လံာ်ဟိၤၡ့ 10:12 - Sgaw Karen Common Bible

¹² ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ဟိၤၡ့ 10:12 Iomraidhean Croise

စံးထီၣ်ပတြၢၤ 105:4

ဃုယွၤဒီးအဂံၢ်အဘါတက့ၢ်. ဃုအမဲာ်တထံၣ်ဃီတက့ၢ်.

စံးထီၣ်ပတြၢၤ 72:6

မ်စီၤပၤကလီၤဂာ်ဒ်တၢ်စူၤလၢအဟဲလီၤလၢ စံာ်ပျီလၢတၢ်ကူးအီၤဝံၤ ဒ်တၢ်သဖှံၣ်လီၤလၢအမၤဘၣ်စီၣ် ဟီၣ်ခိၣ်အသိးန့ၣ်တက့ၢ်.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 18:21

တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 32:20

မ့ၢ်လၢထံအါအါဂီၢ်ဂီၢ်အိၣ်ဝဲလၢတၢ်မုၢ်တၢ်ဘိတဖၣ်အဂီၢ်, ဒီးအီၣ်ဆၣ်အလီၢ်မုာ်အိၣ်ဝဲလၢတၢ်လီၢ်ကိးပူၤဒဲးလၢကသ့ၣ် ယီၤတဖၣ်ဒီးဂီၤဘုၣ်ဂီၤဖံးတဖၣ်အဂီၢ်အဃိန့ၣ်ပှၤကိးဂၤဒဲး ကသးခုဝဲထဲလဲၣ်.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 45:8

ယကဟ့ၣ်လီၤတၢ်မၤနၢၤလၢမူခိၣ်ဒ်တၢ်စူၤထံအသိးလီၤ. ဟီၣ်ခိၣ်ကအိးထီၣ်အသးလၢကတူၢ်လိာ်တၢ်အံၤ, ဒီးဘိၣ်ထီၣ်ဖးထီၣ်တၢ်သဘျ့ဒီးတၢ်စံၣ်ညီၣ်တီလီၤ. ယၤ, ယွၤန့ၣ်, ကမၤကဲထီၣ်လိၣ်ထီၣ်တၢ်အံၤလီၤ.”

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်ယံးရမံယၤ 50:4

ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.

လံာ်ယဃ့းစက့လး 34:26

ယကဆိၣ်ဂ့ၤအဝဲသ့ၣ်ဒီးဒုးအိၣ်ဆိးအဝဲသ့ၣ်ဝးတရံးယတၢ်လူၢ်စီဆှံ န့ၣ်လီၤ. ဖဲန့ၣ်ယကဆိၣ်ဂ့ၤအဝဲသ့ၣ်ဒီးမူခိၣ်အတၢ်စူၤထံဖဲအဝဲသ့ၣ် လိၣ်ဘၣ်ဝဲအခါန့ၣ်လီၤ.

လံာ်ဟိၤၡ့ 12:6

လၢတၢ်န့ၣ်အဃိခဲကနံၣ်အံၤ, စီၤယၤကိာ်အစၢၤအသွဲၣ်သ့ၣ်ဧၢ, နာ်န့ၢ်သုကစၢ်ယွၤဒီးဃၣ်ကဒါက့ၤသုသးဆူအအိၣ်တက့ၢ်. အိၣ်ဒီးတၢ်သးတီဒီးတၢ်တီတၢ်လိၤဒီးအိၣ်ခိးစူၤသးလၢသု ကစၢ်ယွၤကမၤတၢ်အဂီၢ်တက့ၢ်.

လံာ်ဟိၤၡ့ 14:1

ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ. သုတၢ်ဒဲးဘးမၤဘၣ်တိၢ်သုခီၣ်ဒီးဒုးလီၤဃံၤသုလီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်ဧၤမိၣ် 5:4

ယွၤစံးဘၣ်ကီၢ်အံၣ်စရ့လးအပှၤဂီၢ်မုၢ်, ဃုယၤတက့ၢ်, ဒီးသုကမူလီၤ.

လံာ်ဧၤမိၣ် 5:6

ဃုယွၤတက့ၢ်ဒီးသုကမူလီၤ. သုမ့ၢ်တဃုအီၤဘၣ်ဒီးအဝဲကမၤပျီကွံာ်သုဒ်မ့ၣ်အူအီၣ်ကွံာ်ကီၢ် အံၣ်စရ့လးအပှၤဂီၢ်မုၢ်အသိးန့ၣ်လီၤ. မ့ၣ်အူကအီၣ်ကွံာ်ဝ့ၢ် ဘ့ၤသ့လးအပှၤဂီၢ်မုၢ်, ဒီးပှၤလၢကမၤလီၤပံာ်ကွံာ်အီၤတအိၣ်နီတဂၤဘၣ်.

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.

လံာ်လူၤကၣ် 13:24

“ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

မၤတၢ် 2:18

ဖဲမုၢ်နံၤလၢခံတဖၣ်အကတီၢ်န့ၣ်, ယကလူလီၤဂၢ်လီၤယသး လၢယကုၢ်ယပှၤမုၣ်မုၣ်ခွါခွါတဖၣ်အလိၤဒၣ်လဲာ်ဒီး အဝဲသ့ၣ်ကတဲဖျါထီၣ်ယတၢ်ကစီၣ်လီၤ.

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.