လံာ်ဟိၤၡ့ 2:18 - Sgaw Karen Common Bible

¹⁸ ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဟိၤၡ့ 2:18 Iomraidhean Croise

လံာ်စီၤယိၤဘး 5:22

နကနံၤဘၣ်ဖၣ်လဲတၢ်ဟးဂူာ်ဟးဂီၤဒီးတၢ်သၣ်ဝံၤလီၤဒိဒီး နတပျံၤဘၣ်ဆၣ်ဖိကီၢ်ဖိအအၢဘၣ်.

လံာ်စီၤယိၤဘး 5:23

ပျီလၢနထူစံၣ်ထူပှဲၤကပူၤဖျဲးဒီးလၢၢ်ဧိၤလ့ဧိၤဒီးဆၣ်ဖိ ကီၢ်ဖိအအၢတဖၣ်တထီဒါနၤနီတစုဘၣ်.

စံးထီၣ်ပတြၢၤ 148:10

ဆၣ်ဖိကီၢ်ဖိအမံၤဒီးဆၣ်ဖိကီၢ်ဖိအဒၢ, တၢ်လၢအစွါဒီးထိၣ်လၢအယူၤတဖၣ်ဧၢ,

စံးထီၣ်ပတြၢၤ 23:2

ဒုးကိာ်လီၤယၤလၢအီၣ်ဆၣ်အလီၢ်လါဟ့အပူၤ, ဆှၢယၤလၢထံဂၢၢ်အနံၤလီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယၡါယၤ 65:25

ထွံၣ်မံၤတဖၣ်ဒီးသိဖိတဖၣ်ကအီၣ်အဆၣ်တပူၤဃီ, ခ့ယုၢ်တဖၣ်ကအီၣ်လီၢ်ဧိၤဒံးဧိၤ, ဒ်ဂီၤဘုၣ်ဂီၤဖံးအသိး, ဒီးဂုၢ်သ့ၣ်တဖၣ်တလီၤပျံၤလီၤဖုးလၢၤဘၣ်. လၢယကစၢၢ်စီဆှံစံယိၣ်အလိၤန့ၣ်, တၢ်မၤဆူးမၤဆါမ့ၢ်ဂ့ၤ, တၢ်မၤအၢမၤသီမ့ၢ်ဂ့ၤ, တအိၣ်နီတမံၤလၢၤဘၣ်.”

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်စကၤရယၤ 3:10

ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”