လံာ်ဟိၤၡ့ 2:19 - Sgaw Karen Common Bible

¹⁹ ကီၢ်အံၣ်စရ့လးဧၢ, ယကဒုးကဲထီၣ်နၤလၢယမါ, ယကတီ ယဲဒီးသူၣ်တီသးရၤလီၤ. ယကဒုးနဲၣ်နၤယတၢ်အဲၣ်အဂၢၢ်အကျၢၤ ဒီးတၢ်သးကညီၤ, ဒီးဒုးကဲထီၣ်နၤလၢယတၢ်လီၤထူလီၤယိာ်န့ၣ်လီၤ.

လံာ်ဟိၤၡ့ 2:19 Iomraidhean Croise

စံးထီၣ်ပတြၢၤ 85:10

တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ ကထံၣ်လိာ်အသး, တၢ်တီတၢ်လိၤဒီးတၢ်ဃူတၢ်ဖိး ကနၢမူလိာ်အသးလီၤ.

လံာ်ယၡါယၤ 1:27

မ့ၢ်လၢယွၤတီဝဲလိၤဝဲအဃိဒီး, အဝဲကအုၣ်က့ၤခီၣ်က့ၤဝ့ၢ်ယ ရူၤၡလ့ၣ်ဒီးပှၤအိၣ်ဖဲန့ၣ်ကိးဂၤဒဲးလၢအပီၢ်ယၢ်လီၤက့ၤအသးလီၤ.

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယၡါယၤ 54:6

ကီၢ်အံၣ်စရ့လးဧၢ, နမၤနသးဒ်မါသးစၢ်တဂၤ လၢအဝၤဟးသဒၣ်အီၤဒီးအသးဟးဂီၤ ဒိၣ်မးအသိးန့ၣ်လီၤ. ဘၣ်ဆၣ်ဒီး, ယွၤကိးကဒါက့ၤနၤဆူအအိၣ်ဒီးစံးဝဲ,

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်ယိၤအ့လး 3:20

ယကမၤကၣ်တၢ်လၢပှၤလၢအဘၣ်တၢ် မၤသံကွံာ်လံအီၤတဖၣ်အဂီၢ်, ယတပာ်ကီၤဃာ်ဘၣ်ပှၤလၢအတၢ်ကမၣ်အိၣ်န့ၣ်ဘၣ်.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.