လံာ်ဟိၤၡ့ 6:10 - Sgaw Karen Common Bible

¹⁰ ယထံၣ်တ့ၢ်တၢ်လီၤပျံၤလီၤဖုးဖးဒိၣ်တမံၤလၢကီၢ်အံၣ်စရ့လးအပူၤ, ယပှၤဂီၢ်မုၢ်မၤဘၣ်အၢလီၤအသးလၢတၢ်ဘါထီၣ်တၢ်ဂီၤတၢ်ဖီၣ် တဖၣ်လီၤ.

လံာ်ဟိၤၡ့ 6:10 Iomraidhean Croise

လံာ်စီၤပၤအခီၣ်ထံးတဘ့ၣ် 12:8

ဘၣ်ဆၣ်အဝဲတကနၣ်ဃုာ်ဘၣ်ပှၤသးပှၢ်တဖၣ်အတၢ်ဟ့ၣ်ကူၣ်ဘၣ်. အခိၣ်တလိာ်အဝဲလဲၤဆူပှၤသးစၢ်တဖၣ်လၢအဒိၣ်ထီၣ်တကျဲကျဲ ဒီးအီၤ, လၢခဲအံၤမ့ၢ်အဝဲပှၤဟ့ၣ်ကူၣ်ဟ့ၣ်ဖးတၢ်တဖၣ်အအိၣ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 15:30

တၢ်အံၤမၤအသးမ့ၢ်လၢစီၤယၤရၤဘၣ်ထိၣ်ဂဲၤယွၤ, ကီၢ်အံၣ်စရ့လးအကစၢ်ယွၤအတၢ်သးထီၣ်, ခီဖျိတၢ်ဒဲးဘးတဖၣ်လၢအမၤတ့ၢ်ဝဲ, ဒီးဒုးမၤပှၤအံၣ်စရ့လးဖိတဖၣ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:7

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်မၤတ့ၢ်တၢ် ဒဲးဘးထီဒါယွၤအဝဲသ့ၣ်အကစၢ်ယွၤ, လၢအမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးအစီၤပၤအစု ပူၤဒီးဒုးဟးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အဃိန့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်,

လံာ်ယံးရမံယၤ 18:13

ယွၤစံးဝဲဒၣ်, “တၢ်ဒ်သိးအံၤမ့ၢ်အမၤတ့ၢ်အသးလၢညါတဘျီဘျီဧါန့ၣ်, သံကွၢ်ပှၤကိးကလုာ်ဒဲးတက့ၢ်. ကီၢ်အံၣ်စရ့လးအပှၤဂီၢ်မုၢ်မၤတ့ၢ်တၢ်လီၤပျံၤလီၤဖုးတမံၤန့ၣ်လီၤ.

လံာ်ယံးရမံယၤ 23:14

မ့မ့ၢ်ယထံၣ်ဘၣ်တ့ၢ်ဝ့ၢ်ယရူၤၡလ့ၣ်အဝံတဖၣ်မၤတၢ်အၢဒိၣ်န့ၢ် တၢ်အံၤဒၣ်လဲာ်န့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီးကတိၤတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်မၤစၢၤပှၤဂီၢ်မုၢ်လၢကမၤကမၣ်တၢ်အဂီၢ်, တုၤဒၣ်လဲာ်ပှၤတဆိကတီၢ်လၢတၢ်မၤတၢ်အၢတၢ်သီနီတဂၤ လၢၤဘၣ်န့ၣ်လီၤ. လၢယဂီၢ်န့ၣ်, အဝဲသ့ၣ်ခဲလၢာ်အၢဝဲသီဝဲ ဒ်သိးဝ့ၢ်စဒိၣ်ဒီးဝ့ၢ်ဂမိရၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယဃ့းစက့လး 23:5

အဝဲမ့ၢ်ယတၢ်, နာ်သက့, နီၢ်အိၤဟိလၤမၤဒံးဒၣ်ပှၤဃဲသဲမုၣ် အတၢ်မၤဒီးပှဲၤဝဲဒီးတၢ်သးကတၢလၢအတၢ်အဲၣ်တဖၣ်အဂီၢ်, လၢကီၢ်အၤၡူၢ်န့ၣ်လီၤ.

လံာ်ယဃ့းစက့လး 23:7

အဝဲမ့ၢ်ပှၤဃဲသဲမုၣ်တဂၤလၢကယဲၢ်ကီၢ်အၤၡူၢ်အသုးခိၣ်သုးနၢ် ခဲလၢာ်အဂီၢ်, ဒီးအဝဲအတၢ်သးကတၢဆှၢအီၤဆူတၢ်မၤဘၣ်အၢလီၤက့ၤ အသးခီဖျိတၢ်ဘူၣ်ထီၣ်ဘါထီၣ်ကီၢ်အၤၡူၣ်အတၢ်ဂီၤတၢ်ဖီၣ် တဖၣ်န့ၣ်လီၤ.

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်ဟိၤၡ့ 5:3

ကီၢ်အံၣ်စရ့လးမ့ၢ်တၢ်ဒ်လဲၣ်န့ၣ်ယသ့ၣ်ညါယဲလီၤ. အဝဲအိၣ်သဒၢလၢယၤတသ့ဘၣ်. အဝဲအသးတတီတ့ၢ်ဒီးယၤဘၣ်ဒီးအပှၤ ဂီၢ်မုၢ်တဖၣ်တကြၢးလၢကဘူၣ်ထီၣ်ဘါထီၣ်ယၤဘၣ်.