လံာ်ဟိၤၡ့ 13:3 - Sgaw Karen Common Bible

³ လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်ဟိၤၡ့ 13:3 Iomraidhean Croise

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

လံာ်စီၤယိၤဘး 30:15

ယဘၣ်တၢ်မၤနၢၤယၤလၢတၢ်ပျံၤတၢ်ဖုး, ယလၤယကပီၤ လီၤမၢ်ကွံာ်ဒ်ကလံၤအူဒံကွံာ်ဖ့အသိးဒီးယတၢ်အိၣ်ဘီၣ်အိၣ် ညီဟးမၢ်ကွံာ်ဒ်တၢ်အၢၣ်အသိးန့ၣ်လီၤ.

စံးထီၣ်ပတြၢၤ 1:4

ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 68:2

ဒ်မ့ၣ်အူလုၣ်ဒံကွံာ်အသိးန့ၣ်ဟီထီၣ်ကွံာ်အဝဲသ့ၣ်, ဒီးဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤဟးဂီၤကွံာ်လၢ ကစၢ်ယွၤအမဲာ်ညါန့ၣ်တက့ၢ်.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်စဖါနယၤ 2:2

တချုးလၢသုဘၣ်တၢ်တြူာ်ကွံာ်သုဒ်ဖ့လၢကလံၤအူဒံကွံာ်အသိး, တချုးလၢယွၤအတၢ်သးကဲၤထီၣ်လီၤဘၣ်လၢသုလိၤ, တချုးလၢအပာ်ဖျါထီၣ်အတၢ်သးကဲၤထီၣ်ဒံးဘၣ်န့ၣ်တက့ၢ်.

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.