လံာ်ဟိၤၡ့ 6:8 - Sgaw Karen Common Bible

⁸ ကံးလဧးန့ၣ်မ့ၢ်ဝ့ၢ်တဖျၢၣ်လၢအပှဲၤဒီးပှၤအၢပှၤသီဖိတဖၣ်ဒီး ပှၤမၤသံတၢ်တဖၣ်န့ၣ်လီၤ.

လံာ်ဟိၤၡ့ 6:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:8

ဖဲအဝဲသ့ၣ်လဲၤတုၤဝဲလၢလၢၢ်ဖးဒိၣ်တဖျၢၣ်လၢအအိၣ်ဖဲ ဝ့ၢ်ကံးဘဧၤန့ၣ်စီၤဧမါစၤဟဲသဂၢၢ်အဝဲသ့ၣ်န့ၣ်လီၤ. စီၤယိၤအာ်ကူဝဲသိးဝဲဒီးတၢ်ဒုးတၢ်ယၤအကူအသိး, အိၣ်ဒီးနးတဘ့ၣ်အိၣ်လၢအတြိးပူၤစၢဃာ်အသးလၢအဝဲ အယီၢ်တကိးအလိၤန့ၣ်လီၤ. ဖဲအဝဲလဲၤထီၣ်ဆူညါအခါန့ၣ်အနး လီၤတဲာ်ကွံာ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

စံးထီၣ်ပတြၢၤ 10:8

ဆ့ၣ်နီၤခိးခူသူၣ်တၢ်လၢသဝီတဖၣ်အပူၤဒီး လၢတၢ်အိၣ်ခူသူၣ်အလီၢ်န့ၣ်, မၤသံပှၤလၢ အတၢ်ကမၣ်တအိၣ်ဘၣ်တဖၣ်န့ၣ်လီၤ. လၢတၢ်ခူသူၣ်ခူလံာ်အပူၤကွၢ်ဟုၣ်ကွၢ်စုာ်တၢ်ဒ်သိး ကဖီၣ်န့ၢ်ပှၤလၢ ပှၤမၤစၢၤအီၤတအိၣ်ဘၣ်တဖၣ်,

စံးထီၣ်ပတြၢၤ 141:4

သုတဘိးဃၣ်ယသးဆူတၢ်အၢဒ်သိးယကလဲၤတၢ် ဒီးပှၤမၤတၢ်အၢလၢအတၢ်မၤ တၢ်အၢတၢ်သီအပူၤန့ၣ်တဂ့ၤ. ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.

စံးထီၣ်ပတြၢၤ 59:2

မၤပူၤဖျဲးယၤလၢပှၤလၢအမၤတၢ်အၢတဖၣ်, ဒီးအုၣ်က့ၤခီၣ်က့ၤယၤလၢပှၤလၢ အမၤသံတၢ်တဖၣ်အစုပူၤန့ၣ်တက့ၢ်.

လံာ်ယၡါယၤ 59:6

ဘၣ်ဆၣ်ဒီးသုတၢ်ကူၣ်အၢကူၣ်သီတဖၣ်န့ၣ်, တမၤဂ့ၤသုနီတမံၤ ဘၣ်. အဝဲသ့ၣ်န့ၣ်အသူတဂိာ်ဘၣ်, ဒ်သိးဒၣ်တၢ်ကူတၢ်ကၤလၢအဘၣ်တၢ်ထါအီၤဒီးကပီၤလုၤတဖၣ်န့ၣ်လီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဟိၤၡ့ 12:12

ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

မၤတၢ် 25:3

ဒ်သိးအကမၤစၢၤအဝဲသ့ၣ်ခီဖျိအဒုးဟဲစီၤပီလူးဆူဝ့ၢ်ယရူၤၡလ့ၣ်, အဂ့ၢ်မ့ၢ်လၢအဝဲသ့ၣ်ကူၣ်ထီၣ်တ့ၢ်ဝဲလၢအကမၤသံအီၤလၢကျဲ န့ၣ်လီၤ.

လံာ်စီၤယိၤၡူ 21:38

လၢကးအဒူၣ်အဝဲသ့ၣ်ဒိးန့ၢ်ဘၣ်ဝဲဝ့ၢ်လွံၢ်ဖျၢၣ်လၢအမ့ၢ်ဝဲ ရၤမိးလၢကီၢ်ကံးလဧးအပူၤ, ဃုာ်ဒီးအတၢ်အီၣ်ဆၣ်အလီၢ်တဖၣ် (တၢ်ပူၤဖျဲးအဝ့ၢ်အကျါတဝ့ၢ်,) မၤဃန့ၤ,