လံာ်ဟိၤၡ့ 5:6 - Sgaw Karen Common Bible

⁶ အဝဲသ့ၣ်စိာ်ထီၣ်အသိဒီးအဂီၤဘုၣ်ဂီၤဖံးတဖၣ်ဒ်သိးကလုၢ်တၢ် ဆူယွၤဒ်တၢ်လုၢ်တၢ်ပာ်တဖၣ်အသိး, ဘၣ်ဆၣ်တမၤဂ့ၤအဝဲသ့ၣ်နီ တမံၤဘၣ်. အဝဲသ့ၣ်ဃုယွၤတဘၣ်ဘၣ်. အဂ့ၢ်ဒ်အံၤ, ယွၤလဲၤသဒၣ်ကွံာ်အဝဲသ့ၣ်တဖၣ်လံ.

လံာ်ဟိၤၡ့ 5:6 Iomraidhean Croise

လံာ်တၢ်ဟးထီၣ်ကွံာ် 10:9

စီၤမိၤၡ့စံးဆၢဝဲဒၣ်, “ပကလဲၤဒီးပဖိဒံဖိသၣ်, ပပှၤသူၣ်က့သးပှၢ်တဖၣ်, ပဖိခွါတဖၣ်ဒီးပဖိမုၣ်တဖၣ်, ပသိ, ပမဲာ်တဲးလဲးဒီးပဂီၤဘုၣ်ဂီၤဖံးတဖၣ်န့ၣ်လီၤ. အဂ့ၢ်ဒ်အံၤပကဘၣ်မၤမူးလၢတၢ်မၤလၤကပီၤယွၤအဂီၢ်န့ၣ်လီၤ.”

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:6

ယအိးထီၣ်ပဲတြီလၢယတၢ်အဲၣ်အဂီၢ်, ဘၣ်ဆၣ်အဝဲဟးထီၣ်ကွံာ်လံ. ယအဲၣ်ဒိးနၢ်ဟူအကလုၢ်ဆံးဒိၣ်လဲၣ်. ယဃုအီၤဘၣ်ဆၣ်ယတထံၣ်န့ၢ်အီၤဘၣ်. ယကိးအီၤဘၣ်ဆၣ်, ယတနၢ်ဟူတၢ်စံးဆၢဘၣ်.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 11:11

အဃိဒီးခဲအံၤ, ယၤ, ယွၤအံၤ, ယဟ့ၣ်ပလီၢ် အဝဲသ့ၣ်လၢယကဟဲစိာ်တၢ်ဟးဂီၤလၢအဝဲသ့ၣ်အဖီခိၣ်, ဒီးအဝဲသ့ၣ်တပူၤဖျဲးဝဲဘၣ်. ဒီးဖဲအဝဲသ့ၣ်ကိးထီၣ်ယၤလၢတၢ် မၤစၢၤအဂီၢ်န့ၣ်, ယတဒိကနၣ်အဝဲသ့ၣ်ဘၣ်.

လံာ်ယံးရမံယၤ 11:14

စီၤယံးရမံယၤဧၢ, ဃ့ထုကဖၣ်တၢ်လၢယၤမ့ၢ်ဂ့ၤဃ့ကညး ယၤမ့ၢ်ဂ့ၤလၢပှၤဂီၢ်မုၢ်အံၤအခၢၣ်စးတဂ့ၤ. ဖဲအဝဲသ့ၣ်အိၣ်လၢတၢ်ကီတၢ်ခဲအပူၤ, ဒီးကိးထီၣ်ယၤလၢတၢ်မၤ စၢၤအဂီၢ်န့ၣ်, ယတကနၣ်အဝဲသ့ၣ်ဘၣ်.”

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်သးသယုၢ်တၢ် 3:44

လၢတၢ်သးကဲၤထီၣ်အတၢ်အၢၣ်ဖးတီၣ်တလိၣ်အဃိန့ၣ် ပတၢ်ထုကဖၣ်တဖၣ်အကျဲတဖျိဘၣ်.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ယဃ့းစက့လး 8:6

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်ဘၣ်တၢ်လၢအမၤ အသးလံကစီဒီဧါ, ကွၢ်ဃီၤတၢ်လၢအလီၤသးဘၣ်အၢတဖၣ်, လၢကီၢ် အံၣ်စရ့လးအပှၤဂီၢ်မုၢ်မၤဝဲဖဲအံၤ, ဒီးနီၣ်ထီၣ်ကွံာ်ယၤယံၤထီၣ်ယံၤထီၣ်ဒီးယတၢ်လီၢ်စီဆှံန့ၣ်တက့ၢ်. နကထံၣ်ဘၣ်ဒံးတၢ်လီၤမဲာ်ဆှးတဖၣ်အါန့ၢ်ဒိၣ်န့ၢ်ဒံးဒၣ်လဲာ်တၢ် အံၤန့ၣ်လီၤ.”

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဧၤမိၣ် 8:12

ဒီးပှၤဂီၢ်မုၢ်ကဟးဝ့ၤဝီၤလၢပီၣ်လဲၣ်တပူၤဆူပီၣ်လဲၣ်တပူၤဒၣ်, ဒီးဃ့ၢ်ဝ့ၤဝီၤတၢ်လၢကလံၤစိးတခီဆူမုၢ်ထီၣ်တခီဒ်သိး အကဃုထံၣ်န့ၢ်တၢ်ကစီၣ်တမံၤဟဲလၢယွၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဝဲဘၣ်.

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်လူၤကၣ် 5:16

ဘၣ်ဆၣ်, အဝဲလဲၤဆူပှၢ်မုၢ်ကနၢဒီးဖဲန့ၣ်, အဝဲဒၣ်ဃ့ဘါထုကဖၣ်တၢ်လီၤ.

လံာ်ယိၤဟၣ် 7:34

သုကဃုယၤ, ဘၣ်ဆၣ်သုတထံၣ်န့ၢ်ယၤဘၣ်. အဂ့ၢ်မ့ၢ်လၢတၢ်လီၢ်လၢယကအိၣ်န့ၣ်, သုလဲၤတသ့ဘၣ်အဃိလီၤ.”