လံာ်ဟိၤၡ့ 4:11 - Sgaw Karen Common Bible

¹¹ ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်ဟိၤၡ့ 4:11 Iomraidhean Croise

တၢ်ကတိၤဒိ. 20:1

တၢ်အီမူၤသံးဒုးကဲထီၣ်နၤလၢပှၤတၢထီၣ်တၢလီၤဒီးပှၤ ဟးဂီၤဖိလီၤ. တၢ်အီၤမူၤအီဘှီးန့ၣ်မ့ၢ်တၢ်မၢးလီၤ.

တၢ်ကတိၤဒိ. 31:4

ဒိကနၣ်ယၤတက့ၢ်စီၤလမူၤအ့လးဧၢ, စီၤပၤတဖၣ်တကြၢးအီ စပံးထံမ့ၢ်ဂ့ၤ, တကြၢးအိၣ်ဒီးသးလၢအဆၢအီသံးအီဂာ်မ့ၢ်ဂ့ၤ န့ၣ်ဘၣ်.

တၢ်ကတိၤဒိ. 6:32

မ့မ့ၢ်ပှၤတဂၤလၢအအဲၣ်ဘၢတၢ်န့ၣ်အသးတဆးဘၣ်နီတစဲးဘၣ်. အဝဲမၤဟးဂီၤလီၤအသးဒၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:7

ဖဲပှၤကူၣ်တၢ်သ့တဂၤလီန့ၢ်ပှၤတဂၤဂၤန့ၣ်, မ့ၢ်ဒၣ်အဝဲမၤအသးဒ်ပှၤဟးဂီၤဖိတဂၤအသိးန့ၣ်လီၤ. နမ့ၢ်ဟံးန့ၢ်ခိၣ်ဖးလာ်ဆှိးဒီး, နမၤဟးဂီၤနသကဲာ်ပဝးန့ၣ်လီၤ.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယံးရမံယၤ 23:13

ယထံၣ်ဘၣ်တ့ၢ်ကီၢ်ၡၤမရံအဝံတဖၣ်အတၢ်ဒဲးဘးလံ. အဝဲသ့ၣ်ကတိၤတ့ၢ်တၢ်လၢဘဧၤလးအမံၤအပူၤဒီးဆှၢဟးဖျိးကွံာ် ယပှၤဂီၢ်မုၢ်န့ၣ်လီၤ.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ဟိၤၡ့ 5:4

တၢ်အၢတၢ်သီလၢပှၤဂီၢ်မုၢ်တဖၣ်မၤဝဲန့ၣ် တြီဃာ်အဝဲသ့ၣ်လၢကဟဲက့ၤကဒါက့ၤဆူကစၢ်ယွၤအအိၣ်လီၤ. တၢ်ဘါတၢ်ဂီၤတၢ်ဖီၣ်အိၣ်ဒီးအစိကမီၤတမံၤလၢအဟံးဃာ် အဝဲသ့ၣ်, ဒီးအဝဲသ့ၣ်တအိၣ်လၢၤဒီးတၢ်အၢၣ်လီၤသ့ၣ်ညါယွၤဘၣ်.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:36

နီၢ်အဘံၤကါယံးလးက့ၤဆူစီၤနၤဘလးအအိၣ်, ဖဲအမၤတၢ်အီၣ်အမူးဖးဒိၣ်ကြၢးဝဲလၢစီၤပၤတဂၤအဂီၢ်လၢအဟံၣ်န့ၣ်လီၤ. အဝဲအီမူၤအသးလၢသံးဒီးအိၣ်လၢတၢ်သးဖှံအပူၤလီၤ. လၢတၢ်န့ၣ်အဃိတချုးတုၤလၢမုၢ်ဆ့ၣ်ထီၣ်တနံၤဒံးဘၣ်ဒီးပိာ်မုၣ်န့ၣ် တတဲဘၣ်အီၤလၢတၢ်နီတမံၤဘၣ်န့ၣ်လီၤ.