လံာ်ဟိၤၡ့ 11:10 - Sgaw Karen Common Bible

¹⁰ ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်ဟိၤၡ့ 11:10 Iomraidhean Croise

လံာ်စီၤယိၤဘး 37:1

ကလံၤမုၢ်မၤစံၣ်ယသးတုၤယသူၣ်ကနိးသးကနိးန့ၣ်လီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

စံးထီၣ်ပတြၢၤ 2:11

မၤယွၤအတၢ်ဒီးတၢ်ပျံၤယွၤ, အိၣ်ဒီးတၢ်ကနိးကစုာ်

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 25:30

နဲဒၣ်, စီၤယံးရမံယၤဧၢ, နကဘၣ်တဲဖျါတၢ်ကိးမံၤဒဲးလၢ ယစံးတ့ၢ်ယဲလီၤ. နဘၣ်တဲဘၣ်ပှၤဂီၢ်မုၢ်တဖၣ်အံၤလၢ, “ယွၤကထုထီၣ်အကလုၢ်လၢမူခိၣ် ဒီးအကလုၢ်ကသီၣ်ထီၣ်ဝဲ ဒ်လီသီၣ်အသိးလၢမူခိၣ် အလီၢ်ထီၣ်ထီတဖၣ်န့ၣ်လီၤ. အဝဲကထုထီၣ်အကလုၢ်ထီဒါ အပှၤဂီၢ်မုၢ်, အဝဲကကိးပသူထီၣ်ဝဲ ဒ်ပှၤတဂၤလၢ အယီၢ်စပံးသၣ်အသိးန့ၣ်လီၤ. ပှၤကိးဂၤဒဲးလၢ ဟီၣ်ခိၣ်ချၢကနၢ်ဟူအီၤ,

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ယံးရမံယၤ 50:4

ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 26:16

ကယဲၢ်ပှၤကလုာ်တဖၣ်လၢ အအိၣ်လၢပီၣ်လဲၣ်နံၤ အစီၤပၤခဲလၢာ်ကဟဲလီၤလၢ အလီၢ်ပစိာ်တဖၣ်န့ၣ်လီၤ. အဝဲသ့ၣ်ကဘ့ၣ်လီၤကွံာ်အဆ့ဖးထီတဖၣ်, ဒီးအကူအသိးလၢအဘၣ်တၢ်ဆးဒဲးကံၣ်ဒဲးဝ့ၤအီၤတဖၣ်ဒီး ကဆ့ၣ်နီၤကနိးကစုာ်လၢဟီၣ်ခိၣ်လိၤန့ၣ်လီၤ. အဝဲသ့ၣ် ကပျံၤတၢ်နးနးကလဲာ်လၢနတၢ်ဘူၣ်တၢ်တီၤအဃိ တုၤဒၣ်လဲာ် အဝဲသ့ၣ်တဆိကတီၢ် ကနိးကစုာ်ဘၣ်န့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 3:4

တၢ်လၢကဖီၣ်မၤသံအီၣ်ဝဲမ့ၢ်တအိၣ်ဘၣ်ဒီးခ့ယုၢ် ကကညီၤထီၣ်လၢသ့ၣ်ပှၢ်ကျါစ့ၢ်ကီးဧါ. ခ့ယုၢ်ဖိမ့ၢ်တဖီၣ်န့ၢ်ဘၣ်တၢ်ဘၣ်ဒီးကမၤသီၣ်ထီၣ်တၢ်လၢအတဝၢ ပူၤစ့ၢ်ကီးဧါ.

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်မံကၤ 4:5

ပှၤတကလုာ်ဒီးတကလုာ်ဘူၣ်ထီၣ်ဘါထီၣ်ဒီးစူၢ်အယွၤဒၣ်ဝဲလီၤ. မ့မ့ၢ်ပဝဲဒၣ်အံၤပကဘူၣ်ထီၣ်ဘါထီၣ်ဒီးစူၢ်ယွၤ ပကစၢ်ယွၤလီၤထူလီၤယိာ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်စကၤရယၤ 10:10

ယကဟဲက့ၤစိာ်က့ၤအဝဲသ့ၣ်ဆူဟံၣ်လၢ ကီၢ်အဲၤကူပတူးဒီးကီၢ်အၤၡူၢ်, ဒီးဒုးအိၣ်ဒုးဆိးအဝဲသ့ၣ်လၢအထံအကီၢ် ဒၣ်ဝဲအပူၤန့ၣ်လီၤ. ယကဒုးအိၣ်ဒုးဆိးအဝဲသ့ၣ်လၢကီၢ်ကံးလဧး, ဒီးလၢကီၢ်လဘၤနိၣ်စ့ၢ်ကီး, ဒီးကီၢ်ဒီတဘ့ၣ်ညါကပှဲၤဝဲဒီးပှၤဂီၢ်မုၢ်န့ၣ်လီၤ.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

လံာ်စကၤရယၤ 8:7

ယကမၤပူၤမၤဖျဲးယပှၤဂီၢ်မုၢ်လၢကီၢ်တဖၣ်လၢ အဝဲသ့ၣ်ဘၣ်တၢ်လဲၤစိာ်ကွံာ်အီၤ,

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

လံာ်လီၣ်ဖျါ 10:3

ဒီးကိးထီၣ်လၢအကလုၢ်ဖးဒိၣ်လၢအသီၣ်လီၤဂာ်ဒီးခ့ယုၢ် တဖၣ်အတၢ်ကညီၤအသီၣ်န့ၣ်လီၤ. ဖဲအဝဲဒၣ်ကိးထီၣ်ဝံၤန့ၣ်, ဘၣ်တၢ်စံးဆၢအီၤလၢလီသီၣ်နွံဘီလီၤ.