လံာ်ဟိၤၡ့ 13:6 - Sgaw Karen Common Bible

⁶ ဘၣ်ဆၣ်ဖဲနနုာ်လီၤဆူကီၢ်လၢအဂ့ၤဝဲအပူၤန့ၣ်, နဘျဲးအီၣ်ဘျဲးအီဒီးသးမံနဲဒၣ်, ဒီးနသးထီၣ်ထီနဲဒီးသးပ့ၤနီၣ်ကွံာ်ယၤန့ၣ်လီၤ.

လံာ်ဟိၤၡ့ 13:6 Iomraidhean Croise

လံာ်စီၤနဃ့မယၤ 9:35

လၢနတၢ်ဆိၣ်ဂ့ၤဆိၣ်ဝါအပူၤန့ၣ်စီၤပၤတဖၣ်ပၢဘၣ် နပှၤဂီၢ် မုၢ် ဖဲအဝဲသ့ၣ်အိၣ်ဆိးတ့ၢ်လၢထံကီၢ်လၢအလဲၢ်, ဒီးပှဲၤဒီးဟီၣ်ခိၣ်ညၣ်ထ့ၣ်လၢနဟ့ၣ်အဝဲသ့ၣ်အပူၤန့ၣ်လီၤ. ဘၣ်ဆၣ်အဝဲသ့ၣ်တဃၣ်က့ၤအသးလၢတၢ်ဒဲးဘးဒီးမၤနတၢ်မၤန့ၣ်ဘၣ်.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယၡါယၤ 17:10

ကီၢ်အံၣ်စရ့လးဧၢ, နသးပ့ၤနီၣ်ကစၢ်ယွၤလၢအအုၣ်က့ၤခီၣ် က့ၤနၤဒီးဒီဒၣ်အိၣ်ပှိၤနၤဒ်လၢၢ်မုၢ်လ့တီလၢအဂံၢ်ဆူၣ်ဘါဆူၣ် တဖျၢၣ်အသိးန့ၣ်လီၤ. အခိၣ်တလိာ်, နသူၣ်လီၤဖီကရၢၢ်စီဆှံ တဖၣ်လၢနကဘူၣ်ထီၣ်ဘါထီၣ်တခီဘီမုၢ်အကစၢ်အဂီၢ်လီၤ.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယဃ့းစက့လး 23:35

“ခဲကနံၣ်အံၤ, တၢ်အံၤမ့ၢ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ် စံးဝဲဒၣ်န့ၣ်လီၤ.” လၢနသးပ့ၤနီၣ်ကွံာ်ယၤဒီးဃၣ်ဒူချၢနသးလၢယၤအဃိဒီးနကတူၢ် ဘၣ်တၢ်လၢနတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤအဃိန့ၣ် လီၤ.

လံာ်ယဃ့းစက့လး 28:5

နမၤပနံၣ်တၢ်ကၤအတၢ်မၤအိၣ်ဒီးတၢ်သးဆး, တၢ်ပ့ၢ်တၢ်ဆှါဒီး နမၤအါထီၣ်နတၢ်စုလီၢ်ခီၣ်ခိၣ်ကွ့ၢ်ကွ့ၢ်န့ၣ်လီၤ. နပာ်ထီၣ်ထီနသးလၢ နတၢ်ထူးတၢ်တီၤတဖၣ်အဃိဒိၣ်မးလဲၣ်.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်ဟိၤၡ့ 2:7

အဝဲကဃ့ၢ်လူၤပိာ်ပှၤလၢအအဲၣ်ဝဲသ့ၣ်တဖၣ်အခံ, ဘၣ်ဆၣ်တချုးန့ၢ်ဝဲဘၣ်. ကဃုအဝဲသ့ၣ်တဖၣ်, ဘၣ်ဆၣ်တထံၣ်န့ၢ်ဘၣ်ဝဲဘၣ်. အန့ၣ်ဒီးအဝဲကစံးဝဲ, ယကက့ၤကဒါက့ၤဆူယဝၤအခီၣ်ထံးတဂၤအအိၣ်လီၤ. အဂ့ၢ်ဒ်အံၤ, အကတီၢ်ဖဲန့ၣ်ဂ့ၤန့ၢ်ဒံးအကတီၢ်ခဲအံၤလၢယဂီၢ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်ဟိၤၡ့ 4:7

ထဲသိးဒီးသုပှၤလုၢ်တၢ်အခိၣ်တဖၣ်အါထီၣ်ဝဲအသိးန့ၣ်သုတၢ် ဒဲးဘးထီဒါယၤအါထီၣ်ဝဲလီၤ. ဒီးလၢတၢ်န့ၣ်အဃိ ယကဘိးကဒါကွံာ်သုလၤကပီၤဆူတၢ်မဲာ်ဆှးန့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:18

အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.