လံာ်ဟိၤၡ့ 2:9 - Sgaw Karen Common Bible

⁹ အဃိသတးဒီး, လၢကူးဘုအဆၢကတီၢ်န့ၣ်ယကဟံးန့ၢ်က့ၤယတၢ်ဟ့ၣ် တဖၣ်လၢအမ့ၢ်ဘုဧိၤဟုဧိၤဒီးစပံးထံ ဒီးစိာ်ထီၣ်ကွံာ်သိဆူၣ်ဒီးလုၣ်တၢ်ကံၣ်ယာ်လၢယဟ့ၣ်တ့ၢ်အီၤလၢ အတၢ်ကူတၢ်သိးအဂီၢ်န့ၣ်လီၤ.

လံာ်ဟိၤၡ့ 2:9 Iomraidhean Croise

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်ယဃ့းစက့လး 16:39

ယကပာ်နၤလၢအဝဲသ့ၣ်အတၢ်စိတၢ်ကမီၤအဖီလာ်, ဒီးအဝဲသ့ၣ်ကမၤလီၤပှီၢ်ကွံာ်တၢ်လီၢ်တဖၣ်ဖဲနမၤပှၤဃဲသဲမုၣ် အတၢ်မၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. အဝဲသ့ၣ်ကစိာ်ကွံာ်နကူနသိးတဖၣ်ဒီးတၢ်မျၢ်ပလဲတဖၣ်ဒီးကပာ် လီၤတဲာ်နၤအိၣ်ဘ့ၣ်ဆ့လၢာ်လၢာ်ဆ့ဆ့န့ၣ်လီၤ.

လံာ်ယဃ့းစက့လး 23:26

အဝဲသ့ၣ်ကဖှီယာ်ကွံာ်နကူနသိးတဖၣ်ဒီးဟံးန့ၢ်ကွံာ်နတၢ်မျၢ် ပလဲတဖၣ်န့ၣ်လီၤ.

လံာ်ဒၤနံးယ့လး 11:13

ကီၢ်စူၤရံအစီၤပၤကဒုးအိၣ်ထီၣ်ကဒီးသုးမုၢ်ဒိၣ်န့ၢ်အခီၣ်ထံး တဖုလၢအအိၣ်တ့ၢ်ဒီးအီၤန့ၣ်လီၤ. တဘျုးနံၣ်အလီၢ်ခံန့ၣ်, အဝဲကဟဲထီၣ်ကဒီးဝဲလၢသုးမုၢ်ဖး ဒိၣ်တဖုအိၣ်ဒီးတၢ်စုကဝဲၤအလၢအပှဲၤန့ၣ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်ဟိၤၡ့ 9:2

ဘၣ်ဆၣ်တယံာ်ဘၣ်န့ၣ်ဘုခ့မ့ၢ်ဂ့ၤ, သ့ၣ်စၤယံးအသိမ့ၢ်ဂ့ၤတအိၣ် လၢၤလၢသုဂီၢ်လၢၤဘၣ်ဒီးစပံးထံတမ့ၢ်ကအိၣ်လၢၤဘၣ်.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”

လံာ်မၤလကံ 1:4

စီၤဧ့ၡီၤအစၢၤအသွဲၣ်လၢအမ့ၢ်ပှၤအဒိၣ်ဖိမ့ၢ်စံးဝဲ, “ပခူပဝ့ၢ်တဖၣ်ဘၣ်တၢ်မၤဟးဂီၤအီၤဘၣ်ဆၣ် ပကဘှီထီၣ်ကဒါက့ၤအီၤလီၤ.” ဒီး, ယွၤကစံးဆၢဝဲ, “မ်အဝဲသ့ၣ်ဘှီထီၣ်ကဒါက့ၤတက့ၢ်. ဒီးယကမၤလီၤပှီၢ်ကွံာ်ကဒီးတဘျီလီၤ. ဒီးပှၤကကိးအဝဲသ့ၣ်လၢ, ထံကီၢ်လၢအအၢအသီဒီးပှၤဂီၢ်မုၢ်လၢယွၤသးထီၣ်ဘၣ်အီၤလီၤ စိၤလီၤထီလီၤ.”

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”