လံာ်ဟိၤၡ့ 14:3 - Sgaw Karen Common Bible

³ ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 14:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 16:7

ဖဲအကတီၢ်အဝဲန့ၣ်, ဝံဃနၤနံလဲၤဆူစီၤပၤအၤစါအအိၣ်ဒီးစံး ဘၣ်အီၤ, “လၢနကသန့ၤနသးလၢယွၤ, နကစၢ်ယွၤအလီၢ်န့ၣ်, မ့ၢ်လၢနသန့ၤနသးလၢကီၢ်စူၤရံအစီၤပၤအဃိ စူၤရံအစီၤပၤအသုးမုၢ်ဃ့ၢ်ပူၤဖျဲးကွံာ်လၢနအိၣ်န့ၣ်လီၤ.

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 146:3

ပဒိၣ်ဖးဒိၣ်သ့ၣ်တဖၣ်ဒီးပှၤကညီဖိလၢ အမၤစၢၤတၢ်တသ့ဘၣ်တဖၣ်န့ၣ်, သန့ၤသုသးလၢအီၤတဂ့ၤ.

စံးထီၣ်ပတြၢၤ 146:9

ယွၤအံးထွဲကွၢ်ထွဲပှၤသမှံၤလၢအအိၣ်ဆိးလၢပကီၢ်ပူၤ, အဝဲမၤစၢၤပှၤမုၣ်ကမဲတဖၣ်ဒီးပှၤဖိၣ်ဃဲဖိတဖၣ်လီၤ. မ့မ့ၢ်ပှၤတတီတလိၤအကျဲန့ၣ်ဒုးဟးဂီၤကွံာ်ဝဲလီၤ.

စံးထီၣ်ပတြၢၤ 33:17

တၢ်ဒုးသုးအကသ့ၣ်မ့ၢ်တၢ်မုၢ်လၢ်ကလီကလီ လၢတၢ်မၤနၢၤအဂီၢ်လီၤ. ဒီးလၢအတၢ်ဂံၢ်ဆူၣ်ဘါဆူၣ်ဒၣ်ဝဲန့ၣ် မၤပူၤဖျဲးအသးတသ့ဘၣ်.

စံးထီၣ်ပတြၢၤ 68:5

ကစၢ်ယွၤလၢအအိၣ်လၢအလီၢ်စီဆှံအပူၤန့ၣ် မ့ၢ်ပှၤဖိၣ်ဃဲအပၢ်ဒီးပှၤလၢကဟုဘံၣ်ကယာ်ဘၢ မုၣ်ကမဲသ့ၣ်တဖၣ်န့ၣ်လီၤ.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 30:2

အဝဲသ့ၣ်လဲၤဆူကီၢ်အဲၤကူပတူးလၢတၢ်မၤစၢၤအဂီၢ်လီၤ. တဃ့ယတၢ်ဟ့ၣ်ကူၣ်ဟ့ၣ်ဖးဘၣ်. အဝဲသ့ၣ်သးအိၣ်ဝဲလၢကီၢ် အဲၤကူပတူးကဒီဒၣ်အိၣ်ပှိၤအီၤ, သတးဒီးအဝဲသ့ၣ်ပာ်အတၢ်နာ် လၢကီၢ်အဲၤကူပတူးအစီၤပၤအပူၤန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 36:8

ယကတၤသုလၢယစီၤပၤဖးဒိၣ်အမံၤအပူၤလီၤ. သုဃုပှၤဒိးကသ့ၣ်သ့အါအါမ့ၢ်ဘၣ်ဒီး, ယကဟ့ၣ်လီၤသုလၢကသ့ၣ်အဒုခံကထိန့ၣ်လီၤ.

လံာ်ယံးရမံယၤ 49:11

ပာ်လီၤတဲာ်သုဖိၣ်ဃဲဖိတဖၣ်ဒီး ယၤတက့ၢ်. ဒီးယကအံးထွဲကွၢ်ထွဲအဝဲသ့ၣ်လီၤ. သုပှၤမုၣ်ကမဲတဖၣ် သန့ၤအသးလၢ ယၤသ့ဝဲလီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 37:23

အဝဲသ့ၣ်တမၤဘၣ်အၢလီၤအသးလၢတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢမ့ၢ်ဂ့ၤ, မၤဟးဂီၤလီၤအသးလၢတၢ်ဒဲးဘး မ့ၢ်ဂ့ၤလၢၤဘၣ်. ယကဒုးထူၣ်ဖျဲးအဝဲသ့ၣ်လၢကျဲတဖၣ်လၢ အဝဲသ့ၣ်ပိာ်တ့ၢ်အီၤလၢအမ့ၢ်တၢ်မၤတၢ်ဒဲးဘးဒီးတၢ်သမၢကွံာ် ယၤန့ၣ်လီၤ. ယကမၤကဆှီထီၣ်အဝဲသ့ၣ်န့ၣ်လီၤ. အဝဲသ့ၣ် ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.

