လံာ်ဟိၤၡ့ 2:20 - Sgaw Karen Common Bible

²⁰ ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်ဟိၤၡ့ 2:20 Iomraidhean Croise

လံာ်တၢ်ကဲထီၣ်အခီၣ်ထံး 9:10

ဒီးကယဲၢ်တၢ်အိၣ်ဒီးတၢ်အမူအသါခဲလၢာ်, ကယဲၢ်ထိၣ်ဖိ လံာ်ဖိဒီးဆၣ်ဖိကီၢ်ဖိတဖၣ်, ကယဲၢ်တၢ်ခဲလၢာ်လၢအဟးထီၣ်လၢ ကဘီပူၤဃုာ်ဒီးသုန့ၣ်လီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:62

ယကမၤသီထီၣ်က့ၤယတၢ်အၢၣ်လီၤအီလီၤဒီးနၤ, ဒီးနကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်ဟိၤၡ့ 2:19

ကီၢ်အံၣ်စရ့လးဧၢ, ယကဒုးကဲထီၣ်နၤလၢယမါ, ယကတီ ယဲဒီးသူၣ်တီသးရၤလီၤ. ယကဒုးနဲၣ်နၤယတၢ်အဲၣ်အဂၢၢ်အကျၢၤ ဒီးတၢ်သးကညီၤ, ဒီးဒုးကဲထီၣ်နၤလၢယတၢ်လီၤထူလီၤယိာ်န့ၣ်လီၤ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:5

သုတၤသူတၤသၣ်တဖၣ်ကအိၣ်ပှဲၤလုၣ်ကွံာ်တုၤ, သုကကူးဒံးဘုဧိၤဟုဧိၤဖဲတၢ်ဒဲးစပံးသၣ်တဖၣ်အကတီၢ်, ဒီးသုကဒဲးဒံးစပံးသၣ်တဖၣ်ဖဲတၢ်သူၣ်လီၤဘုဧိၤဟုဧိၤအကတီၢ်န့ၣ်လီၤ. သုကအိၣ်ဒီးတၢ်လၢသုအဲၣ်ဒိးအီၣ်အီၤခဲလၢာ်, ဒီးသုကအိၣ်ဆိးပူၤဖျဲးလၢသုထံသုကီၢ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်မံကၤ 4:3

ယွၤကမၤဃူမၤဖိးတၢ်ထီဒုၣ်ဒါလိာ်အသးလၢပှၤကလုာ်တဖၣ်အကျါ, ဒီးလၢတၢ်စိကမီၤဖးဒိၣ်အယံၤအဘူးတဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ်တဖၣ်ဒီးဘီတဖၣ်ဆူဒီ ပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤကဒီးဆူတၢ်ဒုးသုးဒီးတကတဲာ်ကတီၤကဒီး အသးလၢၤလၢတၢ်ဒုးအဂီၢ်နီတဘျီလၢၤဘၣ်.

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 8:55

သုတသ့ၣ်ညါတ့ၢ်အီၤနီတစုဘၣ်. မ့မ့ၢ်ယဲဒၣ်ယသ့ၣ်ညါ အီၤလီၤ. ယမ့ၢ်စံးလၢယတသ့ၣ်ညါအီၤဘၣ်ဒီး, ယကကဲထီၣ်ပှၤလီတၢ်ဒ်သုဝဲအသိးလီၤ. ဘၣ်ဆၣ်ယသ့ၣ်ညါ အီၤဒီးယဒိကနၣ်အကလုၢ်ကထါလီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ဖံလံးပံၤ 3:8

ဒီးတမ့ၢ်ထဲတၢ်သ့ၣ်တဖၣ်န့ၣ်ဘၣ်. ယပာ်တၢ်ခဲလၢာ်ဒ်အမ့ၢ်တၢ်လီၤမၢ်ကွံာ်လၢယဂီၢ်လၢာ်လၢာ် ဆ့ဆ့လၢတၢ်လၢအလုၢ်အပှ့ၤဒိၣ်န့ၢ်အန့ၣ်တက့ၢ်လၢအမ့ၢ် ဝဲတၢ်သ့ၣ်ညါယကစၢ်ယ့ၣ်ၡူးခရံာ်အဃိန့ၣ်လီၤ. လၢအဝဲဒၣ်အဃိယညိကွံာ်တၢ်ခဲလၢာ်, လၢယပာ်အီၤဒ်အမ့ၢ် တၢ်အိၣ်ဘျဲၣ်အိၣ်စဲၢ်တဂိာ်တသီၣ်, ဒ်သိးယကဒိးန့ၢ်ဘၣ်ခရံာ်,

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

ဧ့ၤဘြံၤ 8:11

ဒီးအဝဲသ့ၣ်တသိၣ်လိဘၣ်လၢၤအပှၤခူဖိဝ့ၢ်ဖိမ့ၢ်ဂ့ၤ, အပှၤထံဖိကီၢ်ဖိဒၣ်ဝဲမ့ၢ်ဂ့ၤ, ဒီးစံး ‘သ့ၣ်ညါကစၢ်ယွၤတက့ၢ်’ န့ၣ်ဘၣ်. အဂ့ၢ်ဒ်အံၤ, အဝဲသ့ၣ်ခဲလၢာ်ကသ့ၣ်ညါယၤ စးထီၣ်လၢပှၤအဆံးကတၢၢ် ပၢၢ်လၢပှၤအဒိၣ်ကတၢၢ်န့ၣ်လီၤ.

၁ ယိၤဟၣ် 4:6

ဘၣ်ဆၣ်ဒီး, ပဘၣ်ဃးဒီးကစၢ်ယွၤလီၤ. မတၤတဂၤဂ့ၤတဂၤဂ့ၤလၢအသ့ၣ်ညါယွၤန့ၣ်ဒိကနၣ်ပှၤ, မ့မ့ၢ်ပှၤလၢအတဘၣ်ဃးဒီးကစၢ်ယွၤန့ၣ်တဒိကနၣ်ပှၤဘၣ်. လၢတၢ်န့ၣ်အဃိ, အဝဲအံၤမ့ၢ်ကျဲလၢပကသ့နီၤဖးကစၢ်ယွၤ အသးလၢအဘၣ်ဃးဒီးတၢ်မ့ၢ်တၢ်တီဒီးတၢ်လီတၢ်ဝ့ၤ အသးန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.