လံာ်ဟိၤၡ့ 11:11 - Sgaw Karen Common Bible

¹¹ အဝဲသ့ၣ်ကဟဲလၢကီၢ်အဲၤကူပတူးတခီချ့ချ့ဒ်ထိၣ်တဖၣ် ယူၤဝဲအသိးဒီးလၢကီၢ်အၤၡူၢ်တခီဒ်ထိၣ်လွံၢ်တဖၣ်အသိးန့ၣ်လီၤ. ယကစိာ်က့ၤကဒီးအဝဲသ့ၣ်ဆူအဟံၣ်တဖၣ်လီၤ. ယၤ, ယွၤအံၤကတိၤလံတၢ်လံ.

လံာ်ဟိၤၡ့ 11:11 Iomraidhean Croise

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 60:8

ကဘီလၢအလဲၤတၢ်ချ့ချ့ဒ်တၢ်အၢၣ်တဖၣ်အသိး, လီၤဂာ်ဒ်ထိၣ်လွံၢ်တဖၣ်လၢအဟဲက့ၤကဒါက့ၤ ဆူဟံၣ်န့ၣ်, မ့ၢ်ကဘီမတၤတဖၣ်လဲၣ်.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 34:28

ပှၤကလုာ်တဖၣ်လၢအတစူၢ်တနာ်ယွၤတဂုာ်ဆူၣ်ပျီဆူၣ်ကဒီး အဝဲသ့ၣ်လၢၤဘၣ်. ဒီးဆၣ်ဖိကီၢ်ဖိအမံၤတဖၣ်တမၤသံဒီး အီၣ်အဝဲသ့ၣ်လၢၤဘၣ်. အဝဲသ့ၣ်ကအိၣ်ဆိးလၢတၢ်ဘံၣ်တၢ်ဘၢ အပူၤ, ဒီးပှၤတမၤပျံၤမၤဖုးအဝဲသ့ၣ်နီတဂၤလၢၤဘၣ်.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ဧိၤဘါဒယၤ 1:17

မ့မ့ၢ်လၢကစၢၢ်စံယိၣ်အလိၤန့ၣ်ပှၤတနီၤကပူၤဖျဲးဝဲဒီးကမ့ၢ်ဝဲ တၢ်လီၢ်စီဆှံလီၤ. ဒီးစီၤယၤကိာ်အပှၤဟံၣ်ဖိကန့ၢ်ဘၣ်က့ၤအထံ အကီၢ်လၢအမ့ၢ်အတၢ်န့ၢ်သါဒၣ်ဝဲန့ၣ်လီၤ.

လံာ်စကၤရယၤ 10:10

ယကဟဲက့ၤစိာ်က့ၤအဝဲသ့ၣ်ဆူဟံၣ်လၢ ကီၢ်အဲၤကူပတူးဒီးကီၢ်အၤၡူၢ်, ဒီးဒုးအိၣ်ဒုးဆိးအဝဲသ့ၣ်လၢအထံအကီၢ် ဒၣ်ဝဲအပူၤန့ၣ်လီၤ. ယကဒုးအိၣ်ဒုးဆိးအဝဲသ့ၣ်လၢကီၢ်ကံးလဧး, ဒီးလၢကီၢ်လဘၤနိၣ်စ့ၢ်ကီး, ဒီးကီၢ်ဒီတဘ့ၣ်ညါကပှဲၤဝဲဒီးပှၤဂီၢ်မုၢ်န့ၣ်လီၤ.

လံာ်စကၤရယၤ 8:7

ယကမၤပူၤမၤဖျဲးယပှၤဂီၢ်မုၢ်လၢကီၢ်တဖၣ်လၢ အဝဲသ့ၣ်ဘၣ်တၢ်လဲၤစိာ်ကွံာ်အီၤ,

လံာ်စကၤရယၤ 8:8

ဒီးဟဲစိာ်ကဒါက့ၤအဝဲသ့ၣ်လၢမုၢ်ထီၣ် ဒီးလၢမုၢ်နုာ်ဒ်သိးကအိၣ်ကဆိးဝဲလၢဝ့ၢ်ယရူၤၡလ့ၣ်အပူၤလီၤ. ဒီးအဝဲသ့ၣ်ကကဲထီၣ်ယပှၤဂီၢ်မုၢ်, ဒီးယကကဲထီၣ်အဝဲသ့ၣ်အကစၢ်ယွၤဒီးပၢအဝဲသ့ၣ်လၢတၢ်သူၣ်တီသး ရၤဒီးတၢ်စံၣ်ညီၣ်တီအပူၤန့ၣ်လီၤ.