လံာ်ဟိၤၡ့ 2:21 - Sgaw Karen Common Bible

²¹ ဖဲအကတီၢ်အဝဲန့ၣ်, ယကစံးဆၢယပှၤဂီၢ်မုၢ်အံၣ်စရ့လးအတၢ်ထုကဖၣ် တဖၣ်န့ၣ်လီၤ. ယကဒုးစူၤလီၤတၢ်လၢဟီၣ်ခိၣ်အဖီခိၣ်,

လံာ်ဟိၤၡ့ 2:21 Iomraidhean Croise

လံာ်ယၡါယၤ 55:10

ယကလုၢ်ကထါအံၤလီၤဂာ်ဒ်မူခိၣ်ဖီဒီးတၢ်စူၤထံလၢ အဟဲလီၤလၢမူခိၣ်အသိး, လၢကမၤဘၣ်စီၣ်ဟီၣ်ခိၣ်အဂီၢ်န့ၣ်လီၤ. အဝဲသ့ၣ်ဒုးမဲထီၣ်ဒိၣ်ထီၣ်တၢ်မုၢ်တၢ်ဘိတဖၣ် ဒီးဟ့ၣ်ထီၣ်တၢ်ချံလၢဖှံတၢ်အဂီၢ် ဒီးတၢ်အီၣ်လၢပှၤကအီၣ်ဘၣ်အီဘၣ်အဂီၢ်လီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 62:5

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ယဃ့းစက့လး 36:29

ယကမၤပူၤဖျဲးသုလၢကယဲၢ်တၢ်ကိးမံၤဒဲးလၢအမၤဘၣ်အၢ သုန့ၣ်လီၤ. ယကဟ့ၣ်လီၤယကလုၢ်လၢဘုဧိၤဟုဧိၤကအါဝဲဂီၢ်ဝဲအဂီၢ်, ဒ်သိးသုသုတအိၣ်ဒီးတၢ်သၣ်ဝံၤလီၤဒိနီတဘျီလၢၤတဂ့ၤ န့ၣ်လီၤ.

လံာ်ဟိၤၡ့ 14:7

မၤကဒီးတစု, အဝဲသ့ၣ်ကအိၣ်ဆိး လၢယတၢ်ဒီဒၣ်အိၣ်ပှိၤအဖီလာ်န့ၣ်လီၤ. အဝဲသ့ၣ်ကသူၣ်ဘုခ့ဒီးကသၣ်ထီၣ်ဝဲဒ်စ ပံးလီၢ်တလီၢ်အသိးန့ၣ်လီၤ. အဝဲသ့ၣ်အမံၤကဟူသၣ်က ဖျါဒ်လဘၤနိၣ်အစပံးထံအသိးန့ၣ်လီၤ.

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်စကၤရယၤ 8:8

ဒီးဟဲစိာ်ကဒါက့ၤအဝဲသ့ၣ်လၢမုၢ်ထီၣ် ဒီးလၢမုၢ်နုာ်ဒ်သိးကအိၣ်ကဆိးဝဲလၢဝ့ၢ်ယရူၤၡလ့ၣ်အပူၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယကကဲထီၣ်အဝဲသ့ၣ်အကစၢ်ယွၤဒီးပၢအဝဲသ့ၣ်လၢတၢ်သူၣ်တီသး ရၤဒီးတၢ်စံၣ်ညီၣ်တီအပူၤန့ၣ်လီၤ.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.