လံာ်ဟိၤၡ့ 5:2 - Sgaw Karen Common Bible

² တၢ်ပူၤယိာ်တပူၤဖဲသ့ၣ်ဖှ့ၡံးတၤ အဝ့ၢ်ဒီးယကစံၣ်ညီၣ်သုဝဲခဲလၢာ်လီၤ.

လံာ်ဟိၤၡ့ 5:2 Iomraidhean Croise

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 6:28

အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဖိတဖၣ်အခိၣ်ကိၤဝဲ, ကိၤဝဲဒ်တိၢ်ဘီဒီးထးအသိးန့ၣ်လီၤ. အဝဲသ့ၣ်ခဲလၢာ်ဟးဂီၤ ဝဲ, ဟးဝ့ၤဝီၤဒီးရၤလီၤတၢ်သီၣ်ဝံသဲကလၤန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.