လံာ်ဟိၤၡ့ 3:1 - Sgaw Karen Common Bible

¹ ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

လံာ်ဟိၤၡ့ 3:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:19

ဒီးဟ့ၣ်နီၤလီၤတၢ်အီၣ်တၢ်အီတဖၣ်ဆူအဝဲသ့ၣ်ခဲလၢာ်အအိၣ်န့ၣ် လီၤ. အဝဲဟ့ၣ်လီၤပိာ်ခွါဒီးပိာ်မုၣ်တဂၤစုာ်စုာ်လၢကီၢ်အံၣ်စရ့လး အပူၤ, လၢကိၣ်တဂၤတလိၣ်, တၢ်ညၣ်အကၣ်တဂၤတလိၣ်ဒီးစပံးသၣ်ဃ့တနီၤန့ၣ်လီၤ. အန့ၣ်ဝံၤဒီးပှၤကိးဂၤဒဲးက့ၤဆူအဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 13:23

ဘၣ်ဆၣ်ယွၤအသူၣ်အိၣ်သးအိၣ်ဒီးသူၣ်ကညီၤသးကညီၤအဝဲ သ့ၣ်န့ၣ်လီၤ. ယွၤတပျဲဘၣ်အဝဲသ့ၣ်ဘၣ်တၢ်မၤဟးဂီၤကွံာ်အီၤ န့ၣ်ဘၣ်. မ့မ့ၢ်မၤစၢၤအဝဲသ့ၣ်မ့ၢ်လၢအဝဲအတၢ်အၢၣ်လီၤအီလီၤဒီးစီၤ အၤဘြၤဟၣ်, စီၤအံၤစဲးဒီးစီၤယၤကိာ်အဃိန့ၣ်လီၤ. ယွၤတသးပ့ၤနီၣ်ဘၣ် အပှၤဂီၢ်မုၢ်နီတစုဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:3

ဒီးနီၤဟ့ၣ်လီၤတၢ်အီၣ်တၢ်အီဆူအဝဲသ့ၣ်ခဲလၢာ်အအိၣ်န့ၣ်လီၤ. အဝဲဟ့ၣ်စ့ၢ်ကီးအံၣ်စရ့လးအပှၤပိာ်ခွါဒီးပိာ်မုၣ်တဂၤစုာ် စုာ်လၢကိၣ်တဂၤတလိၣ်, တၢ်ညၣ်အဟၢမံတဂၤတလိၣ်ဒီးစပံးသၣ်အဃ့တနီၤန့ၣ်လီၤ.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

လံာ်တၢ်ဟးထီၣ်ကွံာ် 32:6

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:5

ဒုးဆူၣ်ထီၣ်က့ၤယဂံၢ်ယဘါလၢစပံးသၣ်အဃ့တဖၣ်, ဒီးမၤကျၢၤထီၣ်က့ၤယသးလၢဖီသၣ်တဖၣ်လီၤ. အဂ့ၢ်ဒ်အံၤ, ယဂံၢ်ယဘါလီၤစၢ်လၢတၢ်အဲၣ်အဃိလီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယံးရမံယၤ 3:20

ဘၣ်ဆၣ်ဒီး, ဒ်မါတဂၤလၢအသးတတီဘၣ်အသိး, နတသးတီတ့ၢ်ဒီးယၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်ဟိၤၡ့ 4:11

ယွၤစံးဝဲဒၣ်, စပံးထံအလီၢ်လံၤဒီးအသီခံမံၤလိာ်ဂုာ်ကွံာ်လံ ယပှၤဂီၢ်မုၢ်အစ့ၣ်တဖၣ်လံ.

လံာ်ဟိၤၡ့ 7:5

လၢမုၢ်တနံၤဖဲစီၤပၤအမူးအပွဲဘၣ်န့ၣ်အဝဲသ့ၣ်ဒုးအီစီၤပၤဒီးအပဒိၣ် ပပှၢ်တဖၣ်အတၢ်ဒီးမၤမူၤအီၤလၢစပံးထံန့ၣ်လီၤ.

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်မးသဲ 26:50

ယ့ၣ်ၡူးစံးဆၢအီၤ, “တံၤသကိးဧၢ, တၢ်လၢနကမၤန့ၣ်မၤအီၤချ့ချ့ တက့ၢ်.” တုၤနုၤတစု, ပှၤသ့ၣ်တဖၣ်န့ၣ်ဟဲဆူယ့ၣ်ၡူးအအိၣ်, ဖီၣ်န့ၢ်အီၤဒီးဟံးဃာ်အီၤကျၢၤကျၢၤလီၤ.

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.