လံာ်ဟိၤၡ့ 10:5 - Sgaw Karen Common Bible

⁵ ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 10:5 Iomraidhean Croise

လံာ်စီၤပၤခံဘ့ၣ်တဘ့ၣ် 10:29

ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:5

လၢကီၢ်ယူဒၤအဝ့ၢ်တဖၣ်အပူၤဒီးလၢတၢ်လီၢ်တဖၣ်လၢအအိၣ်ဘူးဒီး ဝ့ၢ်ယရူၤၡလ့ၣ်အပူၤန့ၣ်, အဝဲသုးကွံာ်ပှၤလုၢ်တၢ်အခိၣ်တဖၣ်လၢတၢ်မၤအလီၢ်လၢကီၢ်ယူဒၤ အစီၤပၤဃုထၢပာ်လီၤတ့ၢ်အီၤဒ်သိးကလုၢ်ထီၣ်တၢ်လုၢ်တၢ်ပာ်တဖၣ် ဆူပှၤတစူၢ်တနာ်ယွၤအတၢ်လုၢ်လီၢ်တဖၣ်အဖီခိၣ်, ကယဲၢ်ပှၤလုၢ်တၢ်အခိၣ်တဖၣ်လၢအလုၢ်ထီၣ်တၢ်လုၢ်တၢ်ပာ်တဖၣ်ဆူဘဧၤ လးအအိၣ်, ဆူမုၢ်အအိၣ်, ဆူလါအအိၣ်, ဆူမူဖျၢၣ်တဖၣ်အအိၣ်ဒီးဆူဆၣ်ဧိၤဖီဧိၤတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:8

ခဲကနံၣ်အံၤ, သုကူၣ်ထီၣ်လၢသုကဒုးတၢ်ထီဒါစီၤပၤအတၢ်စိ တၢ်ကမီၤ, လၢယွၤဟ့ၣ်တ့ၢ်စီၤဒၤဝံးအစၢၤအသွဲၣ်တဖၣ်န့ၣ်လီၤ. သုအိၣ်ဒီးသုသုးမုၢ်ဖးဒိၣ်တဖုဒီးသုအိၣ်ဒီးဂီၤဖံးဖါ ထူအဂီၤတဖၣ်လၢစီၤယၤရၤဘၣ်တ့န့ၢ်တ့ၢ်သုဒ်သိးကမ့ၢ်သုကစၢ် တဖၣ်န့ၣ်လီၤ.

လံာ်ယၡါယၤ 46:2

တၢ်ဂီၤတဖၣ်အုၣ်က့ၤခီၣ်က့ၤလီၤအသးတသ့ဘၣ်. အဝဲသ့ၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤလီၤ. အဝဲအံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ.

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဟိၤၡ့ 9:1

ကီၢ်အံၣ်စရ့လးအပှၤဂီၢ်မုၢ်ဧၢ, ပာ်ကတီၢ်သု တၢ်မၤမူးမၤပွဲလၢအလီၤဂာ်ဒ်ပှၤဘါတၢ်ဂီၤတဖၣ်အသိးန့ၣ်တ က့ၢ်. သုဃၣ်ကပၤကွံာ်သုသးလၢသုကစၢ်ယွၤဒီးသု တသူၣ်တီသးရၤတ့ၢ်ဒီးအီၤဘၣ်. လၢကီၢ်ဒီဘ့ၣ်ညါအံၤသုဆါလီၤကွံာ်သုသးဒ် ပှၤဃဲသဲမုၣ်တဖၣ်အသိးဆူကစၢ်ဘဧၤလးအအိၣ်ဒီးသုအဲၣ်တ့ၢ် ဘုခ့လၢသုဆိကမိၣ်လၢအဝဲဟ့ၣ်သုလၢတၢ်ဘူးတၢ်လဲအဂီၢ်န့ၣ် လီၤ.

လံာ်ဟိၤၡ့ 9:11

ကီၢ်အံၣ်စရ့လးအတၢ်ဒိၣ်တၢ်မုၢ်ကယူၤကွံာ်ဒ်ထိၣ် တဘ့ၣ်အသိးဒီးဖိတဖၣ်တအိၣ်ဖျဲၣ်ထီၣ်လၢအဂီၢ်လၢၤဘၣ်. ပိာ်မုၣ်တဖၣ်တအိၣ်ဟုးအိၣ်သးထီၣ်လၢၤဘၣ်ဒီးဖိသၣ်တဖၣ် တဘၣ်တၢ်ဒၢထီၣ်အီၤလၢၤဘၣ်.

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.

မၤတၢ် 19:27

လၢတၢ်န့ၣ်အဃိ, တၢ်လီၤဘၣ်ယိၣ်အိၣ်လၢပတၢ်ဖံးတၢ်မၤတမံၤအံၤအမံၤကဟးဂီၤ န့ၣ်လီၤ. တကးဒံးဘၣ်, တၢ်ဘၣ်ယိၣ်အလီၢ်အိၣ်စ့ၢ်ကီးလၢကစၢ်မုၣ်နီၢ်အၢ်တ့းမံၤလၢ ပှၤခဲလၢာ်ဖဲကီၢ်အၤစံဒီးလၢဟီၣ်ခိၣ်ဒီဘ့ၣ်ဘါအီၤတဂၤအံၤ အတၢ်လုၢ်ဟံၣ်အကါတဒိၣ်လၢၤဘၣ်. ဒီး, အတၢ်မံၤဟူသၣ်ဖျါကလီၤမၢ်ကွံာ်ဝဲဒၣ်န့ၣ်လီၤ.”

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်ပှၤစံၣ်ညီၣ်ကွီၢ် 18:24

စီၤမံၤကါစံးဆၢဝဲဒၣ်, “သုစံးမ့ၢ်အဘၣ်မနုၤလဲၣ်န့ၣ်အခီပညီဒ်လဲၣ်. သုစိာ်ကွံာ်ယပှၤလုၢ်တၢ်အခိၣ်ဒီးကစၢ်တဖၣ်လၢယမၤအီၤဝံၤဒီးသုဟးထီၣ်လီၤ. တၢ်မနုၤအိၣ်တ့ၢ်ဒီးယၤန့ၣ်လဲၣ်.”