လံာ်ဟိၤၡ့ 4:2 - Sgaw Karen Common Bible

² အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 4:2 Iomraidhean Croise

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်သးသယုၢ်တၢ် 4:13

ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်ဟိၤၡ့ 10:13

ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ.

လံာ်ဟိၤၡ့ 10:4

အဝဲသ့ၣ်တဖၣ်ကတိၤတၢ်ကတိၤကလီကလီသ့ၣ်တဖၣ်, မၤတၢ်အၢၣ်လီၤတတီတလိၤတဖၣ်ဒီးလံာ်ဃံၤဃာ်တဖၣ်လၢ အဘျုးတအိၣ်န့ၣ်လီၤ. တၢ်စံၣ်ညီၣ်တီကဲထီၣ်တၢ်စံၣ်ညီၣ်တတီဘၣ်, ဒိၣ်ထီၣ်ဝဲဒ်နီၣ်လၢအအိၣ်ဒီးအစုၣ်တဖၣ်အသိးလၢစံာ်ပျီလၢပှၤ ထဲၣ်တ့ၢ်အီၤအပူၤန့ၣ်လီၤ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်ဟိၤၡ့ 12:14

ကီၢ်အံၣ်စရ့လးအပှၤဂီၢ်မုၢ်ထိၣ်ဂဲၤထီၣ်ယွၤ အတၢ်သးထီၣ်နးနးကလဲာ်လီၤ. အဝဲသ့ၣ်ကြၢးဒီးတၢ်သံလၢအဝဲသ့ၣ်အတၢ်ကမၣ်တဖၣ်အဃိလီၤ. ယွၤကစံၣ်ညီၣ်အဝဲသ့ၣ်လၢတၢ်ဒုၣ်ဒွဲၣ်လၢအဝဲသ့ၣ် ဟဲစိာ်အီၤလၢအလိၤအဃိန့ၣ်လီၤ.

လံာ်ဟိၤၡ့ 5:2

တၢ်ပူၤယိာ်တပူၤဖဲသ့ၣ်ဖှ့ၡံးတၤ အဝ့ၢ်ဒီးယကစံၣ်ညီၣ်သုဝဲခဲလၢာ်လီၤ.

လံာ်ဟိၤၡ့ 6:8

ကံးလဧးန့ၣ်မ့ၢ်ဝ့ၢ်တဖျၢၣ်လၢအပှဲၤဒီးပှၤအၢပှၤသီဖိတဖၣ်ဒီး ပှၤမၤသံတၢ်တဖၣ်န့ၣ်လီၤ.

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်ဟိၤၡ့ 7:1

တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်ဟိၤၡ့ 7:3

ယွၤစံးဝဲဒၣ်, ပှၤဂီၢ်မုၢ်တဖၣ်ကူၣ်လီဝဲစီၤပၤဒီးအပဒိၣ်ပပှၢ်တဖၣ် ခီဖျိတၢ်အၢတဖၣ်လၢအကူၣ်ထီၣ်ဖးလီၤဝဲဒၣ်လီၤ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်မံကၤ 3:2

အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်မံကၤ 6:10

ပှၤအၢပှၤသီအဟံၣ်တဖၣ်အိၣ်ဒီးတၢ်လုၢ်ဒိၣ်ပှ့ၤ ဒိၣ်တဖၣ်လၢအမၤန့ၢ်ဝဲလၢတၢ်တတီတလိၤအပူၤလီၤ. အဝဲသ့ၣ်သူနီၣ်ဃီၣ်လီတဖၣ်, လၢယသးဟ့အီၤတမံၤန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်စဖါနယၤ 3:1

ဝ့ၢ်ယရူၤၡလ့ၣ်လၢအတတီတတြၢ်, ပူထီၣ်လီထီၣ်ဒီးမၤနးမၤဖှီၣ်အပှၤဂီၢ်မုၢ်ဒၣ်ဝဲန့ၣ်ဘၣ်တၢ် စံၣ်ညီၣ်ဃါမနၤလီၤ.

လံာ်စကၤရယၤ 5:3

အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

လံာ်သိၣ်လီၤသီလီၤတၢ် 5:11

သူယမံၤလၢတၢ်အၢတၢ်သီအတၢ်တိာ်ပာ်တဖၣ်အဂီၢ်တဂ့ၤ. အဂ့ၢ်ဒ်အံၤ, ယၤယွၤ, သုကစၢ်ယွၤအံၤ, ကစံၣ်ညီၣ်ပှၤတဂၤလၢ်လၢ်လၢ အသူကမၣ်ယမံၤန့ၣ်လီၤ.

လံာ်သိၣ်လီၤသီလီၤတၢ် 5:18

မၤကမၣ်မုၣ်ကမၣ်ခွါတဂ့ၤ.

လံာ်သိၣ်လီၤသီလီၤတၢ် 5:19

ဟုၣ်တၢ်တဂ့ၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.