လံာ်ဟိၤၡ့ 13:7 - Sgaw Karen Common Bible

⁷ လၢတၢ်န့ၣ်အဃိ, ယအ့ၣ်ဖှီနၤဒ်ခ့ယုၢ်တဒုအသိးလီၤ. ဒ်ခ့စံာ်ပိၣ်တဒုအသိးန့ၣ်ယကခိးမံလီၤခူသူၣ်တၢ်လၢနကျဲပူၤန့ၣ်လီၤ.

လံာ်ဟိၤၡ့ 13:7 Iomraidhean Croise

လံာ်စီၤယိၤဘး 10:16

ယမ့ၢ်အိၣ်ဒီးတၢ်မၤနၢၤတမံၤမံၤန့ၣ်ဒီးနခိးခးယၤဒ်ခ့ယုၢ် တဒုသိး, ဒီးလၢနကခိးခးယၤအဂီၢ်နမၤတၢ်လီၤလးတဖၣ်ဒၣ်လဲာ် န့ၣ်လီၤ.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယံးရမံယၤ 25:38

ယွၤလဲၤသဒၣ်ကွံာ် အပှၤဂီၢ်မုၢ်လီၤဂာ်ဒ် ခ့ယုၢ်တဒုပာ်လီၤတဲာ် ကွံာ်အလၢၢ်ကအိပူၤအသိးန့ၣ်လီၤ. တၢ်ဒုးတၢ်ယၤ အတၢ်လီၤပျံၤလီၤ ဖုးတဖၣ်ဒီး ယွၤအတၢ်သးကဲၤထီၣ်ဆူန့ၣ်, ဒုးကဲထီၣ်ထံဧိၤ ကီၢ်ဧိၤဆူ မဲးမုၢ်ခိၣ်တတီၤလံ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်သးသယုၢ်တၢ် 3:10

အဝဲအိၣ်ခိးခူသူၣ်ယၤဒ်တၤသူအသိး, စံၣ်ပှီၤယၤဒ်ခ့ယုၢ်တ ဒုအသိးန့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 3:4

တၢ်လၢကဖီၣ်မၤသံအီၣ်ဝဲမ့ၢ်တအိၣ်ဘၣ်ဒီးခ့ယုၢ် ကကညီၤထီၣ်လၢသ့ၣ်ပှၢ်ကျါစ့ၢ်ကီးဧါ. ခ့ယုၢ်ဖိမ့ၢ်တဖီၣ်န့ၢ်ဘၣ်တၢ်ဘၣ်ဒီးကမၤသီၣ်ထီၣ်တၢ်လၢအတဝၢ ပူၤစ့ၢ်ကီးဧါ.

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.