လံာ်ဟိၤၡ့ 2:1 - Sgaw Karen Common Bible

¹ လၢတၢ်န့ၣ်အဃိကိးနဒီပုၢ်ဝဲၢ်ပှၤအံၣ်စရ့လးဖိတဖၣ်လၢ “ဧၣ်မံၤ” ဒီး “ရူဃမၤ” န့ၣ်တက့ၢ်.

လံာ်ဟိၤၡ့ 2:1 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:38

အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ယဃ့းစက့လး 11:20

အန့ၣ်ဒီး, အဝဲသ့ၣ်ကတိၢ်န့ၢ်ဖံးဃာ်ယတၢ်သိၣ်တၢ်သီတဖၣ်လၢပှၤ ယူဒၤဖိအဂီၢ်ဒီးစူၢ်ယတၢ်မၤလိာ်ခဲလၢာ်လၢတၢ်သူၣ်တီသးရၤအပူၤ န့ၣ်လီၤ. အဝဲသ့ၣ်ကကဲထီၣ်ယပှၤဂီၢ်မုၣ်ဒီးယကမ့ၢ်အဝဲသ့ၣ် အကစၢ်ယွၤန့ၣ်လီၤ.

လံာ်ယဃ့းစက့လး 36:11

ယကမၤအါထီၣ်ပှၤဂီၢ်မုၢ်ဒီးဂီၤဘုၣ်ဂီၤဖံးအနီၣ်ဂံၢ်န့ၣ်လီၤ. သုနီၣ်ဂံၢ်ကအါထီၣ်န့ၢ်ဒံးအအိၣ်တ့ၢ်ဝဲလၢညါတက့ၢ်ဒီးသုကအိၣ် ဒီးဖိတဖၣ်အါအါဂီၢ်ဂီၢ်န့ၣ်လီၤ. ယကဒုးအိၣ်ဆိးသုဖဲန့ၣ်ဒ်သုအိၣ်ညီနုၢ်တ့ၢ်လၢညါအသိး, ဒီးယကမၤဘီၣ်ထီၣ်ညီထီၣ်သုအါန့ၢ်ဒံးလၢညါတက့ၢ်န့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 36:28

အန့ၣ်ဒီးသုကအိၣ်ဆိးလၢကီၢ်လၢယဟ့ၣ်လီၤတ့ၢ်သုမိၢ်ပၢ်ဖံဖု လၢပျၢၤတဖၣ်အပူၤန့ၣ်လီၤ. သုကမ့ၢ်ပှၤဂီၢ်မုၢ်ဒီးယကမ့ၢ် သုကစၢ်ယွၤန့ၣ်လီၤ.

လံာ်ယဃ့းစက့လး 37:27

ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).