လံာ်ဟိၤၡ့ 11:4 - Sgaw Karen Common Bible

⁴ ယထုးဃီၤအဝဲသ့ၣ်ဆူယအိၣ်လၢတၢ်သးအိၣ်ဒီးတၢ်အဲၣ်လီၤ. ယထၢထီၣ်အဝဲသ့ၣ်ဒီးစိာ်ထီၣ်အီၤလၢယဘိးပၤ, ယသကူးလီၤယသးဆူအဝဲသ့ၣ်အအိၣ်ဒီးဒုးအီၣ်အဝဲသ့ၣ်အတၢ်လီၤ.

လံာ်ဟိၤၡ့ 11:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:14

ယကမ့ၢ်အဝဲအပၢ်, ဒီးအဝဲကမ့ၢ်ယဖိခွါလီၤ. ဖဲအဝဲမၤကမၣ်တၢ်န့ၣ်ယကစံၣ်ညီၣ်အီၤဒ်ပၢ်တဂၤစံၣ်ညီၣ်အဖိခွါ အသိးန့ၣ်လီၤ.

စံးထီၣ်ပတြၢၤ 105:40

အဝဲသ့ၣ်ဃ့တၢ်, ဒီးယွၤဆှၢလီၤထိၣ်ဘှၢၣ်တဖၣ်, အဝဲဒၣ်ဟ့ၣ်လီၤတၢ်အီၣ်လၢ မူခိၣ်လၢကဒုးဘျဲးအီၣ် အဝဲသ့ၣ်အဂီၢ်လီၤ.

လံာ်တၢ်ဟးထီၣ်ကွံာ် 16:32

ဒီးစီၤမိၤၡ့စံးဝဲဒၣ်, “ယွၤမၤလိာ်ပှၤလၢပကပာ်ဃးကိၣ်မၤ နၤတနီၤလၢပစၢၤပသွဲၣ်လၢခံတဖၣ်အဂီၢ်ဒ်သိးအဝဲသ့ၣ်ကထံၣ်ဘၣ် တၢ်အီၣ်လၢယွၤဟ့ၣ်ဒုးအီၣ်ပှၤလၢပှၢ်မုၢ်ကနၢအပူၤဖဲအထုးထီၣ် ပှၤလၢကီၢ်အဲၤကူပတူးအပူၤန့ၣ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:13

ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”

လံာ်ယိၤဟၣ် 12:32

ဖဲယဘၣ်တၢ်ယူာ်ထီၣ်ယၤလၢဟီၣ်ခိၣ်အံၤဒီး, ယကထုးဖှိၣ်ပှၤခဲလၢာ်ဆူယအိၣ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

လံာ်သိၣ်လီၤသီလီၤတၢ် 32:12

ထဲယွၤတဂၤဧိၤဆှၢအပှၤဂီၢ်မုၢ် တအိၣ်ဘၣ်ဒီးကလုာ်ဂၤအကစၢ်တဂၤအတၢ်မၤစၢၤအီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.