လံာ်ဟိၤၡ့ 11:7 - Sgaw Karen Common Bible

⁷ အဝဲသ့ၣ်ဃၣ်ကပၤကွံာ်အသးသပှၢ်ပှၢ်လၢယအိၣ်လီၤ. အဝဲသ့ၣ်ကဟီၣ်တၢ်ယၢၤတၢ်လၢနီၣ်ယိးဘိလၢအအိၣ်လၢအလိၤအဃိ, ဘၣ်ဆၣ်ပှၤတစိာ်ထီၣ်ကွံာ်ဘၣ်တၢ်န့ၣ်လၢအဝဲသ့ၣ်အလိၤနီတဂၤဘၣ်.

လံာ်ဟိၤၡ့ 11:7 Iomraidhean Croise

စံးထီၣ်ပတြၢၤ 81:11

“ဘၣ်ဆၣ်ယပှၤဂီၢ်မုၢ်တဒိကနၣ်ယကလုၢ်ဘၣ်. အံၣ်စရ့လးတစူၢ်ယၤဘၣ်.

တၢ်ကတိၤဒိ. 14:14

ပှၤအၢပှၤသီတဖၣ်ကဒိးန့ၢ်တၢ်ကြၢးဒီးအီၤလီၤ. ပှၤဂ့ၤပှၤဝါတဖၣ်ကဘၣ်တၢ်ဟ့ၣ်ဘျုးအီၤလၢအတၢ်မၤတဖၣ်အဃိလီၤ.

လံာ်ယၡါယၤ 26:10

နသးကညီၤဘၣ်ပှၤအအၢအသီတဖၣ်ဒၣ်လဲာ်, အဝဲသ့ၣ်တမၤလိန့ၢ်တၢ်အဘၣ်နီတစုဘၣ်. လၢပှၤဂီၢ်မုၢ်အတီအလိၤအကီၢ် တဘ့ၣ်အံၤအပူၤဒၣ်လဲာ်, အဝဲသ့ၣ်မၤဒံးတၢ်ကမၣ်လီၤ. အဝဲသ့ၣ်ဂ့ၢ်လိာ်လၢကသ့ၣ်ညါ ပာ်ကဲနတၢ်ဒိၣ်တၢ်မုၢ်လီၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 3:11

အန့ၣ်ဒီး, ယွၤစံးဘၣ်တဲဘၣ်ယၤလၢ, ကီၢ်အံၣ်စရ့လးမ့ၢ်ဃၣ် ကွံာ်အသးလၢသါအိၣ်ဒၣ်လဲာ်, အဝဲအိၣ်ဖျါဂ့ၤဒိၣ်န့ၢ်ဒံးကီၢ်ယူဒၤ လၢအသးတတီန့ၣ်လီၤ.

လံာ်ယံးရမံယၤ 7:25

စးထီၣ်မုၢ်တနံၤလၢသုမိၢ်ပၢ်ဖံဖုလၢပျၢၤတဖၣ်ဟးထီၣ်ကွံာ်လၢ အဲၤကူပတူးဒီးတုၤလီၤလၢမုၢ်မဆါတနံၤအံၤန့ၣ်, ယဆှၢလီၤ ယခ့ယပှၤ, ဝံတဖၣ်ထီဘိတထံၣ်ဃီဆူသုအိၣ်န့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယံးရမံယၤ 8:5

မ့မ့ၢ်ဒ်န့ၣ်ဒီးယပှၤဂီၢ်မုၢ်သ့ၣ်ဧၢ, ဘၣ်မနုၤအဃိသုဃၣ်ကွံာ် သုသးလၢယၤတအိၣ်ဒီးတၢ်ဃၣ်ကဒါ က့ၤသုသးဆူယအိၣ်နီတစုဘၣ်န့ၣ်လဲၣ်. သုဟံးဃာ်ဖီၣ်ဃာ်သုတၢ် ဂီၤတၢ်ဖီၣ်တဖၣ်ဒီးသုဂ့ၢ်လိာ်လၢသုကဟဲက့ၤကဒါက့ၤဆူ ယအိၣ်န့ၣ်လီၤ.

လံာ်ဟိၤၡ့ 11:2

ဘၣ်ဆၣ်ယကိးအီၤဒံးအါထီၣ်အဝဲဃၣ်ကပၤကွံာ်အသးလၢယၤဒံးဒိၣ် ထီၣ်လီၤ. ယပှၤဂီၢ်မုၢ်လုၢ်ထီၣ်တ့ၢ်တၢ်ဆူဘဧၤလး, အဝဲသ့ၣ်ဆိၣ်ကဲၤထီၣ်တ့ၢ်တၢ်နၢမူဆူတၢ်ဂီၤတၢ်ဖီၣ်တဖၣ်လီၤ.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်ဟိၤၡ့ 4:16

ကီၢ်အံၣ်စရ့လးအပှၤဂီၢ်မုၢ်အခိၣ်ကိၤဝဲထဲသိးကသ့ၣ်လၤတဖၣ်န့ၣ်လီၤ. ယလုၢ်အီၣ်အဝဲသ့ၣ်ဒ်သိဖိတဖၣ်အသိးလၢ တၢ်ပၢၤခိၣ်လၢအပှဲၤဒီးတပံၢ်တမါတဖၣ်အပူၤကသ့ဒ်လဲၣ်.

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.