လံာ်ဟိၤၡ့ 5:8 - Sgaw Karen Common Bible

⁸ အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဟိၤၡ့ 5:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:6

လၢတၢ်န့ၣ်အဃိဟ့ၣ်လီၤပှၤလၢအဝဲအစၢၤအသွဲၣ်ပိာ်ခွါနွံဂၤ ဒီးပကစၢသံအဝဲသ့ၣ်လၢယွၤအမဲာ်ညါလၢဝ့ၢ်ကံးဘဧၤ, တၢ်လီၢ်လၢအမ့ၢ်, စီၤပၤလၢယွၤဃုထၢတ့ၢ်အီၤစီၤစီလူးအဝ့ၢ်န့ၣ်လီၤ.” စီၤပၤစံးဆၢဝဲဒၣ်, “ယကဟ့ၣ်လီၤအဝဲသ့ၣ်ဆူသုအိၣ်လီၤ.”

လံာ်စီၤပၤအခီၣ်ထံးတဘ့ၣ် 12:29

အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်ယိၤအ့လး 2:1

အူထီၣ်ကွဲၤဒီးဒုးသီၣ်ထီၣ်တၢ်ဟ့ၣ်ပလီၢ်လၢကစၢ်ယွၤ အကစၢၢ်စီဆှံစံယိၣ်အလိၤန့ၣ်တက့ၢ်. ယူဒၤအပှၤဂီၢ်မုၢ်သ့ၣ်ဧၢ, ကနိးကစုာ်ဒီးပျံၤတၢ်တက့ၢ်. အဂ့ၢ်ဒ်အံၤ, ကစၢ်အမုၢ်နံၤကဟဲဘူးထီၣ်လံ.

လံာ်ယိၤအ့လး 2:15

အူထီၣ်ကွဲၤလၢကစၢၢ်စံယိၣ်အလိၤဘိးဘၣ်သ့ၣ်ညါ လၢတၢ်ဒုၣ်တၢ်အီၣ်တၢ်အီတမံၤအဂီၢ်ဒီးကိးတၢ်အိၣ်ဖှိၣ်ရိဖှိၣ် တခါတက့ၢ်.

လံာ်ဧၤမိၣ် 3:6

တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်ပှၤစံၣ်ညီၣ်ကွီၢ် 5:14

အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:4

တုၤနုၤတစုကယဲၢ်ကီၢ်အံၣ်စရ့လးဖိအခိၣ်အနၢ်တဖၣ်ထံၣ်လိာ်ပာ်ဖှိၣ်ထီၣ်သး ဒီးလဲၤဆူစီၤၡမူၤအ့လးအအိၣ်လၢဝ့ၢ်ရၤမါအ ပူၤ,