ဧ့ၤဘြံၤ 9:3 - Sgaw Karen Common Bible

³ ဒဲလၢအအိၣ်လၢယၣ်ဘျးသဒၢတၢ်ခံဘ့ၣ်တဘ့ၣ်အလီၢ်ခံတခီ ဘၣ်တၢ်ကိးအီၤလၢတၢ်စီတၢ်ဆှံကတၢၢ်အလီၢ်န့ၣ်လီၤ.

ဧ့ၤဘြံၤ 9:3 Iomraidhean Croise

လံာ်စီၤပၤအခီၣ်ထံးတဘ့ၣ် 6:16

ဒၢးလၢတၢ်အသးကံၢ်ပူၤကတၢၢ်လၢအဘၣ်တၢ်ကိးအီၤလၢတၢ်စီဆှံ ကတၢၢ်န့ၣ်ဘၣ်တၢ်ဘှီအီၤဖဲယွၤအတၢ်လုၢ်ဟံၣ်အလီၢ်ခံန့ၣ်လီၤ. အထီအိၣ်ဝဲအပျၢ်ခံဆံဒီးဘၣ်တၢ်ဒူၣ်တဲာ်အီၤလၢသ့ၣ်ဆှိအ့ ရ့းအသ့ၣ်ဘၣ်တဖၣ်စးထီၣ်လၢတၢ်ဒါအလီၢ်ဒီးတုၤလၢအခိၣ်ဒုးလာ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:14

ယၣ်ဘျးသဒၢတၢ်တဘ့ၣ်လၢတၢ်လီၢ်စီဆှံကတၢၢ်အဂီၢ်န့ၣ်, ဘၣ်တၢ်ဆးအီၤလၢဖှီဝါကဆှၣ်ဒီးတၢ်အဂၤတဖၣ်လၢအဘၣ်တၢ်စုၣ် လွဲၢ်လါဟ့, စုၣ်လွဲၢ်လုးတကုးဒီးစုၣ်လွဲၢ်ဂီၤအီၤ, အိၣ်ဒီးခ့ရူာ်အဂီၤတဖၣ်လၢတၢ်ဆးဖျါထီၣ်အီၤလၢအလိၤန့ၣ် လီၤ.

လံာ်တၢ်ဟးထီၣ်ကွံာ် 40:21

အန့ၣ်ဝံၤဒီးအဝဲဒၢနုာ်တလါစီဆှံန့ၣ်ဆူဒဲစီဆှံအပူၤဒီး ဘျးလီၤယၣ်ဘျးသဒၢတၢ်လၢအကမၤသဒၢအီၤန့ၣ်လီၤ. လၢကျဲဒ်အံၤန့ၣ်အဝဲဘျးသဒၢတၢ်အၢၣ်လီၤအီလီၤအတလါစီဆှံဒ် ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:3

ဒၢနုာ်လီၤတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤ လိာ်အထံၣ်တဆံန့ၣ်လၢအပူၤ, ဒီးဘျးထီၣ်ယၣ်ဘျးသဒၢတၢ်လၢအမဲာ်ညါတက့ၢ်.

လံာ်ယၡါယၤ 25:7

ဖဲအံၤယွၤကသုးကွံာ်တၢ်သးအုးအတၢ်အၢၣ်လၢအအိၣ်လၢ ကယဲၢ်ပှၤကလုာ်ခဲလၢာ်အဖီခိၣ်သတူၢ်ကလာ်လီၤ.

လံာ်ယဃ့းစက့လး 41:4

အဝဲထိၣ်ကွၢ်ဒၢးန့ၣ်, ဒီးလဲၢ်ဝဲအပျၢ်ခံဆံဝးတရံးန့ၣ်လီၤ. ဒၢးအံၤအိၣ်လၢတၢ်ခၢၣ်သးအဘးခီန့ၣ်လီၤ. အန့ၣ်ဝံၤဒီး အဝဲစံးဘၣ်ယၤ, “အဝဲအံၤမ့ၢ်တၢ်လီၢ်စီဆှံကတၢၢ်” န့ၣ်လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

ဧ့ၤဘြံၤ 9:7

မ့မ့ၢ်ဆူဒဲအံၤခံတီၤတတီၤအပူၤန့ၣ်ပှၤလဲၤနုာ်ဘၣ်ထဲ ပှၤလုၢ်တၢ်အခိၣ်အဒိၣ်ကတၢၢ်တဂၤဧိၤ, တနံၣ်န့ၣ်ထဲတဘျီဧိၤဘၣ်စိာ်ဃုာ်တၢ်သွံၣ်လၢအဘၣ် လုၢ်ဝဲလၢအနီၢ်ကစၢ်ဒၣ်ဝဲအဂီၢ်ဒီးလၢပှၤဂီၢ်မုၢ်တဖၣ် အတၢ်ကမၣ်အဂီၢ်န့ၣ်လီၤ.

ဧ့ၤဘြံၤ 9:8

ခီဖျိတၢ်အံၤသးစီဆှံဒုးနဲၣ်ပှၤလၢဖဲဒဲလၢတၢ်ချၢတတီၤ အိၣ်ဒံးဝဲအဖၢမုၢ်န့ၣ်, ကျဲလၢတၢ်စီဆှံကတၢၢ်အလီၢ်န့ၣ်တဘၣ်တၢ်အိးထီၣ်ဒံး အီၤဘၣ်န့ၣ်လီၤ.