လံာ်ဟိၤၡ့ 13:15 - Sgaw Karen Common Bible

¹⁵ ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ဟိၤၡ့ 13:15 Iomraidhean Croise

လံာ်တၢ်ကဲထီၣ်အခီၣ်ထံး 41:23

ဝံၤဒီးဘုစဲၤနွံစဲၤဟဲပျိာ်ထီၣ်, အဖျၢၣ်သွံးဒီးဃ့ထီ ကွံာ်လၢမုၢ်ထီၣ်ကလံၤ,

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 41:6

ဝံၤဒီးဘုအဂၤအစဲၤနွံစဲၤပျိာ်ထီၣ်, သွံးဒီးဃ့ထီကွံာ်ဝဲ လၢမုၢ်ထီၣ်ကလံၤအဃိ,

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 49:22

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ.

လံာ်စီၤယိၤဘး 18:16

အဂံၢ်ဒီးအဒ့တဖၣ်လီၤညွံးဒီးဃ့ထီကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 1:4

ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

လံာ်ယၡါယၤ 14:21

မ်တၢ်မၤသံတၢ်စးထီၣ်တက့ၢ်. စီၤပၤအံၤအဖိခွါတဖၣ်ကဘၣ် သံလၢအမိၢ်ပၢ်ဖံဖုတဖၣ်အတၢ်ဒဲးဘးအဃိလီၤ. အဝဲသ့ၣ်တပၢဘၣ်ဟီၣ်ခိၣ်ဒီးကးဘၢအီၤလၢဝ့ၢ်တဖၣ်နီတဂၤ နီတစုဘၣ်.”

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်ယံးရမံယၤ 4:11

တၢ်ဆၢကတီၢ်ဟဲတုၤလံဝဲ, ဖဲဝ့ၢ်ယရူၤၡလ့ၣ်အပှၤဂီၢ်မုၢ်တဖၣ် ကဘၣ်တၢ်စံးဘၣ်တဲဘၣ်အီၤလၢ, ကလံၤကိၢ်သွၣ်ကိၢ်ဘီတခါ ကဟဲအူနုာ်လၢမဲးမုၢ်ခိၣ်တခီဆူအဝဲသ့ၣ်အအိၣ်န့ၣ်လီၤ. တမ့ၢ်ဘၣ်ကလံၤကပုာ်လုာ်ဖိတခါလၢအအူဒံကွံာ်ဒၣ်ထဲဘုဖ့ဧိၤန့ၣ်ဘၣ်.

လံာ်ယံးရမံယၤ 4:12

ကလံၤလၢအဟဲဝဲလၢယွၤအတၢ်ခါလီၤအကလုၢ်အဃိအံၤ ကဆူၣ်န့ၢ်ဒံးတၢ်န့ၣ်, န့ၣ်လီၤ. ပှၤလၢအကိးထီၣ်တၢ်စံၣ်ညီၣ်လၢ အပှၤဂီၢ်မုၢ်အဖီခိၣ်န့ၣ်မ့ၢ်ယွၤအကစၢ်ဒၣ်ဝဲန့ၣ်လီၤ.

လံာ်ယံးရမံယၤ 51:1

ယွၤစံးဝဲဒၣ်, “ယဟဲစိာ်ကလံၤမၤဟးဂီၤတၢ်ထီဒါ ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 51:36

မၤသးဒ်န့ၣ်ဒီး, ယွၤစံးဘၣ်ဝ့ၢ်ယရူၤရှလ့ၣ်အပှၤဂီၢ်မုၢ်, “ယကဟံးထီၣ်သုကွီၢ်, ဒီးမၢသုဒုၣ်သုဒါဟ့ၣ်ဆၢက့ၤတၢ် အပှ့ၤလၢတၢ်လၢအဝဲသ့ၣ်မၤဘၣ်တ့ၢ်သုအဂီၢ်န့ၣ်လီၤ. ယကမၤလီၤသံးကွံာ် ဝ့ၢ်ဘၤဘူၤလိၣ်အထံဟဲထီၣ် အဂံၢ်ထံးဒီး မၤဃ့ထီကွံာ်အထံကျိတဖၣ်န့ၣ်လီၤ.

