လံာ်ဟိၤၡ့ 13:16 - Sgaw Karen Common Bible

¹⁶ ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်ဟိၤၡ့ 13:16 Iomraidhean Croise

လံာ်စီၤပၤခံဘ့ၣ်တဘ့ၣ် 15:16

ဖဲစီၤမနၤဃ့ၣ်လဲၤတၢ်လၢကျဲလၢဝ့ၢ်တံးရစၢ်အခါန့ၣ်အဝဲမၤ ဟးဂီၤကွံာ်ဝ့ၢ်တံဖစၤဒီးပှၤအိၣ်ဆိးလၢဝ့ၢ်ပူၤခဲလၢာ်ဒီး လီၢ်ကဝီၤလၢအအိၣ်ဝးတရံးအီၤ, လၢာ်လၢာ်ဆ့ဆ့, မ့ၢ်လၢဝ့ၢ်န့ၣ်တဟ့ၣ်လီၤအသးလၢအစုပူၤဘၣ်အဃိန့ၣ်လီၤ. အဝဲဖှဲးသ့ၣ်ဖးဒၣ်လဲာ်ကယဲၢ်ပိာ်မုၣ်လၢအဒၢတဖၣ်အဟၢဖၢန့ၣ် လီၤ.

လံာ်စီၤပၤခံဘ့ၣ်တဘ့ၣ် 17:18

ယွၤအသးဒိၣ်ထီၣ်ပှၤအံၣ်စရ့လးဖိတဖၣ်ဒီးဟီထီၣ်ကွံာ်အဝဲသ့ၣ် လၢအမဲာ်ညါ, ပာ်တ့ၢ်ဒၣ်ထဲကီၢ်ယူဒၤအဘီအမုၢ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:5

ဝံၤဒီးစီၤၡၤလမၤန့စ့ၢ်နုာ်လီၤဒုးကီၢ်အံၣ်စရ့လးဒီး ကဝီၤဃးၡၤမရံန့ၣ်လီၤ. လၢတၢ်ကဝီၤဃးသၢနံၣ်တနံၣ်အပူၤ,

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 17:3

ကီၢ်အံၣ်စရ့လးအတိာ်ဧိၤတာ်ဧိၤတအိၣ်လၢၤဘၣ်ဒီးဝ့ၢ်ဒၤမ့ၤစ့း အတၢ်သဘျ့ကလီၤမၢ်ကွံာ်န့ၢ်အီၤလီၤ. ပှၤစူၤရံဖိတဖၣ်လၢအအိၣ်မူတ့ၢ်ဒံးဝဲန့ၣ်ကအိၣ်လၢတၢ်မဲာ်ဆှးအပူၤဒ် ပှၤအံၣ်စရ့လးဖိတဖၣ်အသိးလီၤ. ယၤ, ယွၤသ့တၢ်လၢာ်ကစၢ်ကတိၤလံ တၢ်လံ.”

လံာ်ယၡါယၤ 8:4

တချုးဖိသၣ်ပိာ်ခွါအံၤသ့ၣ်ညါကိးထီၣ်, မိမိၢ်ဒီး ပါပၢ်ဒံးဘၣ်န့ၣ်, ဝ့ၢ်ဒၤမ့ၤစ့းအတၢ်ထူးတၢ်တီၤခဲလၢာ် ဒီးကီၢ်ၡၤမရံအတၢ်ဂုာ်ဆူၣ်ပျီဆူၣ်ခဲလၢာ်ကဘၣ်တၢ်စိာ်ကွံာ်အီၤ လၢကီၢ်အၤၡူၢ်အစီၤပၤန့ၣ်လီၤ.”

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်ဟိၤၡ့ 11:6

တၢ်ဒုးတၢ်ယၤကအိၣ်ထီၣ်သကုၤအဝ့ၢ်တဖၣ်ဒီးမၤလီၤပှီၢ်ကွံာ်ဝ့ၢ် အတြဲၤဖးဒိၣ်တဖၣ်န့ၣ်လီၤ. တၢ်န့ၣ်ကမၤဟးဂီၤယပှၤဂီၢ်မုၢ်, မ့ၢ်လၢအဝဲသ့ၣ်မၤတၢ်လၢအဆိကမိၣ်ဝဲအမ့ၢ်တၢ်အဂ့ၤကတၢၢ် အဃိန့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 3:9

ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်မံကၤ 1:4

တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.