လံာ်ဟိၤၡ့ 6:6 - Sgaw Karen Common Bible

⁶ ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်ဟိၤၡ့ 6:6 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 50:8

ယတသိၣ်ဃီၣ်နၤလၢ နတၢ်လုၢ်တဖၣ် မ့တမ့ၢ်နတၢ်လုၢ်မ့ၣ်အူတဖၣ်လၢ အအိၣ်လၢယမဲာ်ညါတထံၣ်ဃီအဃိန့ၣ်ဘၣ်

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယံးရမံယၤ 22:16

အဝဲစံၣ်ညီၣ်န့ၢ်ပှၤဖှီၣ်ဖိယာ်ဖိတဖၣ်အကွီၢ်တီတီလိၤလိၤ ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢအဂီၢ်လီၤ. တၢ်န့ၣ်အခီပညီမ့ၢ်တၢ်သ့ၣ်ညါယွၤန့ၣ်လီၤ.

လံာ်ယံးရမံယၤ 7:22

တၢ်မၤလိာ်တဖၣ်လၢအဘၣ်ဃးဒီးတၢ်လုၢ်မ့ၣ်အူတဖၣ်မ့ၢ်ဂ့ၤ, တၢ်လုၢ်တၢ်ပာ်အဂၤတမံၤမံၤမ့ၢ်ဂ့ၤန့ၣ်, ယတဟ့ၣ်တ့ၢ်ဘၣ်သု မိၢ်ပၢ်ဖံဖုလၢပျၢၤတဖၣ်နီတမံၤ, ဖဲယထုးထီၣ်ကွံာ်အဝဲသ့ၣ် လၢကီၢ်အဲၤကူပတူးအပူၤအဆၢကတီၢ်, န့ၣ်ဘၣ်.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဧၤမိၣ် 5:21

ယွၤစံးဝဲဒၣ်, ယသးဟ့သုတၢ်ဘူၣ်တၢ်ဘါအမူးတဖၣ်ဒီးယသးဘၣ် အၢအီၤလီၤ. ယသးစူၤအီၤတကဲဘၣ်.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မးသဲ 12:7

တၢ်ကွဲးအသးစံးဝဲ, ‘ဘၣ်ယသးလၢတၢ်သူၣ်ကညီၤသးကညီၤ ဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ (ဟိၤ. ၆:၆). သုမ့ၢ်နၢ်ပၢၢ်တၢ် ကွဲးအသးအံၤအခီပညီနီၢ်နီၢ်ဒီးသုတစံၣ်ညီၣ်ဘၣ်ပှၤလၢအတၢ် ကမၣ်တအိၣ်တဖၣ်န့ၣ်ဘၣ်.

လံာ်မးသဲ 5:7

ပှၤလၢအသူၣ်ကညီၤသးကညီၤပှၤဂၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ် ကဘၣ်တၢ်သးကညီၤအီၤလၢကစၢ်ယွၤလီၤ.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်မၢ်ကူး 12:33

ပှၤကညီတဂၤမ့ၢ်အဲၣ်ကစၢ်ယွၤလၢအသးဒီဖျၢၣ်ညါ, လၢအတၢ်ကူၣ်တၢ်ဆးတုၤအလၢာ်, ဒီးလၢအတၢ်ဂံၢ်တၢ်ဘါခဲလၢာ်, ဒီးမ့ၢ်အဲၣ်ပှၤကညီကဒဲကဒဲဒီးအီၤဒ်အအဲၣ်လီၤအသးဒၣ်ဝဲန့ၣ်, မ့ၢ်တၢ်အဂ့ၤဒိၣ်န့ၢ်ဒံးတၢ်လုၢ်မ့ၣ်အူလၢအမ့ၢ်တၢ်လုၢ်ဆၣ်ဖိကီၢ်ဖိဒီဒု, ဒီးတၢ်လုၢ်အဂၤတဖၣ်ခဲလၢာ်တက့ၢ်လီၤ.”

လံာ်စီၤယိၤၡူ 5:5

ပှၤလၢအဟးထီၣ်ခဲလၢာ်ဘၣ်တၢ်ကူးတရံးအီၤသနာ်က့, ပှၤလၢအအိၣ်ဖျဲၣ်ထီၣ်လၢကျဲလၢပှၢ်မုၢ်ကနၢအပူၤလၢအဟးထီၣ်လၢ ကီၢ်အဲၤကူပတူးဝံၤအလီၢ်ခံတဖၣ်တဘၣ်တၢ်ကူးတရံးအီၤဒံးဘၣ်.

၁ ယိၤဟၣ် 2:3

ပမ့ၢ်စူၢ်ကစၢ်ယွၤအတၢ်မၤလိာ်တဖၣ်ဒီး, ပသ့ၣ်ညါလီၤတံၢ်လၢပသ့ၣ်ညါအီၤန့ၣ်လီၤ.

၁ ယိၤဟၣ် 3:6

သတးဒီးကယဲၢ်ပှၤလၢအအိၣ်မူလၢခရံာ်အပူၤန့ၣ်, တမၤလၢၤတၢ်ဒဲးဘးဘၣ်. ဘၣ်ဆၣ်ဒီးပှၤတဂၤလၢ်လၢ်လၢ အမၤဒံးတၢ်ဒဲးဘးန့ၣ်, မ့ၢ်ပှၤလၢအတထံၣ်ဘၣ် အီၤဒီးတသ့ၣ်ညါတ့ၢ်ဘၣ်အီၤနီတဘျီဒံးဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.