လံာ်ယဃ့းစက့လး 17:10

မ့ၢ်. စပံးမုၢ်အံၤဘၣ်တၢ်သူၣ်လီၤတ့ၢ်အီၤလံ. ဘၣ်ဆၣ်မ့ၢ် ကမူဒီးဒိၣ်ထီၣ်ကစီဒီဧါ. ဖဲမုၢ်ထီၣ်အကလံၤအူဘၣ်အီၤဒီး, မ့ၢ်အတလီၤညွံးလီၤဘဲကွံာ်ဘၣ်ဧါ. ဖဲအဒိၣ်ထီၣ်အဝဲအလီၢ်န့ၣ် မ့ၢ်အတဃ့ထီကွံာ်ဘၣ်ဧါ.”

လံာ်ယဃ့းစက့လး 19:12

ဘၣ်ဆၣ်တၢ်သးဒိၣ်အစုတဖၣ်ထဲးထီၣ်ကွံာ်အီၤလၢအဂံၢ် တဖၣ်ဒီးတ့ၢ်လီၤကွံာ်အီၤဆူဟီၣ်ခိၣ်လိၤန့ၣ်လီၤ. မုၢ်ထီၣ်အကလံၤမၤဃ့ထီကွံာ်အသၣ်န့ၣ်လီၤ. အဒ့တဖၣ်ကၢ်ကွံာ်ဝဲ, ဃ့ထီကွံာ်ဒီးဘၣ်တၢ်ဒွဲၣ်ကွံာ်အီၤန့ၣ်လီၤ.

လံာ်ဒၤနံးယ့လး 11:8

ကဟဲစိာ်ကဒါက့ၤဝဲအကစၢ်တဖၣ်အက့ၢ်အဂီၤတဖၣ်, ထူဒီးစ့အပီးအလီတဖၣ်လၢတၢ်လုၢ်ထီၣ်တ့ၢ်အီၤဆူအကစၢ် တဖၣ်န့ၣ်, ဆူကီၢ်အဲၤကူပတူးလီၤ. ဒီးလၢတၢ်ဃူတၢ်မုာ်အိၣ်ဝဲတဘျုးနံၣ်အလီၢ်ခံ

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်ဟိၤၡ့ 4:19

အဝဲသ့ၣ်ကဘၣ်တၢ်စိာ်ကွံာ်အီၤလၢကလံၤဒီးအဝဲ သ့ၣ်ကဒိးဘၣ်တၢ်မဲာ်ဆှးလၢအတၢ်တစူၢ်တနာ်ယွၤအတၢ်လုၢ်တၢ်ပာ် တဖၣ်အဃိန့ၣ်လီၤ.

လံာ်ဟိၤၡ့ 9:11

ကီၢ်အံၣ်စရ့လးအတၢ်ဒိၣ်တၢ်မုၢ်ကယူၤကွံာ်ဒ်ထိၣ် တဘ့ၣ်အသိးဒီးဖိတဖၣ်တအိၣ်ဖျဲၣ်ထီၣ်လၢအဂီၢ်လၢၤဘၣ်. ပိာ်မုၣ်တဖၣ်တအိၣ်ဟုးအိၣ်သးထီၣ်လၢၤဘၣ်ဒီးဖိသၣ်တဖၣ် တဘၣ်တၢ်ဒၢထီၣ်အီၤလၢၤဘၣ်.

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်နၤဃူၣ် 2:9

ဂုာ်န့ၢ်စ့, ဂုာ်န့ၢ်ထူတက့ၢ်. ဝ့ၢ်အံၤပှဲၤဝဲဒီးတၢ်ထူးတၢ်တီၤလီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”