လံာ်ဟိၤၡ့ 10:8 - Sgaw Karen Common Bible8 ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ. Faic an caibideil |
လံာ်ဟိၤၡ့ 10:8
32 Iomraidhean Croise
ဒ်ယွၤအတၢ်မၤလိာ်အသိးဝံန့ၣ်ကိးထီၣ်တၢ်စံၣ်ညီၣ်အတၢ်ကတိၤထီ ဒါတၢ်လုၢ်လီၢ်, “တၢ်လုၢ်လီၢ်ဧၢ, တၢ်လုၢ်လီၢ်ဧၢ, အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. ဖိသၣ်တဂၤလၢအမံၤ ကမ့ၢ်စီၤယိၤၡံယၤကအိၣ်ဖျဲၣ်ထီၣ်လၢစီၤဒၤဝံးအဒူၣ်ဖိထၢဖိအပူၤန့ၣ်လီၤ. ပှၤလုၢ်တၢ်အခိၣ်တဖၣ်လၢအလုၢ်ထီၣ်ပာ်ထီၣ်တၢ်အံၤ, လၢအမ့ၢ်ပှၤမၤတၢ်လၢတၢ်ဂီၤတၢ်ဖီၣ်အတၢ်လုၢ်လီၢ်န့ၣ်, အဝဲကမၤသံကွံာ်အီၤလၢနလိၤဒီးအဝဲကဆိၣ်ကဲၤထီၣ်ပှၤကညီ အဃံတဖၣ်လၢနဖီခိၣ်လီၤ.”
စီၤယိၤၡံယၤမၤလီၤပှီၢ်ကွံာ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ် လၢဝ့ၢ်ဘ့ၤသ့လးအပူၤ, လၢအဘၣ်တၢ်ဘှီထီၣ်တ့ၢ်အီၤလၢစီၤနဘးအဖိခွါစီၤပၤယၤရၤ ဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ. စီၤယိၤၡံယၤမၤလီၤပှီၢ်ကွံာ်တၢ်လုၢ်လီၢ်, မၤလီၤကလဲကွံာ်ဝဲအလၢၢ်တဖၣ်ဆူအက့အခီ, ဒီးတိၢ်လီၤကလဲကွံာ်အီၤဆူဖၣ်ကမူၣ်ဖၣ်ဆါန့ၣ်လီၤ. အဝဲဒွဲၣ်အူထီၣ်ကွံာ်စ့ၢ်ကီးအၡ့ရၤအဂီၤန့ၣ်လီၤ.
တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.
လၢအတၢ်လီၢ်စီဆှံတဖၣ်လၢကစၢၢ်ဒီခိၣ်တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်, ဒီးလၢတၢ်လူၢ်ဒီခိၣ်တဖၣ် န့ၣ်အဝဲသ့ၣ်ဆိၣ်ကဲၤတၢ်နၢမူလၢသ့ၣ်သ့ထိးဖၣ်, သ့ၣ်လးဘန့ၤဒီးဃီၤမုၢ်ပျဲၤတဖၣ်လၢအထီဒီးသလၣ်လီၤအသးအဖီ လာ်, မ့ၢ်လၢအတၢ်ကဒုန့ၣ်မုာ်သူၣ်မုာ်သးဒိၣ်မးအဃိလီၤ. လၢတၢ်န့ၣ်အဃိ, သုဖိမုၣ်တဖၣ်မၤတၢ်ဒ်ပှၤဃဲသဲမုၣ်တဖၣ်ဒီးသုဒဲၣ်မုၣ်တဖၣ်မၤ တၢ်မၤကမၣ်မုၣ်ကမၣ်ခွါန့ၣ်လီၤ.
ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.
Sanasan