လံာ်ဟိၤၡ့ 2:12 - Sgaw Karen Common Bible

¹² ယကမၤဟးဂီၤကွံာ်အစပံးမုၢ်တဖၣ်ဒီးအချၢၣ်ဒၢအထူၣ်တ ဖၣ်လၢအစံးဝဲလၢပှၤလၢအအဲၣ်အီၤတဖၣ်ဟ့ၣ်တ့ၢ်အီၤလၢအဝဲမၤတၢ် ခ့တၢ်ပှၤအတၢ်မၤလၢအဝဲသ့ၣ်တဖၣ်အဂီၢ်အဃိန့ၣ်လီၤ. ယကဒုးကဲထီၣ်အစပံးလီၢ်ဒီးတၤသၣ်အလီၢ်တဖၣ်ဆူပှၢ်မုၢ်ကနၢတတီၤ, ဒီးဆၣ်ဖိကီၢ်ဖိအမံၤတဖၣ်ကမၤဟးဂီၤကွံာ်အဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 2:12 Iomraidhean Croise

စံးထီၣ်ပတြၢၤ 80:12

ဘၣ်မနုၤလၢနမၤဟးဂီၤကရၢၢ်လၢအအိၣ်ဝးတရံး အီၤန့ၣ်လီၤ. ခဲအံၤပှၤလၢအလဲၤခီဂာ်တၢ်တဂၤလၢ်လၢ်ဟုၣ်အစပံးသၣ်တဖၣ် သ့ဝဲလီၤ.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 5:5

ယကမၤတၢ်အံၤလၢယစပံးလီၢ်အဂီၢ်လီၤ. ယကဟံးထီၣ်က ရၢၢ်လၢအအိၣ်ဝးတရံးအီၤ, ဂုၤလီၤပှီၢ်တၢ်အဒူၣ်လၢအဒီဒၣ်အီၤ, ဒီးပျဲဆၣ်ဖိကီၢ်ဖိအမံၤတဖၣ်အီၣ်အီၤဒီးယီၢ်တံၢ်အီၤလီၤ.

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ယံးရမံယၤ 5:17

အဝဲသ့ၣ်ကအီၣ်လၢာ်ကွံာ်သုတၤသူတၤသၣ်တဖၣ်ဒီးသုတၢ်အီၣ် တၢ်အီတဖၣ်လီၤ. အဝဲသ့ၣ်ကမၤသံကွံာ်သုဖိခွါတဖၣ်ဒီးသုဖိမုၣ်တဖၣ်လီၤ. အဝဲသ့ၣ်ကမၤသံကွံာ်သုသိဒီးမဲာ်တဲးလဲးအဖုတဖၣ် ဒီးကမၤဟးဂီၤကွံာ်သုစပံးမုၢ်တဖၣ်ဒီးသုချၢၣ်ဒၢအထံးတဖၣ်လီၤ. သုဝ့ၢ်အိၣ်ဒီးတိာ်ဧိၤတာ်ဧိၤတဖၣ်လၢသုသန့ၤသုသးလၢအီၤန့ၣ်, ကဘၣ်တၢ်မၤဟးဂီၤကွံာ်အီၤလၢအဝဲသ့ၣ်အသုးမုၢ်န့ၣ်လီၤ.

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဟိၤၡ့ 9:1

ကီၢ်အံၣ်စရ့လးအပှၤဂီၢ်မုၢ်ဧၢ, ပာ်ကတီၢ်သု တၢ်မၤမူးမၤပွဲလၢအလီၤဂာ်ဒ်ပှၤဘါတၢ်ဂီၤတဖၣ်အသိးန့ၣ်တ က့ၢ်. သုဃၣ်ကပၤကွံာ်သုသးလၢသုကစၢ်ယွၤဒီးသု တသူၣ်တီသးရၤတ့ၢ်ဒီးအီၤဘၣ်. လၢကီၢ်ဒီဘ့ၣ်ညါအံၤသုဆါလီၤကွံာ်သုသးဒ် ပှၤဃဲသဲမုၣ်တဖၣ်အသိးဆူကစၢ်ဘဧၤလးအအိၣ်ဒီးသုအဲၣ်တ့ၢ် ဘုခ့လၢသုဆိကမိၣ်လၢအဝဲဟ့ၣ်သုလၢတၢ်ဘူးတၢ်လဲအဂီၢ်န့ၣ် လီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.