လံာ်ဟိၤၡ့ 12:1

တၢ်ခဲလၢာ်လၢကီၢ်အံၣ်စရ့လးအပှၤဂီၢ်မုၢ်မၤဝဲစးထီၣ် လၢဂီၤတုၤလၢဟါန့ၣ်မ့ၢ်တၢ်လၢအဘျုးတအိၣ်ဘၣ်ဒီးတၢ်ဟးဂီၤ န့ၣ်လီၤ. တၢ်လီတၢ်ဝ့ၤဒီးတၢ်စုဆူၣ်ခီၣ်တကးအတၢ်ဖံးတၢ်မၤတဖၣ် အါထီၣ်ဝဲလၢအဝဲသ့ၣ်အကျါလီၤ. အဝဲသ့ၣ်မၤလံာ်ဃံၤဃာ်ဒီးကီၢ်အၤ ၡူၢ်ဒီးမၤတၢ်ကူၣ်ဖံးကူၣ်မၤဒီးကီၢ်အဲၤကူပတူးန့ၣ်လီၤ.

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ဟိၤၡ့ 2:17

ယတပျဲအဝဲကိးထီၣ်ကဒီးဘဧၤလးအမံၤနီတဘျီလၢၤဘၣ်.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ဟိၤၡ့ 5:13

ဖဲကီၢ်အံၣ်စရ့လးထံၣ်ဝဲလၢအဘၣ်ဆူးဘၣ်ဆါ ဒ်လဲၣ်ဒီးကီၢ်ယူဒၤထံၣ်အတၢ်ပူၤလီၢ်ပူၤကျဲဒၣ်ဝဲတဖၣ်န့ၣ် ဒီးကီၢ်အံၣ်စရ့လးလဲၤဝဲဒၣ်ဆူကီၢ်အၤၡူၢ်အအိၣ်လၢကဃ့ တၢ်မၤစၢၤလၢစီၤပၤဖးဒိၣ်အအိၣ်, ဘၣ်ဆၣ်အဝဲဒၣ်ဒုးအိၣ်ဆူၣ်အိၣ်ချ့ထီၣ်အဝဲသ့ၣ်မ့ၢ်ဂ့ၤ, မၤဘျါအဝဲသ့ၣ်အပူၤလီၢ်ပူၤကျဲတဖၣ်မ့ၢ်ဂ့ၤတန့ၢ်ဘၣ်.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

လံာ်ဟိၤၡ့ 8:9

အခိၣ်ကိၤဝဲဒ်ကသ့ၣ်ယီၤအမံၤတဖၣ်အသိး, ကီၢ်အံၣ်စရ့လးအပှၤဂီၢ်မုၢ်လဲၤလၢအကျဲဒၣ်ဝဲန့ၣ်လီၤ. အဝဲသ့ၣ်ဟးထီၣ်ဒ်သိးကလဲၤဃုတၢ်မၤစၢၤလၢကီၢ်အၤၡူၢ်, ဒီးဟ့ၣ်တၢ်ဆူပှၤကလုာ်ဂၤတဖၣ်လၢကကဟုကယာ်အဝဲ သ့ၣ်အဂီၢ်န့ၣ်လီၤ.

လံာ်ယိၤနါ 2:10

တုၤနုၤတစု, ယွၤမၤလိာ်ညၣ်, ဒီးညၣ်န့ၣ်ဘှိးထီၣ်ကွံာ်စီၤယိၤနါဆူ ထံကၢၢ်ခိၣ်န့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယိၤဟၣ် 14:18

ယတပာ်လီၤတဲာ်သုထဲသုကစၢ်ဒၣ်သုဝဲဘၣ်. ယကဟဲက့ၤကဒါက့ၤဆူသုအိၣ်န့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.