လံာ်ဟိၤၡ့ 11:1 - Sgaw Karen Common Bible

¹ ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဟိၤၡ့ 11:1 Iomraidhean Croise

စံးထီၣ်ပတြၢၤ 129:1

အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

လံာ်တၢ်ဟးထီၣ်ကွံာ် 19:4

“သုထံၣ်လံယၤ, ယွၤအံၤမၤတ့ၢ်ပှၤအဲၤကူပတူးဖိတဖၣ်ဒ်လဲၣ် ဒီးယစိာ်ထီၣ်တ့ၢ်သုဒ်သိးလံာ်ကြီကြာ်အမိၢ်တဘ့ၣ်စိာ်အဖိလၢ အဒံးဆ့တဖၣ်အလိၤဒီးဟဲစိာ်သုဆူယအိၣ်ဖဲအံၤဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်ယၡါယၤ 43:4

ယကဟ့ၣ်လီၤကွံာ်ပှၤဒီကလုာ်ခဲလၢာ်ခဲဆ့လၢတၢ်အုၣ်က့ၤခီၣ်က့ၤ နသးသမူအဂီၢ်လီၤ. အဂ့ၢ်ဒ်အံၤ, နမ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်, ဒီးမ့ၢ်စ့ၢ်ကီးလၢယအဲၣ်နၤဒီးဟ့ၣ်နၤတၢ်လၤကပီၤအဃိန့ၣ် လီၤ.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယဃ့းစက့လး 16:22

ဖဲနအိၣ်မူတၢ်အိၣ်မူလီၤသးဘၣ်အၢဒ်ပှၤဃဲသဲမုၣ်တဂၤ အသိးအကတီၢ်န့ၣ်, နတသ့ၣ်နီၣ်ထီၣ်က့ၤနဖိသၣ်အမုၢ်နံၤတဖၣ်နီတဘျီ, ဖဲနအိၣ်ဘ့ၣ်ဆ့ဒီးတလ့ၣ်ကံးကူးနသးလၢနသွံၣ်ဒၣ်နဲအပူၤ အကတီၢ်န့ၣ်ဘၣ်.”

လံာ်ယဃ့းစက့လး 16:6

ဒီးယလဲၤတြူာ်တၢ်ဒီးထံၣ်ဘၣ်နဝံာ်ပကံးနသးလၢနသွံၣ်ဒၣ်နဲအပူၤလီၤ. နဘၣ်တၢ်ကးဘၢနၤလၢတၢ်သွံၣ်, ဘၣ်ဆၣ်ယတပျဲနသံဘၣ်.

လံာ်ဟိၤၡ့ 10:15

ဝ့ၢ်ဘ့ၤသ့လးအပှၤဂီၢ်မုၢ်ဧၢ, တၢ်န့ၣ်မ့ၢ်တၢ်လၢအကဟဲဘၣ်နၤမ့ၢ်လၢတၢ်အၢတၢ်သီလီၤပျံၤလီၤ ဖုးလၢနမၤတ့ၢ်အီၤအဃိန့ၣ်လီၤ. တုၤမ့ၢ်တၢ်ဒုးစးထီၣ်တဘျီဃီန့ၣ်ကီၢ်အံၣ်စရ့လးအစီၤပၤကသံ ဝဲန့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်ဟိၤၡ့ 12:9

ဘၣ်ဆၣ်ယၤ, ယွၤ, သုကစၢ်ယွၤလၢအဒုးဟးထီၣ်တ့ၢ်သုလၢကီၢ်အဲၤ ကူပတူးအပူၤ, ယကဒုးအိၣ်ကဒီးသုလၢဒဲတဖၣ်အပူၤ, ဒ်သုမၤတ့ၢ်အီၤဖဲယဟဲဆူသုအိၣ်လၢပှၢ်မုၢ်ကနၢအပူၤအခါန့ၣ်လီၤ.

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်မၤလကံ 1:2

ဒီးယွၤစံးဘၣ်အပှၤဂီၢ်မုၢ်, “ယအဲၣ်သုထီဘိလီၤ.” ဘၣ်ဆၣ်ဒီးအဝဲသ့ၣ်စံးဆၢဝဲ, “နဒုးနဲၣ်နတၢ်အဲၣ်ပှၤဒ်လဲၣ်.” ယွၤစံးဆၢဝဲ, “စီၤဧ့ၡီၤဒီးစီၤယၤကိာ်မ့ၢ်ပှၤဒီပုၢ်ဝဲၢ်, ဘၣ်ဆၣ်ယအဲၣ်စီၤယၤကိာ်ဒီးအစၢၤအသွဲၣ်တဖၣ်လီၤ.

လံာ်မးသဲ 2:15

အဝဲသ့ၣ်အိၣ်ဝဲဖဲန့ၣ်တုၤစီၤပၤဟ့ၤရိာ်သံတစုလီၤ. အဝဲသ့ၣ်ဘၣ်လဲၤဆူကီၢ်အဲၤကူပတူးမ့ၢ်ဒ်သိးယွၤ အတၢ်ကတိၤခီဖျိဝံတဂၤလၢအစံးဝဲ, “ယကိးန့ၢ်ယဖိခွါလၢကီၢ်အဲၤကူပတူး” ကလၢထီၣ်ပှဲၤထီၣ်ဝဲအဂီၢ်လီၤ(ဟိၤ. ၁၁:၁).

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 7:7

တမ့ၢ်ယွၤအဲၣ်သု, ဒီးဃုထၢသုမ့ၢ်လၢသုနီၣ်ဂံၢ်အါန့ၢ်ဒံး ပှၤအဂၤတဖၣ်အဃိဘၣ်. သုမ့ၢ်ပှၤအဆံးကတၢၢ်တကလုာ် လၢဟီၣ်ခိၣ်ချၢန့ၣ်လီၤ.