်ဆူၣ်ဘါဆူၣ်အပူၤဒီး မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.’ ”

လံာ်ယဃ့းစက့လး 16:46

နဝဲၢ်မုၣ်မ့ၢ်ၡၤမရံဒီးအဒူအသဝီတဖၣ်လၢကလံၤစိးတခီန့ၣ် လီၤ. နပုၢ်မုၣ်ဃုာ်ဒီးအဒူသဝီတဖၣ်မ့ၢ်ဝဲဝ့ၢ်စဒိၣ်လၢကလံၤထံး န့ၣ်လီၤ.

လံာ်ယဃ့းစက့လး 23:4

အဒိၣ်တဂၤအမံၤမ့ၢ်ဝဲနီၢ်အိၤဟိလၤ (အဝဲမ့ၢ်ဝ့ၢ်ၡၤမရံအခၢၣ် စး) ဒီးအဆံးတဂၤအမံၤမ့ၢ်ဝဲနီၢ်အိၤဟိလံဘၤ (အဝဲမ့ၢ်ဝ့ၢ်ယရူၤ ၡလ့ၣ်အခၢၣ်စး) န့ၣ်လီၤ. ယဖျီတ့ၢ်ယသးဒီးအဝဲသ့ၣ်ခံဂၤလၢာ်ဒီးအဝဲသ့ၣ်ဆံးစၢ်န့ၢ်ယၤ ဖိတဖၣ်န့ၣ်လီၤ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဟိၤၡ့ 12:1

တၢ်ခဲလၢာ်လၢကီၢ်အံၣ်စရ့လးအပှၤဂီၢ်မုၢ်မၤဝဲစးထီၣ် လၢဂီၤတုၤလၢဟါန့ၣ်မ့ၢ်တၢ်လၢအဘျုးတအိၣ်ဘၣ်ဒီးတၢ်ဟးဂီၤ န့ၣ်လီၤ. တၢ်လီတၢ်ဝ့ၤဒီးတၢ်စုဆူၣ်ခီၣ်တကးအတၢ်ဖံးတၢ်မၤတဖၣ် အါထီၣ်ဝဲလၢအဝဲသ့ၣ်အကျါလီၤ. အဝဲသ့ၣ်မၤလံာ်ဃံၤဃာ်ဒီးကီၢ်အၤ ၡူၢ်ဒီးမၤတၢ်ကူၣ်ဖံးကူၣ်မၤဒီးကီၢ်အဲၤကူပတူးန့ၣ်လီၤ.

လံာ်ဟိၤၡ့ 12:2

ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်ဟိၤၡ့ 7:13

အဝဲသ့ၣ်ကဘၣ်တၢ်စံၣ်ညီၣ်ဃါမနၤန့ၣ်လီၤ. အဝဲသ့ၣ်ပာ်တ့ၢ်ကွံာ်ယၤဒီးပူထီၣ်ထီဒါယၤန့ၣ်လီၤ. အဝဲသ့ၣ်ကဘၣ်တၢ်မၤဟးဂီၤကွံာ်အီၤလီၤ. ယအဲၣ်ဒိးအုၣ်က့ၤခီၣ်က့ၤအဝဲသ့ၣ်ဘၣ်ဆၣ်အဝဲသ့ၣ်အတၢ်ဘါထီၣ်ယၤ န့ၣ်တမ့ၢ်ဝဲတီဝဲဒၣ်ဘၣ်.

လံာ်ဟိၤၡ့ 8:5

ယသးဟ့ဂီၤဖံးထူလၢၡၤမရံအပှၤဂီၢ်မုၢ်ဘါထီၣ်အီၤန့ၣ်လီၤ. ယသးကဲၤထီၣ်အဝဲသ့ၣ်န့ၣ်လီၤ. တချုးလၢအဝဲသ့ၣ်စူးကွံာ်ညိကွံာ်အတၢ်ဂီၤတၢ်ဖီၣ်တဖၣ်န့ၣ်တၢ် ဆၢကတီၢ်ကယံာ်ဒံးဆံးယံာ်လဲၣ်.

လံာ်ဟိၤၡ့ 8:9

အခိၣ်ကိၤဝဲဒ်ကသ့ၣ်ယီၤအမံၤတဖၣ်အသိး, ကီၢ်အံၣ်စရ့လးအပှၤဂီၢ်မုၢ်လဲၤလၢအကျဲဒၣ်ဝဲန့ၣ်လီၤ. အဝဲသ့ၣ်ဟးထီၣ်ဒ်သိးကလဲၤဃုတၢ်မၤစၢၤလၢကီၢ်အၤၡူၢ်, ဒီးဟ့ၣ်တၢ်ဆူပှၤကလုာ်ဂၤတဖၣ်လၢကကဟုကယာ်အဝဲ သ့ၣ်အဂီၢ်န့ၣ်လီၤ.

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်ဧၤမိၣ် 3:9

ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်လူၤကၣ် 19:42

စံးဝဲ, “နမ့ၢ်သ့ၣ်ညါနဲမုၢ်မဆါတနံၤအံၤလၢ, တၢ်လိၣ်ဘၣ်မနုၤတဖၣ်လိၣ်ဝဲလၢတၢ်ဃူတၢ်ဖိးအဂီၢ်လဲၣ်န့ၣ်ဒီး, ကဂ့ၤမးလီၤ. မ့မ့ၢ်ခဲကနံၣ်အံၤ, နထံၣ်နဲတသ့ဘၣ်.