လံာ်ဟိၤၡ့ 12:14 - Sgaw Karen Common Bible

¹⁴ ကီၢ်အံၣ်စရ့လးအပှၤဂီၢ်မုၢ်ထိၣ်ဂဲၤထီၣ်ယွၤ အတၢ်သးထီၣ်နးနးကလဲာ်လီၤ. အဝဲသ့ၣ်ကြၢးဒီးတၢ်သံလၢအဝဲသ့ၣ်အတၢ်ကမၣ်တဖၣ်အဃိလီၤ. ယွၤကစံၣ်ညီၣ်အဝဲသ့ၣ်လၢတၢ်ဒုၣ်ဒွဲၣ်လၢအဝဲသ့ၣ် ဟဲစိာ်အီၤလၢအလိၤအဃိန့ၣ်လီၤ.

လံာ်ဟိၤၡ့ 12:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:16

အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”

လံာ်ယဃ့းစက့လး 18:10

အန့ၣ်ဝံၤဒီး, ပစံးဒၣ်ကလိာ်ပှၤတဂၤအံၤအိၣ်ဒီးအဖိခွါတဂၤလၢ အဂုာ်ဆူၣ်တၢ်ဒီးမၤသံတၢ်, မ့ၢ်ပှၤတဂၤလၢအမၤတၢ်သ့ၣ်တဖၣ်အံၤခဲလၢာ်,

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 33:5

အဝဲအတၢ်သံန့ၣ်မ့ၢ်အတၢ်ကမၣ်ဒၣ်ဝဲမ့ၢ်လၢအဝဲတကနၣ်ဃုာ်ဘၣ် တၢ်ဟ့ၣ်ပလီၢ်အဃိန့ၣ်လီၤ. အဝဲမ့ၢ်ကနၣ်ဃုာ်တၢ်ဟ့ၣ်ပလီၢ်န့ၣ်, အဝဲပူၤဖျဲးသ့ဝဲန့ၣ်လီၤ.

လံာ်ဒၤနံးယ့လး 11:18

တၢ်န့ၣ်အလီၢ်ခံကလဲၤဒုးဝဲထံကီၢ်တဖၣ်လၢပီၣ်လဲၣ်အနံၤဒီး မၤန့ၢ်ဝဲတဘျုးကီၢ်န့ၣ်လီၤ. ဘၣ်ဆၣ်ဒီးသုးခိၣ်လၢတခီထံ တခီကီၢ်တဂၤကမၤဃၣ်ကွံာ်အီၤဒီးကဆိကတီၢ်ကွံာ်အတၢ်ပာ် ဒိၣ်ပာ်ထီအသးန့ၣ်လီၤ. ဒီးဃါမနၤန့ၣ်, ကီၢ်စူၤရံအစီၤပၤကဒိးဘၣ်အတၢ် ပာ်ဒိၣ်ပာ်ထီအသးအဘူးအလဲန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.