လံာ်ဟိၤၡ့ 13:4 - Sgaw Karen Common Bible

⁴ ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်ဟိၤၡ့ 13:4 Iomraidhean Croise

လံာ်စီၤပၤခံဘ့ၣ်တဘ့ၣ် 18:35

ထံကီၢ်တဖၣ်န့ၣ်အကစၢ်တဖၣ်တဂၤဂၤမၤပူၤဖျဲးတ့ၢ်အထံကီၢ်လၢ စီၤပၤဖးဒိၣ်အစုပူၤတစုစုအခါဖဲလဲၣ်. လၢတၢ်န့ၣ်အဃိမ့ၢ်တၢ်မနုၤဒုးဆိကမိၣ်သုလၢယွၤအုၣ်က့ၤခီၣ် က့ၤဝ့ၢ်ယရူၤရှလ့ၣ်သ့ဝဲန့ၣ်လဲၣ်.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဟိၤၡ့ 12:10

ယကတိၤတၢ်ဒီးဝံတဖၣ်ဒီးဟ့ၣ်တ့ၢ်အဝဲသ့ၣ်လၢတၢ်ထံၣ်လၢညါခီ တဖၣ်အါမးဒီးခီဖျိဝံတဖၣ်န့ၣ်, ယဟ့ၣ်ပလီၢ်တ့ၢ်ယပှၤဂီၢ်မုၢ်လီၤ.

လံာ်ဟိၤၡ့ 12:9

ဘၣ်ဆၣ်ယၤ, ယွၤ, သုကစၢ်ယွၤလၢအဒုးဟးထီၣ်တ့ၢ်သုလၢကီၢ်အဲၤ ကူပတူးအပူၤ, ယကဒုးအိၣ်ကဒီးသုလၢဒဲတဖၣ်အပူၤ, ဒ်သုမၤတ့ၢ်အီၤဖဲယဟဲဆူသုအိၣ်လၢပှၢ်မုၢ်ကနၢအပူၤအခါန့ၣ်လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်ယိၤနါ 2:10

တုၤနုၤတစု, ယွၤမၤလိာ်ညၣ်, ဒီးညၣ်န့ၣ်ဘှိးထီၣ်ကွံာ်စီၤယိၤနါဆူ ထံကၢၢ်ခိၣ်န့ၣ်လီၤ.

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”