လံာ်ဟိၤၡ့ 12:2 - Sgaw Karen Common Bible

² ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်ဟိၤၡ့ 12:2 Iomraidhean Croise

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

စံးထီၣ်ပတြၢၤ 78:36

ဘၣ်ဆၣ်ဒီးအဝဲသ့ၣ်လီန့ၢ်အီၤလၢအထးခိၣ်, ဒီးကတိၤကဘျံးကဘျၣ်တၢ်ဒီးအီၤလၢအပျ့ၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:15

ပဟးထီၣ်ကွံာ်လၢဟီၣ်ခိၣ်အံၤဒ်ပဟဲနုာ်လီၤအသိး, တၢ်တအိၣ်ဒီးပှၤနီတမံၤဘၣ်န့ၣ်လီၤ. ပမၤတၢ်ထဲထဲအံၤသနာ်က့, တၢ်တအိၣ်နီတမံၤလၢပကက့ၤစိာ်ဃုာ်ဒီးပှၤန့ၣ်ဘၣ်.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 24:21

တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယံးရမံယၤ 25:31

ဒီးတၢ်အသီၣ်ကဟူကဒါက့ၤ တုၤလၢဟီၣ်ခိၣ် အကတၢၢ်န့ၣ်လီၤ. ယွၤအိၣ်ဒီး အကွီၢ်ထီဒါပှၤကလုာ်တဖၣ်လီၤ. အဝဲကဟဲစိာ်ပှၤဂီၢ်မုၢ်ခဲလၢာ်ဆူ ကွီၢ်ဘျီၣ်ပူၤ ဒီးစံၣ်ညီၣ်ပှၤအအၢအသီတဖၣ်လၢ တၢ်သံန့ၣ်လီၤ. ယွၤကတိၤလံတၢ်လံၤ.”

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်ဟိၤၡ့ 4:9

သုကတူၢ်ဘၣ်တၢ်စံၣ်ညီၣ်တမံၤဃီဒ်ပှၤဂီၢ်မုၢ်အသိး, ယကစံၣ်ညီၣ်သုဒီးယကမၢသုဟ့ၣ်တၢ်အပှ့ၤလၢတၢ်အၢတၢ် သီလၢသုမၤအဂီၢ်န့ၣ်လီၤ.

လံာ်ဟိၤၡ့ 7:1

တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ဟိၤၡ့ 7:2

ယကသ့ၣ်နီၣ်ထီၣ်တၢ်အၢတၢ်သီတဖၣ်အံၤလီၤန့ၣ်, အဝဲသ့ၣ်တဆိကမိၣ်ထီၣ်ဝဲနီတဘျီဘၣ်. မ့မ့ၢ်အဝဲသ့ၣ်အတၢ်ဒဲးဘးတဖၣ်အိၣ်ကဝီၤဃးအဝဲသ့ၣ်, ဒီးအိၣ်လၢယမဲာ်ညါတထံၣ်ဃီလီၤ.

လံာ်ဟိၤၡ့ 8:10

ဘၣ်ဆၣ်ခဲကနံၣ်အံၤယကပာ်ဖှိၣ်အဝဲသ့ၣ်ခဲလၢာ်ဒီးစံၣ်ညီၣ် အဝဲသ့ၣ်တဖၣ်လီၤ. တယံာ်ဘၣ်ဒီးအဝဲသ့ၣ်ကဝံာ်ပကံးအသးလၢတၢ်ဆူးတၢ်ဆါအပူၤဖဲ ကီၢ်အၤၡူၢ်အစီၤပၤဖးဒိၣ်မၤနးမၤဖှီၣ်အီၤအခါန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 8:9

အခိၣ်ကိၤဝဲဒ်ကသ့ၣ်ယီၤအမံၤတဖၣ်အသိး, ကီၢ်အံၣ်စရ့လးအပှၤဂီၢ်မုၢ်လဲၤလၢအကျဲဒၣ်ဝဲန့ၣ်လီၤ. အဝဲသ့ၣ်ဟးထီၣ်ဒ်သိးကလဲၤဃုတၢ်မၤစၢၤလၢကီၢ်အၤၡူၢ်, ဒီးဟ့ၣ်တၢ်ဆူပှၤကလုာ်ဂၤတဖၣ်လၢကကဟုကယာ်အဝဲ သ့ၣ်အဂီၢ်န့ၣ်လီၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

ရိမ့ၤ 2:6

အဂ့ၢ်ဒ်လဲၣ်န့ၣ်, ကစၢ်ယွၤကဟ့ၣ်ဘျုးပှၤတဂၤဒီးတဂၤဒ်အဝဲမၤ တ့ၢ်တၢ်အသိးန့ၣ်လီၤ.

ကလၤတံ 6:7

သုတလီလီၤသုသးတဂ့ၤ, ပှၤလီကစၢ်ယွၤတန့ၢ်နီတဂၤဘၣ်. ပှၤတဂၤကကူးဘၣ်က့ၤတၢ်ဒ်အဖှံဝဲအသိးလီၤ.