လံာ်ဟိၤၡ့ 13:10 - Sgaw Karen Common Bible

¹⁰ နဃ့စီၤပၤတဂၤဒီးပဒိၣ်ပပှၢ်တဖၣ်ဘၣ်ဆၣ်, အဝဲသ့ၣ်မၤပူၤဖျဲးပှၤတကလုာ်ကသ့ဒ်လဲၣ်.

လံာ်ဟိၤၡ့ 13:10 Iomraidhean Croise

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

စံးထီၣ်ပတြၢၤ 89:18

နဲဒၣ်ယွၤဧၢ, နဃုထၢပှၤ, ဒီဒၣ်အိၣ်ပှိၤပှၤ, နဲဒၣ်အံၣ်စရ့လးအကစၢ်ယွၤစီဆှံဧၢ, ဟ့ၣ်ပှၤပစီၤပၤတ က့ၢ်.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 43:15

ယမ့ၢ်ယွၤ, သုကစၢ်ယွၤစီဆှံတဂၤလီၤ. ကီၢ်အံၣ်စရ့လးဧၢ, ယတ့လီၤပာ်လီၤနၤဒီး ယမ့ၢ်နစီၤပၤလီၤ.”

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ဟိၤၡ့ 10:3

တယံာ်ဘၣ်ဒီးပှၤဂီၢ်မုၢ်တဖၣ်အံၤကစံးဝဲ, ပတအိၣ်လၢၤဒီးစီၤပၤနီတဂၤဘၣ်. မ့ၢ်လၢပတအိၣ်ဒီးတၢ်ပျံၤယွၤအဃိန့ၣ်လီၤ. ဘၣ်ဆၣ်စီၤပၤတဂၤမၤတၢ်မနုၤလၢပဂီၢ်ကသ့တမံၤလဲၣ်.

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ဟိၤၡ့ 7:7

လၢအတၢ်သးထီၣ်ကိၢ်လူးထီၣ်အပူၤန့ၣ်, အဝဲသ့ၣ်မၤသံကွံာ် အပှၤပၢတၢ်တဖၣ်လီၤ. အဝဲသ့ၣ်အစီၤပၤတဖၣ်ဘၣ်တၢ်မၤသံကွံာ်အီၤတဂၤဘၣ်တဂၤ, ဘၣ်ဆၣ်ပှၤတဃ့ဘါထုကဖၣ်ဆူယအိၣ်လၢတၢ်မၤစၢၤအဂီၢ်နီတဂၤဘၣ်.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:7

ဒီးယွၤစံးဘၣ်အီၤ, “ဒိကနၣ်တၢ်ကိးမံၤဒဲးလၢပှၤဂီၢ်မုၢ် စံးဘၣ်နၤတက့ၢ်. ပှၤတဂၤလၢအဝဲသ့ၣ်သမၢဂ့ၢ်လိာ်အီၤန့ၣ်တမ့ၢ်နၤဘၣ်. ယမ့ၢ်ပှၤတဂၤလၢအဝဲသ့ၣ်သမၢဂ့ၢ်လိာ်အီၤဒ်အစီၤပၤအသိးန့ၣ် လီၤ.