လံာ်ဟိၤၡ့ 2:11 - Sgaw Karen Common Bible

¹¹ ယကမၤကတၢၢ်ကွံာ်ကယဲၢ်အဝဲဒၣ်အမူးဧိၤပွဲဧိၤတဖၣ်လၢအမ့ၢ်, တနံၣ်တဘျီဒီးတလါတဘျီအဘူၣ်တဖၣ်ဒီးအမုၢ်အိၣ်ဘှံးနံၤအဘူၣ်တဖၣ်, ကယဲၢ်အတၢ်ဘူၣ်တၢ်ဘါအတၢ်အိၣ်ဖှိၣ်တဖၣ်န့ၣ်လီၤ.

လံာ်ဟိၤၡ့ 2:11 Iomraidhean Croise

လံာ်စီၤပၤအခီၣ်ထံးတဘ့ၣ် 12:32

စီၤယၤရၤဘၣ်ဒုးအိၣ်ထီၣ်စ့ၢ်ကီးတၢ်ဘူၣ်တၢ်ဘါအမူးတမူးလၢ လါဃိးလါတလါထီၣ်တဆံယဲၢ်သီတသီအနံၤ, ဒ်မူးလၢကီၢ်ယူဒၤအပူၤအသိးန့ၣ်လီၤ. လၢတၢ်လုၢ်လီၢ်လၢဝ့ၢ်ဘ့ၤသ့လးအဖီခိၣ်န့ၣ်, အဝဲလုၢ်ထီၣ်တၢ်လုၢ်တၢ်ပာ်တဖၣ်ဆူဂီၤဖံးဖါထူတဖၣ်လၢ အဝဲမၤထီၣ်တ့ၢ်ဝဲ, ဒီးဖဲန့ၣ်, လၢဝ့ၢ်ဘ့ၤသ့လးအပူၤန့ၣ်, အဝဲဃုထၢထီၣ်ပှၤလုၢ်တၢ်အခိၣ်တဖၣ်လၢကမၤ တၢ်ဖဲတၢ်ဘူၣ်ထီၣ်ဘါထီၣ်အလီၢ်လၢအဝဲဘှီထီၣ်ဝဲန့ၣ်လီၤ.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ဟိၤၡ့ 5:7

အဝဲသ့ၣ်တဖၣ်အသးတတီတ့ၢ်ဒီးယွၤဘၣ်. အဝဲသ့ၣ်အဖိတဖၣ်စ့ၢ်ကီးတဘၣ်ဃးဒီးယွၤဘၣ်. လၢတၢ်န့ၣ်အဃိ, ခဲကနံၣ်အံၤအဝဲသ့ၣ်ဒီးအထံအကီၢ်တဖၣ်ကဘၣ်တၢ်မၤဟးဂီၤအီၤလၢ အဆိအချ့လီၤ.

လံာ်တၢ်ဘူၣ်ထီၣ်ဘါထီၣ် 26:20

ဒီးသုတၢ်မၤတၢ်လၢာ်ဂံၢ်လၢာ်ဘါကမ့ၢ်တၢ်ကလီကလီလီၤ. အဂ့ၢ်ဒ်အံၤ, သုဟီၣ်ခိၣ်တဟ့ၣ်ထီၣ်တၤသူတၤသၣ်နီတမံၤ ဘၣ်ဒီးသုသ့ၣ်အထံးတဖၣ်တသၣ်ထီၣ်ဝဲဒၣ်ဘၣ်.

လံာ်ဧၤမိၣ် 5:21

ယွၤစံးဝဲဒၣ်, ယသးဟ့သုတၢ်ဘူၣ်တၢ်ဘါအမူးတဖၣ်ဒီးယသးဘၣ် အၢအီၤလီၤ. ယသးစူၤအီၤတကဲဘၣ်.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်ဧၤမိၣ် 8:5

သုစံးလီၤသုသး, လၢပကဆါဘၣ်ပဘုဧိၤဟုဧိၤအဂီၢ်န့ၣ် ပခိးတုၤမုၢ်နံၤစီဆှံတဖၣ်လၢာ်ကွံာ်တကဲလၢၤဘၣ်. ဒီးလၢပကဆါဘၣ်ကဒီးပတၢ်အဂီၢ်ဆံးယံာ်မး မုၢ်အိၣ်ဘှံးနံၤကလဲၤပူၤကွံာ်လဲၣ်. အန့ၣ်တစုပကမၤအါထီၣ်တၢ်အပှ့ၤ, သူနီၣ်ဃီၣ်လီတၢ်, စီၤပီၢ်တတီလၢပ ကလီန့ၢ်ပှၤပှ့ၤတၢ်ဖိသ့ၣ်တဖၣ်န့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.