လံာ်ဟိၤၡ့ 1:6 - Sgaw Karen Common Bible

⁶ နီၢ်ကိမၢၤမၤန့ၢ်ကဒီးအဖိခံဂၤတဂၤ, တဘျီအံၤမ့ၢ်အပိာ်မုၣ်ဖိ န့ၣ်လီၤ. ယွၤတဲဘၣ်ကဒီးစီၤဟိၤၡ့, ကိးအမံၤလၢနီၢ်လိၤရူ ဃမၤတက့ၢ်. အဂ့ၢ်ဒ်အံၤ, ယတဒုးနဲၣ်ယတၢ်အဲၣ်ဆူ ကီၢ်အံၣ်စရ့လးအပှၤဂီၢ်မုၢ်မ့ၢ်ဂ့ၤ, တပျၢ်အဝဲသ့ၣ်အတၢ် ကမၣ်မ့ၢ်ဂ့ၤလၢၤဘၣ်.

လံာ်ဟိၤၡ့ 1:6 Iomraidhean Croise

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ဟိၤၡ့ 1:8

နီၢ်ကိမၢၤအဖိမုၣ်ဖှၣ်အနုၢ်ဝံၤအလီၢ်ခံ, အဝဲဒၢထီၣ်ကဒီးဝဲဒီးဆံးစၢ်ထီၣ်ကဒီးအဖိခွါတဂၤလီၤ.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်ဟိၤၡ့ 2:4

ယတဒုးနဲၣ်ဘၣ်တၢ်သးကညီလၢအဖိတဖၣ်ဘၣ်. အဝဲသ့ၣ်တဖၣ်န့ၣ်မ့ၢ်ပှၤဃဲသဲမုၣ်လၢအတၢ်မဲာ်ဆှးတအိၣ် အဖိတဖၣ်လီၤ.

လံာ်ဧၤမိၣ် 7:8

ဒီးယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ, နီၣ်ထူၣ်ပျံၤတဘိလီၤ. ဒီးယွၤစံးဝဲဒၣ်, ကွၢ်ကွၢ်ယပာ်လီၤလံနီၣ်ထူၣ်ပျံၤတဘိလၢ ယပှၤဂီၢ်မုၢ်အံၣ်စရ့လးအသိးအကျါလီၤ. ယတပျဲပူၤလၢၤဘၣ်အီၤဘၣ်.

လံာ်ဧၤမိၣ် 9:8

ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).