ဧ့ၤဘြံၤ 9:9 - Sgaw Karen Common Bible

⁹ အအံၤမ့ၢ်တၢ်အဒိအတဲာ်လၢခ့ခါဆၢကတီၢ်ခဲအံၤအဂီၢ်, ပာ်ဖျါထီၣ်လၢ, တၢ်မၤဘူၣ်ဒီးတၢ်လုၢ်တဖၣ်လၢအဘၣ်တၢ်လုၢ်ထီၣ်ပာ်ထီၣ် အီၤန့ၣ်, မၤလၢထီၣ်ပှဲၤထီၣ်ပှၤဘူၣ်ထီၣ်ဘါထီၣ်ယွၤအသးလၢ အသ့ၣ်ညါတၢ်န့ၣ်တသ့ဘၣ်အဂ့ၢ်လီၤ.

ဧ့ၤဘြံၤ 9:9 Iomraidhean Croise

ရိမ့ၤ 5:14

ဘၣ်ဆၣ်, စးထီၣ်လၢစီၤအၤဒၣ်တုၤလီၤလၢစီၤမိၤၡ့ အစိၤန့ၣ်, တၢ်သံပၢတၢ်လၢပှၤဟီၣ်ခိၣ်ဖိခဲလၢာ်အဖီခိၣ်, ပၢၢ်တုၤဒၣ်လဲာ်လၢပှၤလၢအတၢ်ဒဲးဘးတလီၤဂာ်ဒီး စီၤအၤဒၣ်အတၢ်ဒဲးဘးလၢအမ့ၢ်တၢ်တဒိကနၣ် ကစၢ်ယွၤအတၢ်မၤလိာ်ဘၣ်န့ၣ်လီၤ. စီၤအၤဒၣ်မ့ၢ်ပှၤလၢအကဟဲတဂၤအက့ၢ်အဂီၤအဒိ အတဲာ်န့ၣ်လီၤ.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

ဧ့ၤဘြံၤ 5:1

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢထီၣ် အီၤလၢပှၤဂီၢ်မုၢ်အကျါဒီးဘၣ်တၢ်ပာ်လီၤအီၤလၢကမၤကစၢ်ယွၤ အတၢ်မၤလၢပှၤဂီၢ်မုၢ်အခၢၣ်စးလၢအကလုၢ်ထီၣ်တၢ်မၤဘူၣ် ဒီးတၢ်လုၢ်လၢတၢ်ဒဲးဘးတဖၣ်အဂီၢ်လီၤ.

ဧ့ၤဘြံၤ 7:11

ပှၤဂီၢ်မုၢ်ဒိးန့ၢ်တၢ်သိၣ်တၢ်သီခီဖျိပှၤလုၢ်တၢ်အခိၣ်လၢ အဘၣ်ဃးဒီးစီၤလ့ၤဝံန့ၣ်လီၤ. တၢ်လၢတၢ်ပှဲၤမ့ၢ်အိၣ်ဒီးပှၤလုၢ်တၢ်အခိၣ်လၢအဘၣ်ဃးဒီး စီၤလ့ၤဝံအံၤဒီးအလီၢ်ကအိၣ်ဒံးလၢပှၤလုၢ်တၢ်အခိၣ်အဂၤ တဂၤလၢအဘၣ်ဃးဒီးစီၤမၤလကံစဒ့းကအိၣ်ထီၣ်လၢ အတမ့ၢ်ဘၣ်တကလုာ်ဃီဒီးစီၤအၤဟရိၣ်ဘၣ်န့ၣ်ဧါ.

ဧ့ၤဘြံၤ 8:4

အခဲအံၤအဝဲမ့ၢ်အိၣ်လၢဟီၣ်ခိၣ်ချၢန့ၣ်အဝဲတကဲဘၣ် ပှၤလုၢ်တၢ်အခိၣ်လ့ၤတက့ၤဘၣ်. အဂ့ၢ်ဒ်လဲၣ်န့ၣ်, ပှၤလုၢ်တၢ်အခိၣ်လၢအလုၢ်ထီၣ်ပာ်ထီၣ်တၢ်ဒ်ပှၤယူဒၤ ဖိအတၢ်သိၣ်တၢ်သီအသိးတဖၣ်အိၣ်ဝဲဒၣ်လံန့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,