လံာ်ဟိၤၡ့ 12:12 - Sgaw Karen Common Bible

¹² ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.

လံာ်ဟိၤၡ့ 12:12 Iomraidhean Croise

လံာ်တၢ်ကဲထီၣ်အခီၣ်ထံး 27:43

ခဲကနံၣ်အံၤ, ဖိခွါဧၢ, မၤဒ်ယစံးဘၣ်နၤအသိးန့ၣ်တက့ၢ်. လဲၤတဘျီဃီဆူယဒီပုၢ်ဝဲၢ်ခွါစီၤလၤဘၣ်အအိၣ်လၢဝ့ၢ်ဟၤရၣ် အပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 30:26

ဟ့ၣ်ယၤယမါတဖၣ်ဒီးယဖိတဖၣ်လၢယမၤန့ၢ်အီၤခီဖျိလၢယမၤနတၢ် လၢအဃိ, ဒီးယကဟးထီၣ်လီၤ. ယမၤတ့ၢ်တၢ်လၢနဂီၢ်ဂ့ၤဝဲအါဝဲဆံးဒိၣ်လဲၣ်န့ၣ်နသ့ၣ်ညါလီၤ.”

လံာ်တၢ်ကဲထီၣ်အခီၣ်ထံး 31:41

တၢ်မၤအသးဒ်န့ၣ်အသိးဖဲယအိၣ်ဒီးနၤအနံၣ်ခံဆံန့ၣ်လီၤ. ဒ်သိးယကဒိးန့ၢ်နဖိမုၣ်ခံဂၤအဂီၢ်ယမၤနတၢ်တဆံလွံၢ်နံၣ်ဒီး လၢနဆၣ်ဖိကီၢ်ဖိအဂီၢ်ယမၤနတၢ်ဃုနံၣ်လီၤ. ဒီးလၢတၢ်အံၤအပူၤဒၣ်လဲာ်နလဲလိာ်ကဒံကဒါယဘူးယလဲ အဘျီတဆံလီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 6:8

ကံးလဧးန့ၣ်မ့ၢ်ဝ့ၢ်တဖျၢၣ်လၢအပှဲၤဒီးပှၤအၢပှၤသီဖိတဖၣ်ဒီး ပှၤမၤသံတၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.