လံာ်ဟိၤၡ့ 2:2 - Sgaw Karen Common Bible

² ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 2:2 Iomraidhean Croise

လံာ်ယၡါယၤ 11:12

ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 19:3

ယွၤတဲဘၣ်ယၤလၢယကစံး, “ကီၢ်ယူဒၤအစီၤပၤတဖၣ်ဒီး ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးကတိၤအီၤန့ၣ်တက့ၢ်. ယကဒုးလီၤဘၣ်တၢ်တတၢးတနါဒ်န့ၣ်အသိးလၢတၢ်လီၢ်အံၤအလိၤ, ဒ်သိးပှၤကိးဂၤဒဲးလၢအနၢ်ဟူဘၣ်တၢ်ဂ့ၢ်အံၤအသးကလီၤ ကတုၤဝဲန့ၣ်လီၤ.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယဃ့းစက့လး 16:20

ဝံၤဒီး, နဟံးန့ၢ်ဖိခွါတဖၣ်ဒီးဖိမုၣ်တဖၣ်လၢနဆံးစၢ်ထီၣ်န့ၢ်ယၤ, ဒီးလုၢ်ထီၣ်အဝဲသ့ၣ်ဒ်တၢ်လုၢ်တၢ်ပာ်တဖၣ်အသိးဆူတၢ်ဂီၤတၢ်ဖီၣ် ဖၣ်န့ၣ်လီၤ. ထဲနတၢ်သးတတီဒီးယၤန့ၣ်, တအၢတ့ၢ်မးလံ.

လံာ်ယဃ့းစက့လး 16:25

နကွံာ်လီၤနတၢ်ဃံတၢ်လၤလၢကပံာ်ကျါလီၤ. နဟ့ၣ်လီၤနသး ဆူပှၤကိးဂၤဒဲးလၢအဟဲတြူာ်ဝဲန့ၣ်လီၤ. ဒီးတနံၤဘၣ်တနံၤန့ၣ်, နလီၤဂာ်ဒီးပှၤဃဲသဲမုၣ်ဒံးယံာ်ဒံးအါထီၣ်လီၤ.

လံာ်ယဃ့းစက့လး 20:4

ပှၤကညီလၢအသံသ့ဧၢ, မ့ၢ်နအိၣ်ကတဲာ်ကတီၤလံနသးလၢနကစံၣ်ညီၣ်အဝဲသ့ၣ်လံဧါ. မ့မ့ၢ်ဒ်န့ၣ်ဒီးမၤတက့ၢ်. ဒုးသ့ၣ်နီၣ်ထီၣ်အဝဲသ့ၣ်လၢတၢ်လီၤ သးဘၣ်အၢတဖၣ်လၢအဝဲသ့ၣ်အပၢ်တဖၣ်မၤတ့ၢ်ဝဲန့ၣ်တက့ၢ်.

လံာ်ယဃ့းစက့လး 23:43

ဒီးယစံးဘၣ်လီၤက့ၤယသး, လၢအဝဲသ့ၣ်သူပိာ်မုၣ်တဂၤလၢအလီၤ ထွံဒိၣ်မးလၢတၢ်မၤကမၣ်မုၣ်ကမၣ်ခွါအဃိ, ဒ်ပှၤဃဲသဲမုၣ်တဂၤအသိးန့ၣ်လီၤ.

လံာ်ယဃ့းစက့လး 23:45

ပှၤပိာ်ခွါအတီအလိၤတဖၣ်ကစံၣ်ညီၣ်ဃၣ်အဝဲသ့ၣ်မ့ၢ်လၢပှၤပာ်တၢ် ကမၣ်လၢအဝဲသ့ၣ်အလိၤလၢအမၤကမၣ်မုၣ်ကမၣ်ခွါဒီးမၤသံတၢ်အ ဃိ, မ့ၢ်လၢအဝဲသ့ၣ်မၤတၢ်မၤကမၣ်မုၣ်ကမၣ်ခွါအတၢ်မၤဒီးအစုတဖၣ် ဘၣ်အၢဝဲဒီးတၢ်သွံၣ်အဃိန့ၣ်လီၤ.”

လံာ်ဟိၤၡ့ 1:2

ဖဲယွၤကတိၤတၢ်အဆိကတၢၢ်ဒီးအံၣ်စရ့လးခီဖျိစီၤဟိၤၡ့န့ၣ်, အဝဲစံးဘၣ်စီၤဟိၤၡ့, “လဲၤဒီးဒိးတ့ဒိးဖျီနသးတက့ၢ်. နမါကမ့ၢ်ပှၤဃဲသဲမုၣ်တဂၤ, ဒီးနဖိတဖၣ်ကမ့ၢ်ဒ်သိးအီၤန့ၣ်လီၤ. ဒ်န့ၣ်အသိးယပှၤဂီၢ်မုၢ်ကပာ်တ့ၢ်ယၤဒီးကကဲထီၣ်ပှၤအကလုၢ်တတီဘၣ် န့ၣ်လီၤ.”

လံာ်ဟိၤၡ့ 2:1

လၢတၢ်န့ၣ်အဃိကိးနဒီပုၢ်ဝဲၢ်ပှၤအံၣ်စရ့လးဖိတဖၣ်လၢ “ဧၣ်မံၤ” ဒီး “ရူဃမၤ” န့ၣ်တက့ၢ်.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်ဟိၤၡ့ 4:5

လၢမုၢ်နၤဒီးလၢမုၢ်ဆါန့ၣ်သုမၤကမၣ်တၢ်လၢတၢ်တပလီၢ်ပဒီ သးအပူၤ, ဒီးဝံတဖၣ်, မၤဝဲတဂ့ၤအါန့ၢ်သုဘၣ်. ယကမၤဟးဂီၤကွံာ်သုမိၢ်, ကီၢ်အံၣ်စရ့လးန့ၣ်လီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.