လံာ်ဟိၤၡ့ 5:1 - Sgaw Karen Common Bible

¹ ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ဟိၤၡ့ 5:1 Iomraidhean Croise

လံာ်ယံးရမံယၤ 11:7

ဖဲယဒုးဟးထီၣ်ကွံာ်အဝဲသ့ၣ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအခါန့ၣ်, ယဟ့ၣ်ပလီၢ်အဝဲသ့ၣ်လၢတၢ်သမှံၤသပှၢ်အပူၤလၢကစူၢ်ယၤအဂီၢ်, ဒီးတုၤလီၤလၢမုၢ်မဆါတနံၤအံၤဒၣ်လဲာ်န့ၣ် ယဟ့ၣ်ပလီၢ်ဒံးဒၣ်ပှၤဂီၢ်မုၢ်အဖၢမုၢ်န့ၣ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ဟိၤၡ့ 10:15

ဝ့ၢ်ဘ့ၤသ့လးအပှၤဂီၢ်မုၢ်ဧၢ, တၢ်န့ၣ်မ့ၢ်တၢ်လၢအကဟဲဘၣ်နၤမ့ၢ်လၢတၢ်အၢတၢ်သီလီၤပျံၤလီၤ ဖုးလၢနမၤတ့ၢ်အီၤအဃိန့ၣ်လီၤ. တုၤမ့ၢ်တၢ်ဒုးစးထီၣ်တဘျီဃီန့ၣ်ကီၢ်အံၣ်စရ့လးအစီၤပၤကသံ ဝဲန့ၣ်လီၤ.

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်ဟိၤၡ့ 9:8

ကစၢ်ယွၤမၢလီၤယၤဒ်ဝံတဂၤလၢအကဟ့ၣ်ပလီၢ်အပှၤဂီၢ်မုၢ်အံၣ်စရ့ လးအသိးန့ၣ်လီၤ. အန့ၣ်ဒၣ်လဲာ်, ဖဲယလဲၤတပူၤလၢ်လၢ်န့ၣ်သုပာ်လီၤပျံၤသကွီၤလၢ ယဂီၢ်ဒ်ထိၣ်တဘ့ၣ်အသိးန့ၣ်လီၤ. လၢကစၢ်ယွၤအတၢ်လုၢ်ဟံၣ်အပူၤဒၣ်လဲာ်ပှၤဂီၢ်မုၢ်တဖၣ်မ့ၢ်ဝဲဝံ အဒုၣ်အဒါတဖၣ်န့ၣ်လီၤ.

လံာ်ယိၤအ့လး 1:2

ပှၤသူၣ်က့သးပှၢ်သ့ၣ်ဧၢ, ကနၣ်တၢ်အံၤ, ဒီးပှၤတဂၤလၢ်လၢ်လၢကီၢ် ယူဒၤဧၢ, ဒိကနၣ်တက့ၢ်. မ့ၢ်တၢ်ဒ်သိးအံၤမၤအသးတဘျီဘျီလၢသုဆၢသုကတီၢ်မ့ၢ်ဂ့ၤ, သုပၢ်တဖၣ်အဆၢကတီၢ်မ့ၢ်ဂ့ၤန့ၣ်ဧါ.

လံာ်ဧၤမိၣ် 3:1

ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်မံကၤ 3:1

ကနၣ်တက့ၢ်. ပှၤလၢအပၢဘၣ်ကီၢ်အံၣ်စရ့လးသ့ၣ်ဧၢ, အအံၤမ့ၢ်သုမူသုဒါလၢသုကြၢးကွၢ်ထွဲပှၤ ဂီၢ်မုၢ်တဖၣ်ဒ်သိးအကမၤတၢ်မ့ၢ်တၢ်တီလီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မၤလကံ 2:1

ယွၤသ့တၢ်လၢာ်စံးဘၣ်ပှၤလုၢ်တၢ်အခိၣ်တဖၣ်, “တၢ်မၤလိာ်အံၤမ့ၢ်လၢသုဂီၢ်လီၤ.

လံာ်ပှၤစံၣ်ညီၣ်ကွီၢ် 4:12

ဖဲစီၤစံစရၤသ့ၣ်ညါလၢစီၤဘါရးလဲၤထီၣ်ဆူကစၢၢ်တၤဘိၢ်အလိၤန့ၣ်ဒီး,

လံာ်ပှၤစံၣ်ညီၣ်ကွီၢ် 4:6

တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 7:16

ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:5

တုၤနုၤတစုစီၤၡမူၤအ့လးမၤလိာ်ကယဲၢ်ပှၤအံၣ်စရ့လးဖိတဖၣ် လၢကထံၣ်လိာ်သးဖဲဝ့ၢ်မံးစပၤန့ၣ်, ဒီးစံးဘၣ်အဝဲသ့ၣ်, “ယကဘါထုကဖၣ်တၢ်ဆူယွၤအအိၣ်လၢသုဂီၢ်ဖဲန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 7:6

လၢတၢ်န့ၣ်အဃိအဝဲသ့ၣ်ပာ်ဖှိၣ်ထီၣ်အသးဖဲဝ့ၢ်မံးစပၤလီၤ. အဝဲသ့ၣ်ဒၢၣ်န့ၢ်ထံတနီၤဒီးလူလီၤအီၤဒ်တၢ်လုၢ်မၤဘူၣ်တမံၤ ဆူယွၤအအိၣ်ဒီးဒုၣ်တၢ်အီၣ်သ့တနံၤကျၢၤလီၤ. အဝဲသ့ၣ်စံး, “ပမၤတ့ၢ်တၢ်ဒဲးဘးထီဒါယွၤလီၤ.” (ဝ့ၢ်မံးစပၤန့ၣ်မ့ၢ်တၢ်လီၢ်လၢစီၤၡမူၤအ့လးမၤလိၤမၤဘၣ် တၢ်ဂ့ၢ်လိာ်ဘှီလိာ်တဖၣ်လၢပှၤအံၣ်စရ့လးဖိတဖၣ်အဘၢၣ်စၢၤန့ၣ်လီၤ.)