ဧ့ၤဘြံၤ 9:4 - Sgaw Karen Common Bible

⁴ လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

ဧ့ၤဘြံၤ 9:4 Iomraidhean Croise

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:21

လၢယွၤအတၢ်လုၢ်ဟံၣ်အပူၤန့ၣ်, ယကတဲာ်ကတီၤစ့ၢ်ကီးတၢ်လီၢ်တတီၤ လၢယွၤအတၢ်အၢၣ်လီၤအီလီၤအတလါစီဆှံအဂီၢ်န့ၣ်လီၤ. လၢတလါစီဆှံအံၤအပူၤန့ၣ်, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးပမိၢ်ပၢ်ဖံဖုလၢပျၢၤ တဖၣ်ဖဲအဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အလၢၢ်ဘ့ၣ်ဘၣ်တဖၣ်အိၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 8:9

လၢယွၤအတလါစီဆှံအပူၤန့ၣ်, မ့တမ့ၢ်လၢလၢၢ်ဘ့ၣ်ဘၣ်ခံဘ့ၣ်လၢ စီၤမိၤၡ့ဒၢနုာ်အီၤဖဲကစၢၢ်စံၤနါအလိၤ, ဖဲယွၤမၤတၢ်အၢၣ်လီၤအီလီၤဒီးပှၤအံၣ်စရ့လးဖိဖဲအဝဲသ့ၣ် ဟဲထီၣ်လၢကီၢ်အဲၤကူပတူးအပူၤအခါဘၣ်န့ၣ်တၢ်အဂၤတအိၣ်နီတမံၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 5:10

လၢတၢ်အၢၣ်လီၤအီလီၤအတလါအပူၤန့ၣ်, တၢ်ဂုၤတၢ်ဂၤတအိၣ်ဘၣ်နီတမံၤဘၣ်. တၢ်လၢအအိၣ်မ့ၢ်ဒၣ်ထဲလၢၢ် ဘ့ၣ်ဘၣ်ခံဘ့ၣ်လၢစီၤမိၤၡ့ဒၢနုာ်တ့ၢ်အီၤဖဲန့ၣ်, လၢကစၢၢ်စံၤနါအလိၤ, ဖဲယွၤမၤတ့ၢ်တၢ်အၢၣ်လီၤအီလီၤတမံၤဒီးအံၣ်စရ့လးအပှၤဂီၢ်မုၢ်, ဖဲအဝဲသ့ၣ်ဟးထီၣ်လၢကီၢ်အဲၤကူပတူးအခါန့ၣ်လီၤ.

လံာ်တၢ်ဟးထီၣ်ကွံာ် 26:33

ပာ်လီၤယၣ်ဘျးသဒၢလၢဒဲစီဆှံအခိၣ်ဒုးပူၤထးဘျးရဲၣ်လီၤ အသးတဖၣ်အဖီလာ်, ဒီးပာ်တၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤလိာ် အထံၣ်တဆံအလၢၢ်ဘ့ၣ်ဘၣ်တဖၣ်န့ၣ်လၢယၣ်ဘျးသဒၢအလီၢ်ခံတက့ၢ်. ယၣ်ဘျးသဒၢန့ၣ်ကနီၤဖးတၢ်စီဆှံအလီၢ်ဒီးတၢ်စီဆှံကတၢၢ် အလီၢ်အဆၢန့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:15

စီၤမိၤၡ့က့ၤလီၤကဒါက့ၤလၢကစၢၢ်လိၤ, စိာ်ဃုာ်ဝဲဒီးလၢၢ် ဘ့ၣ်ဘၣ်ခံဘ့ၣ်လၢတၢ်မၤလိာ်တဖၣ်အိၣ်ကွဲးအသးလၢအလိၤခံကပၤလိာ်န့ၣ်လီၤ.

လံာ်တၢ်ဟးထီၣ်ကွံာ် 34:29

ဖဲစီၤမိၤၡ့က့ၤလီၤလၢကစၢၢ်စံၤနါအလိၤ, စိာ်ဃုာ်ဒီးတၢ်မၤလိာ်အထံၣ်တဆံန့ၣ်, အမဲာ်သၣ်ကပြုၢ်ကပြီၤဝဲ လၢတၢ်ကတိၤတ့ၢ်တၢ်ဒီးယွၤအဃိလီၤ. ဘၣ်ဆၣ်ဒီးတၢ်န့ၣ်အဝဲတသ့ၣ်ညါဝဲဘၣ်.

လံာ်တၢ်ဟးထီၣ်ကွံာ် 37:25

အဝဲမၤထီၣ်တၢ်လုၢ်လီၢ်တခါလၢသ့ၣ်ဖှံၡံးတၤလၢတၢ်ဆိၣ်ကဲၤတၢ်နၢမူအဂီၢ်န့ၣ်လီၤ. တၢ်လုၢ်လီၢ်န့ၣ်အနီၣ်ထိၣ်ဃူလွံၢ်ကပၤလိာ်လၢအထီဒီးအလဲၢ်အိၣ် ဝဲတပျၢ်စုာ်စုာ်ဒီးအကစီၤထီၣ်အိၣ်ခံပျၢ်န့ၣ်လီၤ. အနၢၤလွံၢ်နၢၤလၢအသနၢၣ်လွံၢ်သနၢၣ်န့ၣ်မ့ၢ်တၢ်တမံၤဃီဒီးအမိၢ်ပှၢ်န့ၣ်လီၤ.

လံာ်တၢ်ဟးထီၣ်ကွံာ် 39:35

ဒီးတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤလိာ်အထံၣ် တဆံအလၢၢ်ဘ့ၣ်ဘၣ်တဖၣ်, အနီၣ်ယိးဘိတဖၣ်, ဒီးအခိၣ်ကၢၢ်,

လံာ်တၢ်ဟးထီၣ်ကွံာ် 40:3

ဒၢနုာ်လီၤတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤ လိာ်အထံၣ်တဆံန့ၣ်လၢအပူၤ, ဒီးဘျးထီၣ်ယၣ်ဘျးသဒၢတၢ်လၢအမဲာ်ညါတက့ၢ်.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 17:5

အန့ၣ်ဒီးပှၤလၢယဃုထၢအီၤတဂၤအနီၣ်ထိးဘိန့ၣ်ကဒိးစၢ်ထီၣ်ဝဲလီၤ. လၢကျဲဒ်အံၤန့ၣ်ယကဆိကတီၢ်ကွံာ်ပှၤအံၣ်စရ့လးဖိတဖၣ်အံၤ အတၢ်ကဒူးကဒ့ၣ်ထီဒါသုတဘိယူၢ်ဃီန့ၣ်လီၤ.”

လံာ်တၢ်ဂံၢ် 17:8

မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.

လံာ်သိၣ်လီၤသီလီၤတၢ် 9:11

မ့ၢ်လံ, တုၤအနံၤလွံၢ်ဆံဒီးအနၤလွံၢ်ဆံန့ၣ်ပူၤကွံာ်အလီၢ်ခံ ဒီးယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်ဒီးလၢအလိၤန့ၣ်အဝဲ ကွဲးတၢ်အၢၣ်လီၤအီလီၤန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 8:3

ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.