လံာ်ဟိၤၡ့ 14:5 - Sgaw Karen Common Bible

⁵ ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်ဟိၤၡ့ 14:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:4

လီၤဂာ်ဒ်မုၢ်လၢအကပီၤထီၣ်ဝဲဖဲမုၢ်ဆ့ၣ်ထီၣ်သီတဂီၤလၢတၢ်အၢၣ်တအိၣ်ဘၣ်အသိး, မုၢ်တဘ့ၣ်လၢအဒုးကပြုၢ်ကပြီၤထီၣ်တပံၢ်တမါဖဲတၢ်စူၤလီၤဝံၤအလီၢ်ခံန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:30

ပှၤတဖၣ်လၢကီၢ်ယူဒၤအပူၤလၢအအိၣ်လီၤတဲာ်တ့ၢ်န့ၣ်, ကဂုၤထီၣ်ပသီထီၣ်ဝဲဒ်တၢ်မုၢ်တၢ်ဘိတဖၣ်အသိးလၢအစဲၤလီၤအဂံၢ် တဖၣ်ယိာ်ယိာ်ဆူဟီၣ်ခိၣ်အပူၤဒီးဟ့ၣ်ထီၣ်အတၤသၣ်တဖၣ်န့ၣ်လီၤ.

လံာ်စီၤယိၤဘး 29:19

ယမၤယသးလီၤဂာ်ဒ်သ့ၣ်လၢအဂံၢ်ဒိးန့ၢ်ထံထီဘိဒီးအဒ့ အဖီတဖၣ်ဘၣ်စီၣ်ဝဲလၢပစီၤထံအသိးန့ၣ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 72:16

မ်ဘုဧိၤဟုဧိၤကအိၣ်လၢပှဲၤဝဲလၢထံကီၢ်အပူၤ, ဒီးတၢ်လူၢ်တဖၣ် အဒီခိၣ်န့ၣ်ကဟူးဝးဝဲဒ်လဘၤနိၣ်အသိး မ်အသၣ်ထီၣ်အါအါဂီၢ်ဂီၢ်ဒ် လဘၤနိၣ်အတၤသၣ်တဖၣ်အသိးတက့ၢ်. မ်အဂုၤထီၣ်ပသီထီၣ်ဒ် နီၣ်ဧိၤမံၤဧိၤလၢစံာ်ပျီပူၤအသိးတက့ၢ်.

စံးထီၣ်ပတြၢၤ 72:6

မ်စီၤပၤကလီၤဂာ်ဒ်တၢ်စူၤလၢအဟဲလီၤလၢ စံာ်ပျီလၢတၢ်ကူးအီၤဝံၤ ဒ်တၢ်သဖှံၣ်လီၤလၢအမၤဘၣ်စီၣ် ဟီၣ်ခိၣ်အသိးန့ၣ်တက့ၢ်.

စံးထီၣ်ပတြၢၤ 80:9

နမၤပျီတၢ်လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤလီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်တၢ်သးဝံၣ်တဖၣ်အတၢ်သးဝံၣ် 4:5

နနုၢ်ခံတိၣ်မၤအသးဒ်တၤဟိစဘံသဃံာ်ခံဒုလၢအအီၣ်အဆၣ်လၢဖီ ဒ့ၣ်ညါတဖၣ်အကျါအသိးန့ၣ်လီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 18:4

ယွၤစံးဘၣ်ယၤ, “ယကကွၢ်လီၤတၢ်ကစုဒုလၢမူခိၣ်ဒ်ပစီၤထံ လၢအအိၣ်ထီၣ်ဖဲကူးဘုအကတီၢ်လၢ မုၢ်နၤအကိၢ်တဖၣ်အပူၤအသိး, ဒီးဒ်မုၢ်အတၢ်ကပီၤဆှံကပီၤ ထီၣ်ဝဲလၢမုၢ်ဆါခီတၢ်ကိၢ်ခါအသိးန့ၣ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 45:8

ယကဟ့ၣ်လီၤတၢ်မၤနၢၤလၢမူခိၣ်ဒ်တၢ်စူၤထံအသိးလီၤ. ဟီၣ်ခိၣ်ကအိးထီၣ်အသးလၢကတူၢ်လိာ်တၢ်အံၤ, ဒီးဘိၣ်ထီၣ်ဖးထီၣ်တၢ်သဘျ့ဒီးတၢ်စံၣ်ညီၣ်တီလီၤ. ယၤ, ယွၤန့ၣ်, ကမၤကဲထီၣ်လိၣ်ထီၣ်တၢ်အံၤလီၤ.”

လံာ်ယၡါယၤ 57:18

အဝဲသ့ၣ်ဖံးတၢ်မၤတၢ်ဒ်လဲၣ်န့ၣ်ယထံၣ်တ့ၢ်, နာ်သက့ယကမၤဘျါအဝဲသ့ၣ်လီၤ. ယကဆှၢဒီးမၤစၢၤအဝဲသ့ၣ်ဒီး ယကမၤမုာ်ပှၤလၢအသူၣ်အုးသးအုးတဖၣ်လီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်မးသဲ 6:28

ဘၣ်မနုၤလၢသုဘၣ်ယိၣ်တၢ်လၢတၢ်ကူတၢ်သိးအဂီၢ်လဲၣ်. ဖီဒ့ၣ်ညါလၢတၢ်ပျီပူၤတဖၣ်မဲထီၣ်ဒိၣ်ထီၣ်ဒ်လဲၣ်ဒ်လဲၣ်န့ၣ်ကွၢ်ဆိ ကမိၣ်တက့ၢ်. အဝဲသ့ၣ်တမၤတၢ်ဘၣ်. တမၤကူမၤကၤစ့ၢ်ကီးဘၣ်.

လံာ်လူၤကၣ် 12:27

ဖီဒ့ၣ်ညါတဖၣ်ဒိၣ်ထီၣ်မဲထီၣ်ဒ်လဲၣ်န့ၣ်, ကွၢ်တက့ၢ်. အဝဲသ့ၣ်တဖံးတၢ်မၤတၢ်မ့ၢ်ဂ့ၤ, ဆးကူဆးကၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးယစံးဘၣ်တဲဘၣ်သုလၢစီၤၡလိၤမိၤလၢအအိၣ်ဒီး အကဟုကညီၢ်အတၢ်ထူးတၢ်တီၤခဲလၢာ်ဒၣ်လဲာ်န့ၣ်, တအိၣ်ဒီးအကူအသိးဃံလၤထဲသိးဒီးဖီဒ့ၣ်ညါတဖိးဘၣ်.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.