ဧ့ၤဘြံၤ 9:7 - Sgaw Karen Common Bible

⁷ မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.

ဧ့ၤဘြံၤ 9:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:7

တဘျီဃီန့ၣ်ယွၤ, ကစၢ်ယွၤအသးဒိၣ်ထီၣ်ဘၣ်စီၤဧူးစၤဒီးမၤသံကွံာ်အီၤ လၢအတယူးယီၣ်တၢ်အဃိန့ၣ်လီၤ. စီၤဧူးစၤသံဖဲန့ၣ်လၢယွၤအတၢ်အၢၣ်လီၤအီလီၤအတလါစီဆှံ အဃၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:9

စီၤမနၤၡ့ၤဆှၢဃီၤကီၢ်ယူဒၤအပှၤဂီၢ်မုၢ်, ဒ်သိးကမၤတၢ်ဒဲးဘးဒိၣ်န့ၢ်အါန့ၢ်ဒံးဒၣ်လဲာ်ပှၤကလုာ်တဖၣ်လၢ ယွၤမၤဟးဂီၤအီၤလၢကီၢ်ပူၤဖဲအဝဲအပှၤဂီၢ်မုၢ်ဟဲနုာ်, မၤတ့ၢ်လံဝဲန့ၣ်လီၤ.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

စံးထီၣ်ပတြၢၤ 95:10

ယသးဘၣ်အၢတ့ၢ်ပှၤတစိၤန့ၣ်လၢအနံၣ်လွံၢ်ဆံ အတီၢ်ပူၤလီၤ. ယစံး “အဝဲသ့ၣ်အကလုၢ်တတီဘၣ်ထဲလဲၣ် အဝဲသ့ၣ်ဂ့ၢ်လိာ်လၢ ကစူၢ်ယတၢ်မၤလိာ်တဖၣ်လီၤ.”

လံာ်တၢ်ဟးထီၣ်ကွံာ် 30:10

ဒီးစီၤအၤဟရိၣ်ကဘၣ်မၤကဆှီထီၣ်တၢ်လုၢ်လီၢ်အံၤအလုၢ်အလၢ်ခီ ဖျိပာ်ဆၣ်ဖိကီၢ်ဖိလၢတၢ်လုၢ်အီၤလၢတၢ်ပျၢ်တၢ်ဒဲးဘးအဂီၢ် အသွံၣ်လၢတၢ်လုၢ်လီၢ်အံၤအနၢၤလွံၢ်နၢၤအဖီခိၣ်လီၤ. တၢ်အံၤကဘၣ်တၢ်မၤအီၤတနံၣ်တဘျီကိးနံၣ်ဒဲးတဘိယူၢ်ဃီ န့ၣ်လီၤ. တၢ်လုၢ်လီၢ်အံၤကဘၣ်စီဆှံဝဲလၢလၢပှဲၤပှဲၤဒီးကဘၣ် တၢ်ပာ်စီဆှံအီၤဆူယၤ, ယွၤအအိၣ်န့ၣ်လီၤ.”

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယၡါယၤ 9:16

ပှၤလၢအဆှၢပှၤသ့ၣ်တဖၣ်အံၤဆှၢကမၣ်တ့ၢ်အဝဲသ့ၣ်ဒီး မၤကဒံကဒါအဝဲသ့ၣ်လၢာ်လၢာ်ဆ့ဆ့လီၤ.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်တၢ်ဘူၣ်ထီၣ်ဘါထီၣ် 16:34

ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ. တၢ်ဘူၣ်တၢ်ဘါအလုၢ်အလၢ်အံၤကဘၣ်တၢ်မၤအီၤတနံၣ်တဘျီ, လၢတၢ်ကမၤကဆှီထီၣ်က့ၤအံၣ်စရ့လးအပှၤဂီၢ်မုၢ်လၢအတၢ်ဒဲးဘး ခဲလၢာ်အဂီၢ်န့ၣ်လီၤ. ဒီးမၤဝဲဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်တၢ်ဂံၢ် 15:25

ပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢ ကမျၢၢ်ဒီဒူၣ်အဂီၢ်, ဒီးအဝဲသ့ၣ်ကဘၣ်တၢ်ပျၢ်ကွံာ်အီၤလၢအတၢ်ကမၣ်မ့ၢ်လၢတၢ်ကမူၤ ကမၣ်န့ၣ်မ့ၢ်ဒၣ်လၢတၢ်တပာ်သူၣ်ပာ်သးအဃိ, ဒီးအဝဲသ့ၣ်ဟဲစိာ် ထီၣ်အတၢ်လုၢ်တၢ်အီၣ်တၢ်အီလၢတၢ်လုၢ်တၢ်ပျၢ်တၢ်ဒဲးဘးအဂီၢ်လံ အဃိန့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

ဧ့ၤဘြံၤ 10:3

မ့မ့ၢ်တၢ်လုၢ်တၢ်ပာ်တဖၣ်အံၤကဲဝဲတၢ်လၢအဒုးသ့ၣ်နီၣ် ထီၣ်က့ၤပှၤလၢပှၤအတၢ်ဒဲးဘးတဖၣ်တနံၣ်ဘၣ်တနံၣ်လီၤ.

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

ဧ့ၤဘြံၤ 7:27

အဝဲန့ၣ်, အလီၢ်တအိၣ်ဘၣ်လၢအကလုၢ်ထီၣ်ပာ်ထီၣ်တၢ်လုၢ် တဖၣ်ကိးနံၤဒဲး, အဆိလၢအတၢ်ဒဲးဘးဒၣ်ဝဲအဂီၢ်, လၢခံက့ၤလၢပှၤဂၤအဂီၢ်, ဒ်ပှၤလုၢ်တၢ်အခိၣ်အဒိၣ်ကတၢၢ် တဖၣ်န့ၣ်အသိးဘၣ်. အဝဲလုၢ်ထီၣ်တၢ်ထဲတဘျီဧိၤလၢအလၢဝဲပှဲၤဝဲလၢကိးဆၢ ကတီၢ်ဒဲးအဂီၢ်ဖဲအလုၢ်ထီၣ်အသးဒၣ်ဝဲန့ၣ်လီၤ.

ဧ့ၤဘြံၤ 9:3

ဒဲလၢအအိၣ်လၢယၣ်ဘျးသဒၢတၢ်ခံဘ့ၣ်တဘ့ၣ်အလီၢ်ခံတခီ ဘၣ်တၢ်ကိးအီၤလၢတၢ်စီတၢ်ဆှံကတၢၢ်အလီၢ်န့ၣ်လီၤ.