လံာ်ဟိၤၡ့ 5:12 - Sgaw Karen Common Bible

¹² ယကဟဲစိာ်တၢ်မၤလီၤပှီၢ်ဆူကီၢ်အံၣ်စရ့လးအဖီခိၣ် ဒီးတၢ်ဟးဂီၤဆူကီၢ်ယူဒၤအပှၤဂီၢ်မုၢ်အဖီခိၣ်လီၤ.

လံာ်ဟိၤၡ့ 5:12 Iomraidhean Croise

လံာ်စီၤယိၤဘး 13:28

လၢခံကတၢၢ်န့ၣ်ဒီးယလီၤကလဲကွံာ်ဒ်သ့ၣ်လၢအကျၣ်ကွံာ်အသိး, ဒ်ဆ့ကၤလၢတၢ်အဃၣ်အီၣ်ကွံာ်အီၤအသိးန့ၣ်လီၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

တၢ်ကတိၤဒိ. 12:4

မါလၢအဂ့ၤတဂၤန့ၣ်မ့ၢ်အဝၤအလၤကပီၤဒီးတၢ်သးခုလီၤ. မ့မ့ၢ်မါလၢအမၤမဲာ်ဆှးအဝၤန့ၣ်, လီၤဂာ်ဒ်တၢ်ဆါအုၣ်ကျၣ်လၢ အဃံတဖၣ်အပူၤအသိးန့ၣ်လီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 50:9

ယွၤ, ကစၢ်လၢပၢဘၣ်တၢ်ခဲလၢာ်အကစၢ်ဒၣ်ဝဲကဟုကယာ်ယၤလီၤ. အန့ၣ်ဒီးမတၤစံၣ်ညီၣ်ဃၣ်ယၤကဘူၣ်, ကသ့တဂၤလဲၣ်. ပှၤလၢအလိာ်ကွီၢ်ဒီးယၤခဲလၢာ်ကလီၤမၢ်ကွံာ်ဝဲလီၤ. အဝဲသ့ၣ်ကလီၤမၢ်ကွံာ်ဝဲဒ်တၢ်ကံးယာ်လၢတၢ်ဖိဃၣ်အီၣ်ကွံာ်အီၤ အသိးန့ၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယိၤနါ 4:7

ဘၣ်ဆၣ်လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်ကစၢ် ယွၤမၤလိာ်တၢ်ဖိဃၢ်တဘိလၢကအီၣ်ကွံာ်မာ်တိဒီးအလၣ် လီၤညွံးလီၤဘဲကွံာ်ဝဲလီၤ.