လံာ်ဟိၤၡ့ 4:10 - Sgaw Karen Common Bible

¹⁰ သုကအီၣ်တၢ်လုၢ်တၢ်ပာ်တဖၣ်အတၢ်နီၤဟ့ၣ်လၢသုဂီၢ်, ဘၣ်ဆၣ်သုကသၣ်ဝံၤဒံးဒၣ်တၢ်န့ၣ်လီၤ. သုကဘူၣ်ထီၣ်ဘါထီၣ်ယွၤ တဖၣ်လၢအဘၣ်ထွဲဒီးတၢ်အိၣ်ဖိအိၣ်လံၤဘၣ်ဆၣ်သုတအိၣ်ဒီးဖိ သ့ၣ်တဖၣ်ဘၣ်. အဂ့ၢ်ဒ်အံၤ, သုဃၣ်ဒုချၢသုသးလၢယၤဒ်သိးသုကပိာ်ကစၢ်အဂၤ တဖၣ်အခံအဃိန့ၣ်လီၤ.

လံာ်ဟိၤၡ့ 4:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 24:17

ဘၣ်ဆၣ်တုၤစီၤယဟိယဒါသံဝဲတဘျီန့ၣ်, ကီၢ်ယူဒၤအခိၣ်အနၢ်တဖၣ် ကွဲန့ၢ်လွဲန့ၢ်စီၤပၤယိၤအၣ်အသးလၢကဒိကနၣ်က့ၤအဝဲသ့ၣ်လၢ တၢ်ပိာ်ထွဲစီၤယဟိယဒါအတၢ်အတၢ်သိၣ်လိနဲၣ်ယုၤတ့ၢ်တဖၣ်အလီၢ် န့ၣ်လီၤ.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

စံးထီၣ်ပတြၢၤ 36:3

အထးခိၣ်အတၢ်ကတိၤမ့ၢ် တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ. အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့ ဒီးတၢ်မၤဂ့ၤတၢ်န့ၣ်လီၤ.

တၢ်ကတိၤဒိ. 13:25

ပှၤတီပှၤလိၤအိၣ်ဒီးတၢ်အီၣ်လၢလၢပှဲၤပှဲၤလၢကအီၣ်ဝဲအဂီၢ်လီၤ. မ့မ့ၢ်ပှၤအၢပှၤသီတဖၣ်န့ၣ်သၣ်ဝံၤသၣ်စ့ၤတဘိယူၢ်ဃီန့ၣ်လီၤ.

လံာ်ယံးရမံယၤ 34:15

ပူၤကွံာ်စှၤနံၤစှၤသီအံၤန့ၣ်, သုပီၢ်ယၢ်လီၤက့ၤသုသးဒီး မၤတ့ၢ်တၢ်လၢအမၤမုာ်ယသးလီၤ. သုဝဲခဲလၢာ်သးလီၤပလိာ်လၢ သုကပျၢ်ဖျဲးသုကုၢ်ပှၤအံၣ်စရ့လးဖိ ကဒဲကဒဲဒီး သုမၤတၢ် အၢၣ်လီၤအီၤလီၤတမံၤလၢ ယမဲာ်ညါ, လၢယတၢ်လုၢ်ဟံၣ်လၢယဘၣ် တၢ်ဘူၣ်ထီၣ်ဘါထီၣ်ယၤအပူၤန့ၣ်လီၤ.

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယဃ့းစက့လး 18:24

ဘၣ်ဆၣ်ပှၤတီပှၤလိၤတဂၤမ့ၢ်ဆိကတီၢ်အတၢ်မၤဂ့ၤဒီးစးထီၣ်မၤ ကယဲၢ်တၢ်အၢတၢ်သီလၢအလီၤသးဘၣ်အၢတဖၣ်, လၢပှၤအၢပှၤသီတဖၣ်မၤဝဲန့ၣ်, မ့ၢ်အဝဲကမူဒံးကစီဒီဧါ. တမ့ၢ်ဘၣ်. တၢ်လၢအမၤဂ့ၤတ့ၢ်ဝဲတဖၣ်တဘၣ်တၢ်သ့ၣ်နီၣ်လၢၤအီၤနီတမံၤဘၣ်. အဝဲကသံမ့ၢ်လၢအတၢ်သးတတီဒီးအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ဟိၤၡ့ 4:14

လၢတၢ်အံၤအဃိဒၣ်လဲာ်, ယတစံၣ်ညီၣ်အဝဲသ့ၣ်ဘၣ်. အဂ့ၢ်ဒ်အံၤ, သုဝဲဒၣ်, သုကစၢ်ဒၣ်ဝဲ, သုလဲၤသကိးတၢ်ဒီးတၢ်လုၢ်ထီၣ်ဃုာ်တၢ်ဘါတၢ်ဂီၤတၢ်ဖီၣ် အတၢ်လုၢ်တၢ်ပာ်တဖၣ်ဒီးအဝဲသ့ၣ်န့ၣ်လီၤ. ဒ်တၢ်ကတိၤဒိစံးဝဲအသိးပှၤဂီၢ်မုၢ်လၢအတအိၣ်ဒီးစ့ၣ်ဘၣ်န့ၣ်, တၢ်မၤဟးဂီၤကွံာ်အီၤလီၤ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်မံကၤ 6:14

သုကအီၣ်တၢ်ဒီးတဘျဲးအီၣ်ဘၣ်. တၢ်ကသၣ်ဝံၤသုသးသပှၢ်တၢၢ်လီၤ. သုကဂုာ်န့ၢ်ဆူၣ်တၢ်တဖၣ်ဘၣ်ဆၣ်ဒီးသုပၢၤဃာ်အီၤတန့ၢ်ဘၣ်. တၢ်တမံၤလၢ်လၢ်လၢသုပာ်ဖှိၣ်အီၤန့ၣ်ယကမၤဟးဂီၤအီၤလၢတၢ် ဒုးတၢ်ယၤအပူၤလီၤ.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်ဃးကဲ 1:6

သုသူၣ်လီၤဖျးလီၤတ့ၢ်ဘုဧိၤဟုဧိၤအါမး, ဘၣ်ဆၣ်ကူးဘၣ်က့ၤတၢ်ထဲတဆံးတက့ၢ်လီၤ. သုအိၣ်ဒီးတၢ်အီၣ်လၢသုကအီၣ်, ဘၣ်ဆၣ်တလၢဝဲလၢကမၤကၢသုဟၢဖၢဘၣ်. သုအိၣ်ဒီးစပံးထံလၢသုကအီ, ဘၣ်ဆၣ်တလၢဝဲလၢသု ကအီမူၤသုသးဘၣ်. သုအိၣ်ဒီးတၢ်ကူတၢ်သိး, ဘၣ်ဆၣ်တလၢဝဲ လၢကမၤလၢၤသုန့ၣ်ဘၣ်. ဘူးလဲကလၢဝဲလၢတၢ်လုၢ်အီၣ်သးသမူအဂီၢ်န့ၣ်, ပှၤမၤတၢ်ဖိတဂၤဒိးန့ၢ်ဝဲတသ့ဘၣ်.