လံာ်ဟိၤၡ့ 2:4 - Sgaw Karen Common Bible

⁴ ယတဒုးနဲၣ်ဘၣ်တၢ်သးကညီလၢအဖိတဖၣ်ဘၣ်. အဝဲသ့ၣ်တဖၣ်န့ၣ်မ့ၢ်ပှၤဃဲသဲမုၣ်လၢအတၢ်မဲာ်ဆှးတအိၣ် အဖိတဖၣ်လီၤ.

လံာ်ဟိၤၡ့ 2:4 Iomraidhean Croise

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်ယံးရမံယၤ 13:14

အန့ၣ်ဝံၤဒီးဒ်ကိတဖၣ်စုးဘၣ်ဒိဘၣ်လိာ်အ သးတဖျၢၣ်ဒီးတဖျၢၣ်အသိး, ယကမၤသဘှံးပှၤသးပှၢ်ဒီး ပှၤသးစၢ်တမံၤဃီစ့ၢ်ကီးန့ၣ်လီၤ. ဒ်သိးယသုတမၤသံအဝဲသ့ၣ် တဂ့ၤဒီးတၢ်လိးကီမ့ၢ်ဂ့ၤ, တၢ်သးအိၣ်မ့ၢ်ဂ့ၤ, တၢ်သးကညီၤမ့ၢ်ဂ့ၤဆိကတီၢ်ယၤတန့ၢ်ဘၣ်.”

လံာ်ယံးရမံယၤ 16:5

နတဘၣ်လဲၤနုာ်ဆူဟံၣ်တဖျၢၣ်လၢတၢ်ဟီၣ်တၢ်ယၢၤအိၣ်ဝဲန့ၣ်ဘၣ်. သူၣ်အုးသးအုးလၢပှၤနီတဂၤအဃိတဂ့ၤ. ယတဆိၣ်ဂ့ၤ လၢၤယပှၤဂီၢ်မုၢ်လၢတၢ်ဃူတၢ်ဖိးမ့ၢ်ဂ့ၤ, ဒုးနဲၣ်အဝဲသ့ၣ်လၢ တၢ်အဲၣ်ဒီးတၢ်သးကညီၤမ့ၢ်ဂ့ၤနီတစုလၢၤဘၣ်.

လံာ်ယဃ့းစက့လး 23:25

မ့ၢ်လၢ, ယသးဒိၣ်ထီၣ်နၤအဃိ, ယကပျဲအဝဲသ့ၣ်မၤဘၣ်နၤလၢအတၢ် သးထီၣ်အပူၤန့ၣ်လီၤ. အဝဲသ့ၣ်ကကူးတဲာ်ကွံာ်နနါဒ့တဖၣ်ဒီးနနၢ်တဖၣ်ဒီးကမၤသံကွံာ် နဖိတဖၣ်န့ၣ်လီၤ. မ့ၢ်လီၤ. အဝဲသ့ၣ်ကဟံးန့ၢ်ကွံာ်နဖိခွါတဖၣ်ဒီးနဖိမုၣ်တဖၣ်လၢနအိၣ် ဒီးဒွဲၣ်ကွံာ်မူဒံးအဝဲသ့ၣ်န့ၣ်လီၤ.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

လံာ်ဟိၤၡ့ 1:2

ဖဲယွၤကတိၤတၢ်အဆိကတၢၢ်ဒီးအံၣ်စရ့လးခီဖျိစီၤဟိၤၡ့န့ၣ်, အဝဲစံးဘၣ်စီၤဟိၤၡ့, “လဲၤဒီးဒိးတ့ဒိးဖျီနသးတက့ၢ်. နမါကမ့ၢ်ပှၤဃဲသဲမုၣ်တဂၤ, ဒီးနဖိတဖၣ်ကမ့ၢ်ဒ်သိးအီၤန့ၣ်လီၤ. ဒ်န့ၣ်အသိးယပှၤဂီၢ်မုၢ်ကပာ်တ့ၢ်ယၤဒီးကကဲထီၣ်ပှၤအကလုၢ်တတီဘၣ် န့ၣ်လီၤ.”

လံာ်ဟိၤၡ့ 1:6

နီၢ်ကိမၢၤမၤန့ၢ်ကဒီးအဖိခံဂၤတဂၤ, တဘျီအံၤမ့ၢ်အပိာ်မုၣ်ဖိ န့ၣ်လီၤ. ယွၤတဲဘၣ်ကဒီးစီၤဟိၤၡ့, ကိးအမံၤလၢနီၢ်လိၤရူ ဃမၤတက့ၢ်. အဂ့ၢ်ဒ်အံၤ, ယတဒုးနဲၣ်ယတၢ်အဲၣ်ဆူ ကီၢ်အံၣ်စရ့လးအပှၤဂီၢ်မုၢ်မ့ၢ်ဂ့ၤ, တပျၢ်အဝဲသ့ၣ်အတၢ် ကမၣ်မ့ၢ်ဂ့ၤလၢၤဘၣ်.

လံာ်ဟိၤၡ့ 5:7

အဝဲသ့ၣ်တဖၣ်အသးတတီတ့ၢ်ဒီးယွၤဘၣ်. အဝဲသ့ၣ်အဖိတဖၣ်စ့ၢ်ကီးတဘၣ်ဃးဒီးယွၤဘၣ်. လၢတၢ်န့ၣ်အဃိ, ခဲကနံၣ်အံၤအဝဲသ့ၣ်ဒီးအထံအကီၢ်တဖၣ်ကဘၣ်တၢ်မၤဟးဂီၤအီၤလၢ အဆိအချ့လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်ယိၤဟၣ် 8:41

သုမၤတၢ်လၢသုပၢ်မၤတ့ၢ်လံဝဲန့ၣ်လီၤ.” အဝဲသ့ၣ်စံးဆၢတၢ်ဒီးစံးဝဲ, “ပအိၣ်ဒီးပပၢ်ထဲတဂၤဧိၤလၢအမ့ၢ် ကစၢ်ယွၤအကစၢ်ဒၣ်ဝဲဒီးပမ့ၢ်အဖိနီၢ်နီၢ်တဖၣ်န့ၣ်လီၤ.”

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.