လံာ်ဟိၤၡ့ 10:7 - Sgaw Karen Common Bible

⁷ တၢ်ကစိာ်ကွံာ်အစီၤပၤဒ်သ့ၣ်အက့တက့လၢထံဖီခိၣ် အသိးန့ၣ်လီၤ.

လံာ်ဟိၤၡ့ 10:7 Iomraidhean Croise

လံာ်စီၤပၤအခီၣ်ထံးတဘ့ၣ် 21:1

လၢစီၤပၤအၤဃာ်အနီလၢဝ့ၢ်ယံးစရ့လးအကပၤန့ၣ်စီၤနၤဘိး အစပံးလီၢ်အိၣ်ဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:3

ဘၣ်ဆၣ်ဒီးယွၤအကလူးတဂၤမၤလိာ်စီၤအ့ၤလံယၤ, ဝံတဂၤလၢဝ့ၢ်တံးၡဘးဒ်သိးကလဲၤသဂၢၢ်စီၤပၤအဃၤစယၤအပှၤစိာ် တၢ်ကစီၣ်တဖၣ်ဒီးသံကွၢ်အဝဲသ့ၣ်, “ဘၣ်မနုၤလၢသုကဘၣ်လဲၤဃ့တၢ်ဟ့ၣ်ကူၣ်လၢပှၤဧ့ကြိၣ်အကစၢ် ဘဧၤလးစဘူာ်န့ၣ်လဲၣ်. မ့ၢ်သုဆိကမိၣ်လၢကစၢ်တအိၣ်ဘၣ်နီတဂၤလၢကီၢ်အံၣ်စရ့လးအပူၤ အဃိန့ၣ်ဧါ.

လံာ်စီၤပၤခံဘ့ၣ်တဘ့ၣ် 15:30

ဖဲစီၤဧူးစံယါအဖိခွါစီၤယိၤသၣ်ပၢတၢ်ဒ်ကီၢ်ယူဒၤအစီၤ ပၤအသိးခံဆံနံၣ်တနံၣ်အပူၤန့ၣ်စီၤအ့လၤအဖိခွါစီၤဟိၤ ၡ့, ကူၣ်တၢ်ထီဒါစီၤပၤပ့ကး, မၤသံကွံာ်အီၤ, ဝံၤဒီးကဲထီၣ်စီၤပၤလၢအဝဲအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

လံာ်ဟိၤၡ့ 10:15

ဝ့ၢ်ဘ့ၤသ့လးအပှၤဂီၢ်မုၢ်ဧၢ, တၢ်န့ၣ်မ့ၢ်တၢ်လၢအကဟဲဘၣ်နၤမ့ၢ်လၢတၢ်အၢတၢ်သီလီၤပျံၤလီၤ ဖုးလၢနမၤတ့ၢ်အီၤအဃိန့ၣ်လီၤ. တုၤမ့ၢ်တၢ်ဒုးစးထီၣ်တဘျီဃီန့ၣ်ကီၢ်အံၣ်စရ့လးအစီၤပၤကသံ ဝဲန့ၣ်လီၤ.

လံာ်ဟိၤၡ့ 10:3

တယံာ်ဘၣ်ဒီးပှၤဂီၢ်မုၢ်တဖၣ်အံၤကစံးဝဲ, ပတအိၣ်လၢၤဒီးစီၤပၤနီတဂၤဘၣ်. မ့ၢ်လၢပတအိၣ်ဒီးတၢ်ပျံၤယွၤအဃိန့ၣ်လီၤ. ဘၣ်ဆၣ်စီၤပၤတဂၤမၤတၢ်မနုၤလၢပဂီၢ်ကသ့တမံၤလဲၣ်.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်ဟိၤၡ့ 13:11

လၢယတၢ်သးဒိၣ်အပူၤန့ၣ်ယဟ့ၣ်လီၤနၤလၢစီၤပၤတဖၣ်ဒီးလၢယတၢ် သးကဲၤထီၣ်အပူၤန့ၣ်ယဟံးထီၣ်ကွံာ်အဝဲသ့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.