ဧ့ၤဘြံၤ 9:6 - Sgaw Karen Common Bible

⁶ တၢ်သ့ၣ်တဖၣ်အံၤဘၣ်တၢ်ကတဲာ်ကတီၤပာ်အီၤဒ်န့ၣ်ဝံၤဒီး, ပှၤလုၢ်တၢ်အခိၣ်တဖၣ်လဲၤနုာ်ဆူဒဲလၢတၢ်ချၢတတီၤ အပူၤကိးနံၤဒဲးဒီးမၤဝဲအမူအဒါလၢအဘၣ်ဃးဒီးလုၢ်လၢ် တဖၣ်န့ၣ်လီၤ.

ဧ့ၤဘြံၤ 9:6 Iomraidhean Croise

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်ဒၤနံးယ့လး 8:11

အဝဲတၤဒၣ်လဲာ်မူခိၣ်အသုးမုၢ်စီၤပၤဖိ, တြီတၢ်လုၢ်တၢ်ပာ်တ ဖၣ်လၢဘၣ်တၢ်လုၢ်ထီၣ်ဆူအအိၣ်ကိးမုၢ်နံၤန့ၣ်ဒီးမၤဟးဂီၤကွံာ်တ့ၢ် ဝဲတၢ်လုၢ်ဟံၣ်န့ၣ်လီၤ.

လံာ်တၢ်ဂံၢ် 18:2

ဟဲကိးနုာ်နဘူးနတံၢ်တဖၣ်, ပှၤလ့ၤဝံဖိအဒူၣ်, လၢအကမၤတၢ်ဒီးနၤဒီးမၤစၢၤနၤဖဲနၤဒီးနဖိခွါတဖၣ်မၤတၢ် လၢဒဲစီဆှံအပူၤအခါတက့ၢ်.

လံာ်တၢ်ဂံၢ် 28:3

တၢ်တဖၣ်အံၤမ့ၢ်တၢ်အီၣ်တၢ်အီအတၢ်လုၢ်မၤဘူၣ်တဖၣ်လၢ ကဘၣ်တၢ်ဟ့ၣ်ထီၣ်အီၤဆူယွၤအအိၣ်လီၤ. လၢတနံၤဘၣ်တနံၤတၢ်လုၢ်မၤဘူၣ်အဂီၢ်န့ၣ်သိဖါလၢအသးအိၣ်တနံၣ် ဒီးအသံၣ်သူမီၣ်ကျာ်တအိၣ်န့ၣ်ခံဒုလီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

ဧ့ၤဘြံၤ 7:11

ပှၤဂီၢ်မုၢ်ဒိးန့ၢ်တၢ်သိၣ်တၢ်သီခီဖျိပှၤလုၢ်တၢ်အခိၣ်လၢ အဘၣ်ဃးဒီးစီၤလ့ၤဝံန့ၣ်လီၤ. တၢ်လၢတၢ်ပှဲၤမ့ၢ်အိၣ်ဒီးပှၤလုၢ်တၢ်အခိၣ်လၢအဘၣ်ဃးဒီး စီၤလ့ၤဝံအံၤဒီးအလီၢ်ကအိၣ်ဒံးလၢပှၤလုၢ်တၢ်အခိၣ်အဂၤ တဂၤလၢအဘၣ်ဃးဒီးစီၤမၤလကံစဒ့းကအိၣ်ထီၣ်လၢ အတမ့ၢ်ဘၣ်တကလုာ်ဃီဒီးစီၤအၤဟရိၣ်ဘၣ်န့ၣ်ဧါ.